Bloggfærslur mánaðarins, júlí 2008

Bakkavör

 Tap, sem nam 23,4 milljónum punda, var á rekstri Bakkavarar Group á öðrum ársfjórðungi samanborið við 15,7 milljóna punda hagnað á sama tímabili í fyrra. Á fyrri helmingi ársins nam tapið 36,2 milljónum punda en á fyrri hluta síðasta árs var 25,6 milljóna punda hagnaður.

Nú er fokið í flest skjól þegar þetta fyrirtæki er farið að skila tapi af rekstri.  Þá eigum við örugglega eftir að sjá mörg ljót uppgjör íslenskra fyrirtækja á næstunni.


mbl.is Tap hjá Bakkavör
Tilkynna um óviðeigandi tengingu við frétt

Hjálpa Ólafi F. Magnússyni

Nú er Kári Stefánsson og hansfólk búin að uppgötva hvaða gen veldur geðklofa.  Væri ekki tilvalið að láta Kára kíkja aðeins á höfuð Ólafs F. Magnússonar, borgarstjóra.  Því í Kastljósinu í gær talaði hann oft um sig í þriðju persónu sem er einkenni um að hann er í raun og veru tveir menn og þar með geðklofi.

Dúkkuhús við Laugaveg

Mynd 474057 Þegar gengið er niður Laugaveg má nú víða sjá lítil blá hús sem minna á dúkkuhús. Þau eru hins vegar með þaki sem hægt er að lyfta svo hægt er að henda niður í þau rusli enda eru þau í raun ruslafötur, dulbúnar sem hús.

Þetta er sniðug hugmynd hjá Jakob Frímann Magnússyni, ég ætla að vona að þessi hús séu í 19. aldar stíl.  Annars verða þau rifinn.


mbl.is Hulduruslafötur í miðborg
Tilkynna um óviðeigandi tengingu við frétt

Kaupþing

Andreas Håkanson, greinandi hjá UBS í Svíþjóð, segir uppgjör Kaupþings hafa valdið sér vonbrigðum og vísar hann þar með sérstaklega til lánataps bankans og hás kostnaðar.

Þetta eru nú bara öfund og þessi maður veit ekkert hvað hann er að tala um.  Kaupþing er minn banki og stendur sig vel að mínu mati og ég veit allt.


mbl.is Segir uppgjörið vonbrigði
Tilkynna um óviðeigandi tengingu við frétt

Brunahani

Lækur myndaðist á Flugvallarbraut í morgun. Lækur myndaðist á Vallarheiði eftir að bíll lenti á brunahana á Flugvallarbraut í Reykjanesbæ í morgun. Ökumaður virðist hafa misst stjórn á bíl sínum í beygju á veginum með þeim afleiðingum að hann ók niður brunahana og gangbrautarskilti.

Hvað var þessi andskotans brunahani að þvælast þarna fyrir löglegum ökutækjum.  Enda varð stórtjón af þessum brunahana.


mbl.is Ók niður brunahana
Tilkynna um óviðeigandi tengingu við frétt

Ánægður með afkomu félagsins

Ég var að lesa í Viðskiptablaðinu í morgun viðtal við forstjóra Straums-fjárfestingarfélags og sagðist hann bara vera ánægður með afkomu félagsins fyrstu 6 mánuði ársins.  Það hefði að vísu verið tap um 1,5 milljónir og tap á skuldabréfum verið tæpir 9 milljarðar.  Hann sagðist bara vera mjög sáttur , þetta hefði geta verið verra.

Hvað ætli forstjórinn hefði sagt ef hagnaður hefði verið á félaginu?.


Hæstu opinberu gjöld í Eyjum

Magnús Kristinsson.Magnús Kristinsson, forstjóri, greiðir hæstu opinberu gjöld í Vestamannaeyjum í ár. Samkvæmt upplýsingum frá skattstjóra Vestmannaeyja greiðir Magnús 27.644.483 kr í heildargjöld. Ragnheiður Alfonsdóttir, greiðir næsthæstu gjöld í umdæminu eða 26.568.570 krónur.

Honum munar lítið um þetta honum Magnúsi þyrlu- og Toyotaeiganda og útgerðarmanni.  Mér finnst ánægjulegt að sjá hverjir eru að greiða hæstu gjöldin í Eyjum, en þar eru bæði útgerðarmenn, framkvæmdastjórar útgerðarfyrirtækja, eigendur í útgerðarfyrirtækjum og skipstjóri.  Það er langt síðan fólk sem lifir og hrærist í sjávarútveginum kemst ofarlega á svona lista.  Það hefur verið undanfarið að bankamenn og fjármálamenn sem hafa raðast í efstu sæti um land allt.


mbl.is Magnús Kristinsson greiðir mest í Eyjum
Tilkynna um óviðeigandi tengingu við frétt

Búa í sveit

Auðmenn úr Reykjavík sækja í auknum mæli eftir þvi að eiga lögheimili þar sem þeir reka frístundabúskap. Þetta færir sveitarstjórnum auknar tekjur. Á móti kemur að það heyrir nánast sögunni til að ungt fólk kaupi jarðir til að stunda hefðbundinn búskap.

Ég tel þetta vera af hinu góða fyrir lítil sveitarfélög og ekkert til að harma þótt ungt fólk stundi ekki hefðbundinn búskap á þessum jörðum.  Það fólk sem er í hinum hefðbundna búskap lifir við hungurmörk og því varla eftirsóknarverður fyrir ungt fólk í dag.   Þessir auðmenn byggja líka glæsilega upp á sínum jörðum og auðga þannig landsbyggðina og ætti það að vera öllum fagnaðarefni.


mbl.is Eiga lögheimili í sveit
Tilkynna um óviðeigandi tengingu við frétt

Listaháskóli

Vegfarendur skoða sýningu á tillögum að nýju húsi Listaháskólans. Allt er nú óvíst um byggingu nýs Listaháskóla við Laugaveg. Verðlaunatillaga um húsið rúmaðist ekki innan gildandi deiliskipulags, sem borgarstjóri og Magnús Skúlason, verðandi fulltrúi hans í skipulagsráði, vilja fylgja út í æsar til að varðveita 19. aldar götumynd Reykjavíkur.

Til hvers var verið að  láta arkitekta leggja mikla vinnu í að teikna nýjan Listaháskóla við Laugarveg ef aldrei var meiningin að hann yrði við þá götu.  Magnús Skúlason hefur látið út úr sér að nemendur við þennan skóla ættu ekkert erindi á Laugarveginn, því sú gata væri verslunargata, auk þess sé þessi bygging ljót.   Það vekur líka furðu að Hanna Birna Kristjánsdóttir formaður Skipulagsráðs, fullyrðir að komin sé lausn á þessu máli eftir fund hennar með stjórnendum skólans og byggingin verði við Laugarveg.  Nú verður Hanna Birna að éta þessi orð ofan í sig, því bæði Ólafur borgarstjóri og fulltrúi hans í Skipulagsráði hafa ákveðið annað, því auðvitað láta sjálfstæðismenn Ólaf kúga sig í þessu eins og öllu öðru.

Þetta eru líka svik Reykjavíkurborgar við þá arkitekta sem unnu að þessum tillögum.  Því það var efnt til samkeppni um nýja byggingu fyrir Listaháskólann og hann ætti að vera við Laugarveg og eftir því var unnið.  Það var ALDREI mynnst á að þessi bygging ætti að vera í 19. aldar stíl eða vera byggð annars staðar en við Laugarveg á svo kölluðum Frakkastígsreit.  Það er augljóst að arkitektar munu aldrei taka þátt aftur í að teikna hús fyrir Reykjavíkurborg eftir þessa reynslu.

Ólafur F, Magnússon hefur gefið út þá lýsingu á sinni persónu að hann sé manna heiðarlegastur og standi við allt sem hann segir.  Samt er það upplýst að mánuði áður en hann rak Ólöfu Valdimarsdóttur úr Skipulagsráði, var hann byrjaður að ræða við Magnús Skúlason um að Magnús tæki sæti Ólafar í Skipulagsráði.  Kann maðurinn ekki mun á réttu og röngu.  Nú er komin upp sú skrýtna staða að sjálfstæðismenn í borgarráði verða að kjósa Magnús í Skipulagsráð því Ólafur á þar ekki sæti eða fulltrúa.  Hann er aðeins varamaður í borgarráði og þá vaknar sú spurning varamaður hvers er Ólafur?

