Nokkuð um innbrot á höfuðborgarsvæðinu

Nokkur innbrot voru tilkynnt til lögreglunnar á höfuðborgarsvæðinu í gær. Tveimur fartölvum var stolið úr húsi í Garðabæ, skartgripir og myndavél voru tekin af heimili í Árbæ og í Hafnarfirði var brotist inn í tvær geymslur í fjölbýlishúsi. Þá var peningaveski stolið úr bíl í Kópavogi

 Kringlunni var hálfsextug kona tekin fyrir þjófnað en hún stal fatnaði úr tveimur verslunum. Í Smáralind var rúmlega tvítug kona stöðvuð fyrir sömu sakir. Hún hafði farið í mátunarklefa verslunar með náttslopp og nærföt og klippti þar þjófavörnina af vörunum. Hún tók síðan náttsloppinn ófrjálsri hendi en skildi nærfötin eftir í klefanum.

Aðspurð um nærfötin sagðist konan hafa ætlað að stela þeim líka en hætt við þegar í ljós kom að þau pössuðu ekki á hana.

Það er vandi að vera þjófur, því tilgangslaust er að stela fötum sem ekki passa.  Það hljóta að vera til einhver námskeið í því hvernig á að gera þetta rétt.

Nokkuð um innbrot á höfuðborgarsvæðinu

Kárahnjúkavirkjun gangsett

Gangsetningarathöfn Kárahnjúkavirkjunar stendur nú yfir, bæði í Reykjavík og í Fljótsdalsstöð, en ráðherrar og forsvarsmenn Landsvirkjunar komust ekki austur vegna veðurs.

Þá er hún loksins kominn í gang þetta þjóðarstolt okkar íslendinga,

Þetta er stórkostlegur tími.

Ræs! sagði Össur

Stöðumælir

Tvær konur voru teknar fyrir ölvunarakstur í Reykjavík í gærkvöldi og nótt. Önnur ók á stöðumæli í miðborginni um kvöldmatarleytið en þar lauk ökuferð hennar. Hin var stöðvuð á Bústaðavegi en hún átti mjög erfitt með að halda bíl sínum á veginum. Að sögn lögreglu er eldri konan um fimmtugt en sú yngri er tæplega þrítug.

Jæja hún stoppaði þó bílinn á réttum stað, fór kannski aðeins of langt. 

Ók á stöðumæli

Skattalækkanir

Geir H. Haarde, forsætisráðherra, gefur til kynna í viðtali við fréttaveituna Bloomberg í dag, til greina komi að bíða eitthvað með áformaðar skattalækkanir þar

Geir segir, að tímasetningar skattalækkana séu afar mikilvægar. Ekkert liggi á og stjórnvöld vilji tímasetja lækkanirnar með tilliti til þess sem sé að gerast hagkerfinu þar til dregið hefur úr þenslu og verðbólgu.

Þá er haft eftir Geir, að ríkisstjórnin ætli ekki að tengja skattalækkanir við kjarasamninga. 

Ekki hörð lending heldur snertilending

Geir segir, að íslenska hagkerfið stefni ekki í harða lendingu og allir hagvísar bendi til þess, að efnahagskerfið sé afar virkt. „Uppáhalds skilgreining mín í þessum lendingarnafngiftum er snertilending: að lenda mjúklega og taka síðan strax á loft aftur." 

Í stefnuyfirlýsingu ríkisstjórnarinnar segir, að stefnt skuli að frekari lækkun skatta á einstaklinga á kjörtímabilinu, meðal annars með hækkun persónuafsláttar. Einnig sé stefnt að því að lækka frekar skatta á fyrirtæki. 

Það er auðvelt að lofa og lofa skattalækkunum og gera síðan aldrei neitt.  Ég held að ekki ætti að vera að tala um einhverja snertilendingu í hagkerfinu.  Það rétta er að framundan er brotlending.  Og því er þetta ekkert nema bull hjá Geir, nema þetta sé eitthvað nýtt sem hann hefur lært þegar að hann fór til Svíþjóðar til að kenna þeim hagstjórn.

