Bloggfærslur mánaðarins, júní 2007

Sandgerðisbréf 4

Ekki eru góðar fréttir frá mér núna.  Ég skrapp til Reykjavíkur þann 17. júní sl. og var á leið heim milli 8,30 og 9,00, þegar ég kom að gatnamótunum við Keflavík ætlaði ég að koma við í sjoppu og fá mér pylsu og kók en sólinn var orðin mjög lágt á lofti og talsverð umferð á móti og var ég orðinn talsvert þreyttur á akstrinum og þegar ég ætlaði að beygja inní Keflavík blindaði sólin mig algerlega og ég sá ekki neitt og fór of langt áður en ég beygði sem varð til þess að bíllinn hentist uppá umferðareyju sem er þarna og yfir hana og fram af kantinum hinum megin.  Ég fékk verkstæði í Keflavík til að taka bílinn og er hann stórskemmdur og áætlaður viðgerðakostnaður um 300-400 þúsund sem ég á mjög erfitt með að greiða af mínum örorkubótum.  Vegna einhverra mistaka hafði bíllinn dottið út úr kaskótryggingu og sit ég því sjálfur upp með tjónið.  Það er mjög erfitt fyrir mig að vera bíllaus því vegna fötlunar minnar á ég frekar erfitt með mikinn gang.  Synir mínir ætla að veita mér einhverja aðstoð en það dugar ekki til og bið ég því alla sem þetta lesa og hafa tök á að aðstoða mig í þessum erfiðleikum mínum.  Ég er búinn að vera í algeru sjokki síðan þetta skeði og þar af leiðandi ekki virkur hér á blogginu.

Símanúmer mitt er 456-2107


Sandgerðisbréf 3

Nú eru ekki góðar fréttir frá Sandgerði.  Bátarnir halda áfram að landa dag eftir dag stórum og fallegum þorski, sem ekki á að vera til og koma þar með Hafró í vandræði og er nú ekki ábætandi þar á bæ.  Hvað mig persónulega varðar átti ég aðeins 10 daga eftir til að áfengisbindindið næði 12 mánuðum og þá féll ég en eins og formaður Sjómannafélags Eyjarfjarðar sagði í fréttum er hann var spurður, hversvegna ekki hefði verið haldið uppá sjómannadaginn í ár eins og áður?  Þá var svarið þetta:  Undanfarin ár hafa hin tvö stóru útgerðarfélög á Akureyri veitt Sjómannafélaginu fjárhagsaðstoð til að halda uppá þennan dag en í ár höfðu hvorki Samherji hf. né Brim hf. efni á að veita aðstoð og  voru enginn hátíðarhöld í ár en formaðurinn gat þess einnig að nú þegar væri byrjað að undirbúa næsta sjómannadag og bætti við að þegar menn sökkvi nógu djúpt niður verði spyrnan uppá við þeim mun kröftugri og það er einmitt það sem ég ætla að gera,  þótt ég hafi fallið af 12. hæð niður í kjallara verð ég bara að taka hraustlega á og byrja að fara upp aftur, bara aldrei að  gefast upp og þá kemur þetta.   Ég get ekki dæmt um hvort þessi tvö Útgerðarfélög á Akureyri yfir höfuð einhverja peninga og í raun kemur mér það ekkert við, en samt finnst mér að þau bæði vera með þessu að lýsa því yfir að þau meta sína sjómenn og þeirra störf einskis.  Guðmundur vinalausi er tekin til við sína fyrri iðju.  Hann hefur látið skrá togara Brims hf. í Reykjavík og um leið fluttist nær allur kvóti Brims hf. frá Akureyri til Reykjavíkur, eins er hann nýlega búinn að selja Tjald SH-270 með öllum kvóta til Rifs.  Síðustu frétti frá þessum manni eru þær að hann sé að reyna að komast yfir Vinnslustöðina í Eyjum og ég ætla rétt að vona að Vestmannaeyringum takist að koma í veg fyrir þau áform, því það er ekkert grín að fá svona kvótabraskara inn í sín atvinnumál.

Höfundur

Jakob Falur Kristinsson
Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005.  En er nú aftur fluttur á Bíldudal.  Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir.  Mats á að sjálfsögðu hönundaréttin að öllum sínum myndum.  Vilja menn sjá fleiri myndir þá vísast á www.mats.is  Ég  var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna.  Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir.  Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir.  Einnig er undir liðnum spaugilegt smá grín ofl. 

Ég leyfi öllum að skrifa athugasemdir við mín skrif.   En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila.  Einnig mun ég henda út nafnlausum athugasemdum.  Því ég einn ber ábyrgð á því sem skrifað er á mína síðu.

jakobkr@internet.is     

GSM: 823-2954

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband