Spakmæli dagsins

Kreppan er eins og vindurinn,

enginn veit hvaðan hún kemur,

eða hvert hún fer.

(Ásgeir Ásgeirsson)

Óvissa

Kosningar til sveitarstjórna nálgast óðfluga. Flokkarnir eru þegar farnir að huga að vali fólks á listana en nú ríkir óvissa um það hvort Alþingi samþykki fyrirliggjandi frumvarp um persónukjör.

Halda flokkarnir ekki bara sín prófkjör eins og áður og ef Alþingi samþykkir frumvarp um persónukjör, mun það einhverju breyta öðru en því að í kjörklefanum geta kjósendur raðað á listann sem hann kýs.  Eru flokkarnir kannski eitthvað hræddir við að kjósendur raði ekki rétt á listana.

Óvissa um persónukjör litar prófkjör

Áfram Þjóðleikhússtjóri

Menntamálaráðherra hefur skipað Tinnu Gunnlaugsdóttur þjóðleikhússtjóra til næstu fimm ára, frá og með 1. janúar 2010. Tinna hefur gegnt stöðu þjóðleikhússtjóra frá árinu 2004. Við ákvörðunina var bæði tekið tillit til álits þjóðleikhúsráðs og viðtala við umsækjendur.

Þarna tekur menntamálaráðherra rétta ákvörðun, því Tinna hefur staðið sig mjög vel.  Svona á að standa faglega að ráðningum hjá hinu opinbera.  Því bæði var tekið tillit til álits Þjóðleikhúsráðs og viðtöl tekin við aðra umsækjemdur.

Tinna áfram Þjóðleikhússtjóri

Bleika slaufan

Bleika slaufan, söfnunar og árvekniátak Krabbameinsfélags Íslands, hefst formlega á morgun og hefur félagið sett sér það markmið að selja 45 þúsund slaufur fram til 15. október þegar slaufusölunni lýkur.

Ég er viss um að þessa slaufur verða fljótar að seljast upp og hefði vilja sjá fleiri slaufur í boði, því að 45 þúsund slaufur duga ekki fyrir alla, sem vilja kaupa.

Íslendingar leggja alltaf góðum málum lið.

Stefnt að sölu á 45 þúsund bleikum slaufum

BYKO

Verslun og timbursölu Byko verður lokað í októberlok og þá hefur öllum starfsmönnum verið sagt upp. Alls er um sjö fastráðna starfsmenn að ræða og þrjá í hlutastarfi. „Við erum að reyna að hagræða í rekstri hjá okkur eins og við getum og þurfum,“ segir Sigurður E. Ragnarsson, forstjóri Byko.

BYKO er dæmi um fyrirtæki þar sem eigendur fóru glannalega í fjárfestingum.  Bæði í hlutabréfum og í útrás til Finnlands Þetta fyrirtæki er aðaleigandi Norðvik ehf. sem á Nóatún-verslanir og 11-11, ELCO verslanir og fleiri fyrirtæki.  Í dag þegar enginn byggir hús eða annað þá kemur það fyrst fram á fyrirtækum eins og BYKO auk mikils taps vegna rangra fjárfestinga.

Það er talað um að hagræða hjá þessu fyrirtæki, en staðreyndin er samt sú að þetta fyrirtæki er komið í þrot.  Þeir áttuðu sig ekki í allri græðginni að á sumum sviðum voru þeir komnir í samkeppni við sjálfa sig.

Byko lokar á Akranesi

Greiðsluverkfall

Greiðsluverkfallsstjórn Hagsmunasamtaka heimilanna segir að úrræði sem félagsmálaráðherra, Árni Páll Árnason, hefur kynnt um lausn á skuldavanda heimilanna, breyti ekki áður boðuðu verkfalli. Samtökin hafa boðað greiðsluverkfall frá og með morgundeginum til 15. október.

Greiðsluverkfall gerir bara ill verra, fyrir flesta og ég tel að frumvarp félagsmálaráðherra muni duga til að laga stöðu nær allra heimila í landinu.  Hvað vill þetta fólk láta gera, vill það að öll lán séu afskrifuð og enginn þurfi að greiða krónu og því jafnframt hefnir peningar.  Hver króna sem verður afskrifuð kemur síðan til baka í formi hærri skatta.  Eða er enn til fólk sem heldur að allir peningar verði til í Seðlabanka Íslands og þar sé að finna einhverja peningauppsprettu, sem gýs peningum af og til.

Ekki hætt við greiðsluverkfall

Forgangsmál

„Ég legg áherslu á að þetta verði forgangsmál í þinginu,“ segir Jóhanna Sigurðardóttir forsætisráðherra um frumvarp um persónukjör til sveitarstjórna, sem nú er til meðferðar hjá allsherjarnefnd Alþingis.

Nú er Jóhönnu að fatast flugið ef þetta á að verð forgangsmál á Alþingi, sem hefst á morgun.  Er ekki nægur tími til að ræða þetta mál, sem skipta þjóðina meira máli en þetta.

Persónukjör forgangsmál á þingi

Forvarnir

Samtök foreldra grunnskólabarna í Reykjavík, Íþrótta- og tómstundaráð Reykjavíkur og Íþróttabandalag Reykjavíkur munu í vetur sameinast um aukið samstarf þessara aðila í sérstökum forvarnarverkefnum tengdum börnum og ungmennum. Samningur þar að lútandi verður undirritaður í dag. 

Þetta er stórundarlegt að vera í dag að undirrita samning borgarinnar við grunnskólana um forvarnir.  Þá ákveða borgaryfirvöld að loka Austurbæjarbíói, sem hefur verið samanstaður fyrir ungt fólk og vinna þar ákefðin verkefni.

Aukið samstarf um forvarnir

Austurbæjarbíó

Hópur ungs fólks, sem haft hefur aðstöðu til ýmiskonar liststarfsemi í Austurbæjarbíó, segir óskiljanlega þá ákvörðun borgaryfirvalda að loka húsinu, sama dag og blásið er til sérstaks forvarnardags í grunnskólum borgarinnar. Skorað er á borgarstjóra að koma í dag og kynna sér starfsemi í húsinu.

Ég hefði talið eðlilegra að borgaryfirvöld myndu efla starfsemi í þessu húsi.  En nú á bara að loka því, öll svona starfsemi hjá ungu fólki eru ákveðnar forvarnir gegn áfengi og eiturlyfjum.

Ég skil ekki svona vitleysu og rugl.

Undrast lokun Austurbæjarbíós

Innbrot

Brotist var inn í verslun ÁTVR við Stekkjarbakka í nótt og áfengi stolið en ekki er ljóst hve miklu. Einn maður sést í öryggismyndavél; hann braut rúðu í útidyrum með gangstéttarhellu og komst þannig inn. Lögreglu barst tilkynning um innbrotið frá Öryggismiðstöðinni klukkan hálf eitt í nótt.

Eru þessar búðir ekki þjóheldar með öryggigleri?  Svo virðis ekki vera því þjófurinn brau rúðu til að lomast inn, það sást á öryggismyndavél.  En ekki þekkti lögreglan þjófinn af þeirri mynd svo þetta hefur ekki verið einn af hennar góðkunningjum.  Maðurinn er ófundinn enn og situr örugglega í rólegheitum og drekkur stolið vín.

Annar skil ég ekki hlutverk þessara öryggisfyrirtækja, því það eina sem þau virðast gera er að tilkynna lögreglu þegar brotist er inn einhverstaðar.  Þetta er falskt öryggi sem fyrirtækin eru að greiða stórfé fyrir.

Brotist inn í ÁTVR