 

Skattalækkun frestað?

Ölæði

Maður nokkur í Malasíu bar eld að húsi sínu í ölæði, en sökum hvassviðris breiddist bálið fljótt út og svo fór, að næstum allt þorpið brann, að sögn lögreglu í dag. Rúmlega 300 manns misstu heimili sín, en ekki eru fregnir af mannskaða.

Lögreglustjórinn í þorpinu tjáði Associated Press að svo að segja hvert einasta hús í þorpinu hefði brunnið til kaldra kola. Skjólshúsi hafi verið skotið yfir íbúana með því að reisa tjöld til bráðabirgða.

Brennuvargurinn hefur verið handtekinn. Hann er 29 ára. Hann segist hafa verið ölvaður og hafa lent í rifrildi við konuna sína, með þessum afleiðingum.

Þetta kalla ég fyllirí með stæl og ekkert hálfkák á hlutunum og er í raun nokkur eftir sjá í þessum húsum eru þetta ekki bara hálfónýtir kofar sem lítið gagn er í.  Annars ætti konan að skammast sín að koma aumingja manninum í svona mikið uppnám.  Hún hefði betur haldið kjafti.

Kveikti í heilu þorpi í ölæði

Þungur dómur

Hæstiréttur hefur staðfest dóm Héraðsdóms Reykjavíkur um að maður í fyrirtækjarekstri, varð uppvís að því að standa ekki skil á virðisaukaskatti og afdregnum skatti greiði 8,5 milljónir króna í sekt og einnig var hálfs árs skilorðsbundinn fangelsisdómur staðfestur.

Var manngreyið bara ekki að reyna að bjarga eigin rekstri og fékk þetta bara lánað um tíma hjá ríkinu.  Annars eiga menn ekki að greiða svona sektir, heldur sitja það af sér í fangelsi.  Ég fékk á sínum tíma svona dóm eða 4 milljónir í sekt og tveggja ára skilorðsbundið fangelsi og ef dómurinn var ekki greiddu inn 4 vikna átti ég að sitja inni í 3 mánuði.  Til að borga 4 milljónir þurfti ég að hafa á milli 7 og 8 milljónir í tekjur og auðvitað datt mér ekki í hug að borga heldur fór í fangelsi í 3 mánuði og reiknaðist til að ég hefði í raun haft rúmar tvær milljónir í laun á meðan og hef aldrei á ævinni haft eins góðar tekjur.  Auk þess að vera í fríu fæði og húsnæði og fá meiri segja greidda dagpeninga sem dugðu fyrir tóbaki.  Svo var bara slappað af, horft á sjónvarpið, lesin blöðin og leikið sér í tölvunni.  Ósköp notalegt líf og á miklum launum.

Dæmdur til að greiða 8,5 milljónir í sekt

Hermenn

Tveir danskir hermenn féllu í skotbardaga við stríðsmenn talibana í suðurhluta Afganistans í dag. Hermennirnir voru í herflokki, sem ráðist var á í Gereshkdal í Helmandhéraði, að því er kemur fram í tilkynningu frá danska hernum.

Hva, bara tveir?   Það tekur nú varla að minnast á það þegar menn eru í stríði á annað borð.

Tveir danskir hermenn féllu í Afganistan

Kartafla í skóinn

Þær stöllur Paris Hilton og Britney Spears eru efstar á lista yfir þá, sem bandarísk börn telja að eigi að fá kartöflur í skóinn fyrir jólin vegna þess að þær hafa hegðað sér illa. Lindsey Lohan var heldur ekki talin hafa verið sérstaklega þæg á árinu.

Börnum á aldrinum 2-12 ára þótti, að sjónvarpspersónan Hannah Montana, leikin er af Miley Cyrus, væri viðkunnanlegasti skemmtikrafturinn og unglingar á aldrinum 13-17 ára töldu leikkonan Angelina Jolie ætti mest skilið að fá góða gjöf.

