Bloggfærslur mánaðarins, nóvember 2009

Spakmæli dagsins

Snjallasta viðskiptahugmynd,

ársins er Icesave.

(Viðskiptaráð Íslands 2007)


Sjórán

Sómalskir sjóræningjar hafa rænt stóru flutningaskipi sem var að flytja olíu til Bandaríkjanna. Skipið, sem er í eigu gríska fyrirtækisins Maran Centaurus, var rænt í gær um 1300 km undan ströndum Sómalíu að sögn talsmanns sérsveitar sjóhers Evrópusambandsins.

Alveg er það ótrúlegt hvað þessir sjóræningjar geta komist upp með.  Þegar búið var að raða herskipum undan ströndum Sómalíu, þá brugðust sjóræningjarnir þannig við að fara á sínum manndrápsfleytum enn lengra á haf út og ræna nú þar hvert skipuð eftir annað.


mbl.is Rændu stóru olíuflutningaskipi
Tilkynna um óviðeigandi tengingu við frétt

Flókið mál

Þýska ofurfyrirsætan Heidi Klum viðurkennir að það taki á að eiga fjögur börn. Klum og eiginmaður hennar, tónlistarmaðurinn Seal, eignuðust dótturina Lou í síðasta mánuði. Klum segir flókið að venjast breyttum aðstæðum þar sem nýi fjölskyldumeðlimurinn krefjist allan hennar tíma og athygli.

Það fylgir mikil ábyrgð að eignast barn.  En þar sem þetta er fjórða barn þessarar konu er talsvert skrýtið að hún skuli tala um að yngsta barnið geri líf hennar eitthvað flóknara en þegar hún átti hin börnin þrjú.

Ég held að þetta sé eingöngu athyglissýki.


mbl.is Tekur á að eiga fjögur börn
Tilkynna um óviðeigandi tengingu við frétt

Talnaleikur

Ríkisstjórnin beitir blekkingum og talnaleikjum til þess að halda því fram að skattbyrði á tekjulágt fólk, með laun undir 270 þúsundum á mánuði, fari lækkandi í hinu nýja skattkerfi. Þetta sagði Bjarni Benediktsson, formaður Sjálfstæðisflokksins, á Alþingi í morgun.

Ekki veit ég hvor er vitlausari í stærðfræðinni, Bjarni Benediktsson eða Steingrímur J. Sigfússon.  En báðir virðast ekki kunna að reikna.  Staðreyndin er sú að enginn veit hvernig þetta nýja skattakerfi mun koma út fullmótað.  En þó mun Bjarni vera nærri því að hafa rétt fyrir sér núna, sem er svo ótrúlegt að sjálfstæðismaður segi satt að enginn mun trúa því.


mbl.is Blekking að skattur lækki á tekjulága
Tilkynna um óviðeigandi tengingu við frétt

Þingað fram á nótt

Samþykkt var í atkvæðagreiðslu á Alþingi í dag, að þingfundur geti staðið fram á kvöld og jafnvel nótt. Nokkrar umræður urðu um tillögu forseta þingsins um kvöldfund en tillagan var loks samþykkt með 30 atkvæðum gegn 17.

Ég held að aldrei í sögu Alþingis hafi meirihlutinn níðst eins mikið á minnihlutanum og núna.  Það er þingfundir frá morgni til kvölds, dag eftir dag.  Þingmönnum ekki einu sinni veitt matarhlé og nú á að bæta næturfundum við.  Í allri þessari umræðu er það viðburður ef einhver stjórnarþingmaður lætur sjá sig í þingsal.  Á meðan þingmenn minnihlutans flytja hverja ræðuna á eftir annarri, sem flest allar eru nákvæmlega eins.  Sefur þingmeirihlutinn sínum Þyrnirósasvefni og vonandi vaknar hann ekki á næstunni.  Það sem ætti að gera núna er að taka upp allar ræður, sem fluttar eru og spila upptökurnar sólahring eftir sólahring og þá geta allir farið heim og borðað og sofið rólega.  En ræðurnar væru fluttar jafnt og þétt eins og áður. 

Þá væri öll vitleysan og ruglið fullkomnað.


mbl.is Þingfundur fram á kvöld
Tilkynna um óviðeigandi tengingu við frétt

Persónukjör

Það ræðst líklega í þessari viku hvort persónukjör verður viðhaft í sveitarsjónarkosningunum í vor. Formaður Sambands íslenskra sveitarfélaga hefur efasemdir og vill að Alþingi prófi persónukjörið fyrst á sjálfu sér.

