Jóhanna Guðrún

Þrátt fyrir ungan aldur virðist söngkonan Jóhanna Guðrún vera eldri en tvævetur þegar kemur að markaðsmálum. Jóhanna hefur greinilega ákveðið að hamra járnið meðan það er heitt því nú auglýsir hún grimmt plötu sína, Butterflies and Elvis, sem kom út um mitt síðasta ár. Í auglýsingunni er platan hins vegar sögð ný, sem er greinilega teygjanlegt hugtak.

Vonandi gengur þessari ungu söngkonu vel í Moskvu.

Jóhanna hamrar járnið meðan það er heitt

Fimmtug Barbie

Vinsælasta dúkka heims síðustu áratugi verður fimmtíu ára á mánudaginn. Á þessum fimmtíu árum hefur Barbie farið víða um heim og breyst í takt við tíðarandann. Hún er að vísu enn ofurgrönn, mittismjó og fótnett, en í stað þess að vera sæta og puntaða kærastan hans Kens er hún núna forstjóri, poppstjarna, læknir, geimfari, kvikmyndaleikari, kanslari og hermaður, svo fátt eitt sér talið.

Hún ber bara aldurinn nokkuð vel miðað við hvernig hún leit út síðast þegar ég sá hana.  Auðvitað getur hún ekki alltaf verið upptekin af Ken, miðað við hvað hún hefur mikið að gera.

Fimmtugsafmæli hjá Barbie

Auglýsing

Ég ætla að sækja um eitt þessara starfa í hvelli og þótt ég hafi ekki neina læknisfræðilega menntun get ég örugglega stjórnað klínísku sviði.  Verst að vita ekki hvað þetta orð þýðir en það kemur bara í ljós seinna.

Landspítali auglýsir eftir framkvæmdastjórum

Hillary Clinton

Rússneskir fjölmiðlar gera nú óspart grín af Hillary Clinton, utanríkisráðherra Bandaríkjanna, vegna stafsetningarvillu á táknrænni gjöf sem hún gaf rússneska utanríkisráðherranum Sergej Lavrov á fundi þeirra í Genf í gærkvöldi.

Þeim ferst þessum Rússum að gera grín að öðrum.  Það sem þessi stafsetningar villa orskaði að hún ætlaði að nota orðið að endurstilla og villan varð til þess að það þýddi ofhlaða.  Það er ekkert skrýtið að fólk geri stafsetningarvillur í tungumáli eins og rússneskan er.  Ætli sumum Rússum hafi ekki stundum orðið fótaskortur á tungunni, þegar þeir hafa verið að halda ræður á ensku.

Rússar gera grín að Clinton

Rólegt

Nóttin var róleg hjá lögreglu víðs vegar um land. Mest var þó um að vera á höfuðborgarsvæðinu vegna skemmtanahalds í miðborg Reykjavíkur. Tvær minniháttar líkamsárásir voru kærðar á höfuðborgarsvæðinu og tveir voru teknir ölvaðir undir stýri. Þá eru tveir menn í haldi lögreglu en þeir voru gripnir glóðvolgir við innbrot.

Þetta er nú ekkert til að tala um og hvað er að ske með íslensku þjóðina.  Getur hún ekki lengur farið á almennilegt fyllirí og hagað sér eftir því.  Er allt þetta kreppukjaftæði farið að draga kjarkinn úr þjóðinni við að drekka brennivín.  Þetta gengur ekki því ÁTVR þarf að skila miklum peningum í ríkiskassann.

Áfram nú með drykkju og skrílslæti og tökum upp fyrri siði til bjargar ríkissjóði.

Róleg nótt um allt land

Hansa ehf.

Beiðni Hansa ehf., eiganda enska knattspyrnuliðsins West Ham United , um áframhaldandi greiðslustöðvun var tekin fyrir í Héraðsdómi Reykjavíkur í gær.

Á endalaust að berja á kallgreyinu honum Björgólfi Guðmundssyni og gera hann persónulega gjaldþrota í annað sinn.  Þótt Landsbankinn hafi farið í þrot verður samt að telja Björgólfi það til tekna að hann var sá maður, sem braut upp kolkrabbann á sínum tíma.  Einnig lét hann Landsbankann styðja mikið við íþróttarstarf og margskonar menningarstarfsemi.  Hann lét þó fólkið í landinu njóta góðs af sínum auðævum.  Það er meira en hægt er að segja um marga aðra sem voru líka moldríkir.

MP vill Hansa ehf. í þrot

Falda leyndarmálið

Það hefur verið upplýst um mjög erfiða stöðu sjávarútvegsins og nýlega var birt yfirlit um skuldastöðu greinarinnar, sem er vægast sagt skuggaleg.  En því miður er staðan mun verri en þar kom fram.  Það hefur einnig verið greint frá því að erfiðara sé að selja okkar sjávarafurðir en áður var, því erlendir kaupendur forðist að liggja með birgður hjá sér.  En eitt alvarlegt mál hefur ekki verið gefið upp, sem er að stór hluti af afurðum sem eru í birgðum íslenskra fyrirtækja mun  ALDREI seljast, þar sem hún er ónýt.  Það sem skeði var það að sl. haust kom stórt flutningaskip með saltfarm til landsins, nokkur hundruð tonn.  Þetta salt dreifðist á fyrirtæki á Suðurnesjum, Snæfellsnesi og víðar.  Þegar búið var að salta fiskinn með þessu salti kom í ljós að það hafði komist í snertingu við kopar.  Fiskur sem saltaður er með slíku salti verður allur gulur og ekki hæfur til manneldis.  Þar sem þetta kemur ekki fram fyrr en búið er að verka fiskinn var honum öllum pakkað og nú liggja mörg hundruð tonn af verkuðum saltfiski í geymslum fyrirtækja af þessum fiski.  Ástæðan fyrir að ekki hefur verið greint frá þessu er sú að allur þessi fiskur er botnveðsettur hjá bönkunum.  Eftirlitsmenn hjá bönkunum sem framkvæma reglulega birgðatalningu hjá fyrirtækjum sjá þetta auðvitað ekki, því þeir telja aðeins og mæla magnið  en opna ekki umbúðir og skoða fiskinn.

Þessi fiskur mun allur lenda í mjölvinnslu að lokum og þá er hætt við að mörg fyrirtæki riði til falls og verði gjaldþrota.  En eins og áður sagði er þetta leyndarmál sem bankarnir eiga ekki að fá að vita.

Þótt ég segi frá þessu hér þá treysti ég því að leyndarmálið verði til staðar áfram.

Femínistar

Hópur franskra femínista verðlaunaði í dag erkibiskupinn af París sem „Karlrembu ársins“ fyrir þau ummæli sín að það væri ekki nóg fyrir konur að vera í pilsi, heldur þyrftu þær líka „eitthvað á milli eyrnanna.“

Gott hjá þeim , því þessi ummæli eru auðvitað fyrir neðan allar hellur. 

Franskur biskup hlýtur karlrembuverðlaun ársins

Vinaþjóðir

Kolbrún Halldórsdóttir, umhverfisráðherra, situr nú fund samstarfsráðherra Norðurlanda. Í morgun var samþykkt að veita Íslendingum 11 milljóna danskra króna styrk, jafnvirði um 200 milljóna íslenskra króna. Styrkurinn kemur til með að nýtast íslenskum stúdentum við norræna háskóla.

Norðurlöndin ætla að reynast okkur vel og vera sannir vinir þegar á reynir.  Nú eru Danir t.d. komnir til Keflavíkurflugvallar og ætla að annast loftferðaeftirlit fyrir okkur og greiða meira að segja hluta af kostnaðinum.

Svo var Ólafur Ragnar Grímsson að skamma sendiherra þessara landa eins og frægt var.  Hann taldi þessar þjóðir ekki vinaþjóðir lengur og við þyrftum að leita að nýjum vinum.

Norrænu þjóðirnar styrkja íslenska stúdenta

Staurblönk

Breska söngkonan Lily Allen segist vera staurblönk þrátt fyrir að hafa selt milljónir hljómplatna í gegnum tíðina. Er svo illa komið fyrir Allen fjárhagslega að hún sér fram á að neyðast til þess að selja BMW bifreið sína sem metin er á 35 þúsund pund, 5,6 milljónir króna.

Aumingja konan að þurfa að selja bílinn sinn á aðeins 5,6 milljónir.  Ætli verði ekki bara að hrinda af stað söfnun fyrir hana svo hún getti keypt sér bíl og eigi fyrir mat.  Ég hef virkilega samúð með svona fólki.

Segist vera staurblönk