Listinn er byggður ákönnun, sem E-Poll Market Research gerði en á annað þúsund börn voru spurð álits.

Hverslags andskotans kjaftæði er þetta, báðar eru þetta indælar og fallegar konur og þótt eitthvað hafi mikið farið fyrir þeim í skemmtanalífinu, þá voru þær bara að skemmta sér og höfðu það gaman og gott.  Eru ekki margir sem eru að skemmta sér ansi mikið.  Ef taka á mark á þessari könnun sem ég geri ekki, þá mættu nú margir aðrir fylgja með og hræddur er ég um að öll kartöfluuppskera Bandaríkjanna dugði varla til að setja í alla þá skó sem þarf að setja í.  Bara Bush þyrfti að fá nokkur tonn.  Ég blæs á svona kjaftæði.

Paris og Britney eiga að fá kartöflu í skóinn

VG

Vinstri grænir gagnrýndu í dag þær breytingar sem gerðar hafa verið á frumvarpi um þingsköp. Sturla Böðvarsson, forseti Alþingis, lagði fram frumvarpið í gær.

Samkvæmt núgildandi lögum er ræðutími ótakmarkaður í annarri og þriðju umræðu um þingmál en í nýja frumvarpinu er gert ráð fyrir að takmarka hann. Þingmenn munu hins vegar fá að taka eins oft til máls og þeir kjósa, fyrst í 15 mínútur en síðan í fimm mínútur í senn. Flutningsmenn og ráðherrar munu þó geta flutt lengri ræður og forseti Alþingis fær heimildir til að lengja ræðutíma í sérstökum málum

Ögmundur Jónasson, Vinstri grænum, sagði í umræðum á Alþingi í dag að þörf sé á að breyta þingskaparlögum en nú eru gerðar breytingar án aðkomu Vinstri grænna, stærsta stjórnarandstöðu flokksins. Að sögn Ögmundar er í flestum tilvikum um vönduð vinnubrögð að ræða á Alþingi og það sé einungis þegar rætt er um stór mál sem umræður dragast á langinn. Stór mál eins og EES samninginn og Vatnalögin. Segir Ögmundur að ekki sé um mörg mál að ræða en það séu ávalt mikil hitamál og að ekki eigi að versla með málfrelsi.

Lúðvík Bergvinsson, Samfylkingu, segir að stefnt sé að því með breytingunum að bæta þingstörf og auka aðhald með ríkisstjórninni . Segir að ekki sé verið að skerða málfrelsi heldur munurinn sá að nú megi tala oft í skemmri tíma í stað lengi í tvígang. Með þessu verið að bæta þingstörf.

Siv Friðleifsdóttir, Framsóknarflokki, sagði að með breytingunni sé ekki verið að skerða málfrelsi og sagði að ekki væri hægt að bjóða fólki upp á þau vinnubrögð sem hafi viðgengist á Alþingi. Segir hún það ósk framsóknarmanna að gera þingið fjölskylduvænna.

Steingrímur J. Sigfússon , Vinstri grænum, segir að breytingarnar veki furðu og undrun. Nú sé verið að reyna að koma í veg fyrir samræður og það veki furðu að Samfylkingin standi með þessum breytingum. Segir Steingrímur að Vinstri grænir séu ekki tilbúnir til þess að stjórnarandstaðan selji frá sér það eina vopn sem bítur. Málfrelsið sé ekki verslunarvara. Gagnrýndi Steingrímur aðkomu forseta Alþingis, Sturlu Böðvarssonar, að málinu og að það hafi verið sett á dagskrá þingsins í gærkvöldi.

Kristinn H. Gunnarsson, Frjálslynda flokknum, segir að menn hafi haft nógan tíma til þess að skoða málið og gera breytingar. Segir hann að breytingarnar séu Alþingi til framdráttar og ekki sé vanþörf þar á. Kristinn segist vera ósammála ummælum um óvönduð vinnubrögð og gagnrýni á forseta Alþingis. Það sem komi honum á óvart séu óvönduð vinnubrögð VG í þessu máli.