Ég ætla að vona að Sjálfstæðisflokkurinn hafi vit á því að losa sig við þennan geðveika mann áður en meiri skaði hlýst af hans störfum í Reykjavík.  Það er komið nóg af allri hans vitleysu og rugli.


mbl.is Vaxandi óvissa um Listaháskóla
Tilkynna um óviðeigandi tengingu við frétt

Klikkaði borgarstjórinn

Ég hef aldrei séð annað eins og var í Kastljósþætti í gærkvöld.  Þar fékk Helgi Seljan sjálfan borgarstjórann í Reykjavík Ólaf F. Magnússon, til að sitja fyrir svörum varðandi brottrekstur Ólafar Valdimarsdóttur.  Þegar Helgi hafði borið upp fyrstu spurninguna varandi Ólöfu, þá fór Ólafur að ræða um ráðningu á Jakob Frímann Magnússyni og launakjör hans og þess sem var í starfinu áður.  Þegar Helgi reyndi að stöðva orðaflaum borgarstjórans og vildi fá svar við sinni spurningu.  Þá brást Ólafur hinn versti við og sagði ætluðum við ekki að ræða borgarmálefni.  Helgi benti honum þá á að sín spurning væri um borgarmálefni og ítrekaði spurninguna.  Þá svaraði Ólafur því til að hvernig hann ætti að geta svarað spurningum þegar hann væri sífellt að grípa frammí fyrir sér og trufla sig.  Ekki fékkst hann til að svara neinu varðandi Ólöfu Valdimarsdóttur og bar fyrir sig trúnaði.  Þá fór Helgi að spyrja hann um byggingu hins nýja Listaháskóla við Laugaveg.  Því var svarað með þeim orðum að það mál yrði leyst í góðri sátt.  En það stæði skýrt í málefnasamningi meirihlutans að 19. aldar götumynd Laugarvegar yrði varðveitt og þegar Helgi spurði hvort honum fyndist húsið ljótt eins og Magnús Skúlason hefur sagt, þá fór Ólafur aftur að ræða önnur málefni hjá borginni en Helgi gekk fast eftir svari við sinni spurningu og bað um að svarið yrði annað hvort já eða nei.  Ólafur reyndi hvað hann gat að koma sér undan að svara en Helgi gaf ekkert eftir og að lokum kom svarið: "Húsið er kannski ekki voðalega ljótt en.........................?".  Þá sleit Helgi viðtalinu og skömmu síðar sást hvar borgarstjóri æddi á dyr.  Ólafur F. Magnússon talaði allt viðtalið eins og sá sem valdið hefur og tók ekki til greina þegar Helgi sagði honum að hann (Helgi) stjórnaði þættinum og legði fram spurningar.  Framkoma Ólafs F. Magnússonar í þessum Kastljósþætti er honum og öllum meirihlutanum til hábornar skammar.  Ég var búinn að heyra að maðurinn ætti við geðræn vandamál að stríða og þessi þáttur sannfærði mig algerlega um að maðurinn er geðveikur og á miklu meira erindi á geðdeild en í stól  borgarstjóra.  Ætlar Sjálfstæðisflokkurinn að tapa nær öllu sínu fylgi í Reykjavík með því að koma geðveikum manni til valda í Reykjavík.  Því þeir bera fulla ábyrgð á Ólafi F. Magnússyni og allri hans vitleysu?.

Næsta síða »

Höfundur

Jakob Falur Kristinsson
Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005.  En er nú aftur fluttur á Bíldudal.  Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir.  Mats á að sjálfsögðu hönundaréttin að öllum sínum myndum.  Vilja menn sjá fleiri myndir þá vísast á www.mats.is  Ég  var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna.  Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir.  Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir.  Einnig er undir liðnum spaugilegt smá grín ofl. 

Ég leyfi öllum að skrifa athugasemdir við mín skrif.   En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila.  Einnig mun ég henda út nafnlausum athugasemdum.  Því ég einn ber ábyrgð á því sem skrifað er á mína síðu.

jakobkr@internet.is     

GSM: 823-2954

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband