Öryggi sjómanna

„Ég skora á sjómanna-, skipstjóra- og vélstjórasamtökin og LÍÚ að koma í lið með Landsambandi smábátaeigenda og mæla með að lög um lögskráningu verði aflögð. Að öðrum kosti bið ég samtökin um láta af þeim leiða ósið að hlutast til um málefni smábátaeigenda sem ekki varða þeirra hagsmuni,“ segir Örn Pálsson framkvæmdastjóri LS. Hann segir lögskráningarlög úrelt fyrirbrigði.

Er maðurinn orðin eitthvað ruglaður.  Fram til þessa hefur verið skylt að lögskrá á skip yfir 20 brúttórúmlestum.  Þannig að ekki hefur þurft að lögskrá á smábáta, haf því sjómenn á þeim verið ótryggðir.  Nú liggur fyrir Alþingi að lögskrá skuli á öll skip.  Tilgangur lögskráningar er eftirfarandi;

1.   Að sjómenn hafi þau atvinnuskýrteini til þeirra starfa sem þeir eru ráðnir til.

2.   Að skipið hafi gilt haffærisskýrteini, skip og búnaður sé skoðaður árlega

3.   Lögbundinn áhafnartrygging sé í gildi. Nauðsynlegt ef slys verður um borð.

4.   Skráir siglingartíma sjómanna.  Nýtist sjómönnum ef þeir ætla í frekara nám á sviði sjómennsku. og er sönnun fyrir svokölluðum sjómannadögum sem sérstakur skatta afsláttur sjómanna byggir á.  Er einnig sönnun fyrir hvað sjómaður hefur starfað hjá ákveðinni útgerð ef til ágreinings kemur um uppgjör á launum.

Mér finnst þetta allt svo eðlilegt og sjálfsögð atriði að ekki ætti að þurfa um það að deila.  Hinsvegar kostar þetta talsverða peninga.  Mér finnst það Landssambandi smábátaeigenda til skammar að ætla að spara sér nokkrar krónur á kostnað öryggis sjómanna.

Lögskráning úrelt fyrirbrigði

Athugasemdir

[Sverrir Einarsson, 23.3.2009 kl. 12:16]

Mér er skapi næst að halda að Örn Pálsson sé einhver "kontoristi" sem hafi komist til "metorða" á skrifstofu LS með löngum vinnutíma þar og sé því ekki í stakk búinn til að berjast fyrir manninn um borð í smábátunum.

[Jakob Falur Kristinsson, 23.3.2009 kl. 12:39]

Hann er bara að gæta hagsmuna eigenda smábátanna en ekki sjómannanna.

[Birkir Ingason 23.3.2009 kl. 12:46]

 Að sjálfsögðu á að lögskrá alla sem ferðast með bátum/skipum yfir 6 metra (skráningarskyld skip). Lögskráningin hjá mér nýttist mér heldur betru vel þegar ég fór í skipstjórnarnám þá fékk ég metið nokkrar eingingar vegna sjótíma. Auk þess fær maður ekki atvinnuskirteini nema maður skili inn ákveðnum sjótíma, og það er það sem lögskráningin telur. Fyrir utan að þetta er tryggingin hjá manni í sambandi við laun og réttindi manns, og trygging ef eitthvað kemur fyrir mann. Og nú fær maður ekki lögskráningu nema maður hafi klárað Slysavarnarskóla sjómanna. Sem er bara besta mál. Þessir menn myndu segja eitthvað ef synir þeirra eða dætur væru á sjó og skipið myndi farast og útgerðin myndi segja: æj óheppin þið engar dánarbætur skipstjórinn lögskráði ekkert dóttur/son ykkar. Og hver getur sannað að hann hafi farið þennan túr ? Já þa myndu þeir snúast um hæl rakleiðis til alþingis og setja lögskraningu á öll farartæki á hafi og vötnum.

[Jakob Falur Kristinsson, 23.3.2009 kl. 18:18]

Auðvitað á að lögskrá á öll skip, ég myndi nú telja að meiri hætta væri á slysum hjá smábátum en stærri skipum.  Örn Pálsson virðist vilja fórna öryggi sjómanna fyrir einhverja smápeninga.