Katrín Jakobsdóttir, Vinstri grænum, segist hafa viljað að það væri skipaður starfshópur um breytingar á þingskaparlögum. Segist hún ekki sjá að það að stytta ræðutíma skili betri árangri.

Helgi Hjörvar, Samfylkingu, segir langar og leiðinlegar ræður sem þingmenn flytji stundum sé ekki lýðræðinu til framdráttar. Þingmenn sem flytji slíkar ræður ættu að taka endurmenntunarnámskeið í ræðuhöldum. Segir hann að það nægi ekki Steingrími J. að standa í ræðustól heldur sé hann gjammandi utan úr sal.

Forseti Alþingis vakti athygli Helga Hjörvar á því að það fari betur á því að segja að það fari betur á því að tala um að þingmenn kalli úr þingsal í stað þess að tala um að þeir gjammi. Meðflutningsmenn eru þingflokksformenn allra flokka, nema Vinstri grænna.

Auðvitað eru Vinstri grænir á móti þessu frumvarpi, ég hefði orðið fyrir miklum vonbrigðum ef þeir hefðu ekki verið á móti.  VG er á móti öllu jafnvel sínum eigin stefnumálum enda er það sem heldur lífinu í þessum furðulega flokki.  Ég veit ekki hvað þær myndu gera ef svo ólíklega vildi til að þeir kæmust í ríkisstjórn, þá fyrst vandaðist málið.  Þeir vita alveg sína stöðu og ef þeir hætta að vera á móti öllu lognast þessi flokkur útaf.  Í VG er samansafn af fyrrverandi kommúnistum og til að fegra ásýnd sína hefur þeim tekist að plata saklaus ungmenni til fylgis við flokkinn.  Slíkir flokkar eiga ekki heima í nútíma þjóðfélagi.  Því fyrr sem hann hverfur, þeim mun betra verður ástandið á Alþingi.

VG gagnrýnir frumvarp um þingsköp

Hagkaup

Í nýrri verslun Hagkaupa í Holtagörðum er sérstakt pláss ætlað körlum meðan konurnar kaupa inn fyrir heimilið. Í plássinu eru fjögur sæti og stórt sjónvarpstæki, Þetta er bara alger snilld," sagði Finnur Freyr Harðarson, örþreyttur viðskiptavinur Hagkaupa, í gær aðspurður um ágæti athvarfsins. „Það eina sem vantar er að hér sé bjór í boði yfir enska boltanum. Að vísu veit ég ekki hvort ég nenni að koma hingað til að versla með konunni, því ég tók þátt í að byggja þetta húsnæði."

Sóley Tómasdóttir, formaður mannréttindanefndar Reykjavíkurborgar og róttækur femínisti, segist hissa á þessari þjónustu Hagkaupa. „Mér finnst þetta gamaldags viðhorf til kynjanna. Það er ótrúlegt að jafn framsækiðfyrirtæki og Hagkaup er skuli ekki átta sig á því að það eru bæði kyn sem bera ábyrgð á innkaupum fjölskyldunnar."þar sem boðið verður upp á sýningar frá ensku knattspyrnunni.

Nú þykir mér illa komið fyrir íslenskum karlmönnum ef þeir hafa ekki lengur peningavit og geta þar af leiðandi ekki verslað.  Enn einu sinni sanna íslenskar konur hvað þær standa karlmönnum framar á flestum sviðum.  Nú er það peningavitið, þetta er ekki spurning um hvort karlmenn nenni að versla eins og einn segir heldur er ástæðan sú að þeir hafa ekki vit á því og svo verður líka að passa þá eins og lítil börn svo þeir geri nú ekki neina vitleysu, það verður sennilega líka að gefa þeim bjór svo allt karlaliðið fari ekki að grenja.

Pabbar í pössun í Hagkaupum