Þetta frumvarp verður ekki afgreitt á Alþingi á þessu ári, frekar en önnur frumvörp.  Á meðan ríkisstjórnin vill að Ivesave-frumvarpið verði samþykkt áður en önnur frumvörp vera tekin til umræðu.  Það liggur nokkur veginn fyrir að Icesave-frumvarpið verður ALDREI samþykkt á Alþingi og er því óhætt að senda þingmenn í frí og hefja ekki stör á ný fyrr en þetta Icesave-frumvarp verður dregið til baka og þá fyrst getur Alþingi starfað eðlilega á ný.  Ríkisstjórnin verður að skilja að meirihluti kjósenda vill eftirfarandi;

Við borgum aldrei Icesave-skuldina.


mbl.is Er persónukjörið að falla á tíma í þinginu?
Tilkynna um óviðeigandi tengingu við frétt

Annað bréf

Gunnar Sigurðsson, einn þeirra sem hefur skipulagt opna borgarafundi hér á landi, hefur sent annað bréf til Dominique Strauss-Kahn, framkvæmdastjóra Alþjóða gjaldeyrissjóðsins, þar sem hann fer yfir stöðu mála á Íslandi, aðkomu AGS og Icesave. Eins og áður hefur verið greint frá þá bauð Gunnar Strauss-Kahn á borgarafund. Framkvæmdastjórinn afþakkaði fundarboðið í bréfi sem hann birti á vef AGS.

Er íslenska ríkisstjórnin orðinn svo aum að það þurfi einstakling til að fá upplýsingar frá Alþjóða Gjaldeyrissjóðnum.  Í bréfinu er fullyrt að AGS hafi aldrei sett það skilyrði að Icesave-málið yrði leyst áður en sjóðurinn veitti Íslandi aðstoð, heldur hafi það skilyrði komið frá Norðurlöndunum vegna þeirra lána til Íslands.  Ekki trúi ég einu einasta orði sem frá þessum andskotans sjóði kemur, því sjóðurinn ætlaði aldrei að aðstoða Íslendinga í raun.  Heldur sjá til þess að Ísland yrði allt ein fátæktargildra um ókomna framtíð og nota hin Norðurlöndin sem afsökun er lákúra af verstu gerð.  Við eigum nú þegar að afþakka alla aðstoð frá þessum sjóði og skila þeim peningum sem hann hefur lánað okkur.  Við verðum mikið betur sett án aðkomu þessa sjóðs, sem skilur eftir sig slóð af hörmungum og vandræðum allsstaðar þar sem hann hefur komið að málum.  Enda varð fjármálaráðherra Bandaríkjanna að orði þegar hann frétti að Ísland hefði sótt um aðstoð frá þessum sjóði;

Guð hjálpi Íslandi.


mbl.is Sendi nýtt bréf á Strauss-Kahn
Tilkynna um óviðeigandi tengingu við frétt

Fæðingarorlof

Stjórn Ljósmæðrafélags Íslands mótmælir harðlega yfirvofandi skerðingu á fæðingarorlofi. Segir í ályktun stjórnar að fæðingarorlof hér á landi er nú þegar með því stysta sem þekkist á Norðurlöndum.

Hvað ætlar þessi ríkisstjórn að níðast lengi á sínum þegnum.  Er ekki nóg að ætla nýfæddum börnum að greiða himinn háar skuldir í framtíðinni, er líka nauðsynlegt að svipta þau þeim sjálfsögðu mannréttindum að nóta samvista við foreldra sína fyrstu mánuði í þessum heimi.  Þarna er verið að níðast á saklausum börnum.

 


mbl.is Fæðingarorlof með því stysta á Norðurlöndum
Tilkynna um óviðeigandi tengingu við frétt

Risaþota

Talsmaður Air France segir að bilun í tölvubúnaði hafi orðið til þess að flugmenn hafi orðið að snúa risaþotu flugfélagsins, sem er af gerðinni Airbus A380, aftur til New York sl. föstudag.

Þetta er enginn smá þota getur haft yfir 500 farþega í hverri ferð og hræðilegt hefði orðið ef lík þota hefði farist.  En þar sem þessi þota er ný og enginn reynsla kominn á hana er ansi glannalegt að taka hana í notkun svona fljótt.  Ég hélt að slíkar þotur færu ekki í notkun fyrr en eftir margra mánaða reynsluflug án farþega.


mbl.is Urðu að snúa risaþotu við
Tilkynna um óviðeigandi tengingu við frétt

Ársreikningar

Aðeins um helmingur fyrirtækja hefur skilað inn ársreikningum fyrir rekstrarárið 2008. Formlegur frestur til þess rann út í lok ágúst sl.

Í flestum öðrum löndum skila um 90% fyrirtækja ársreikningum á réttum tíma, enda eru yfirleitt ströng viðurlög við að skila ekki ársreikningi á réttum tíma.  Væri nú ekki ráð að setja strangari viðurlög hér á landi líka og fá fleiri en 50% fyrirtækja til að skila á réttum tíma.  Það er ekki svo að fyrirtækin vilji ekki skila ársreikninum á réttum tíma.  Heldur er þetta einfaldlega trassaskapur og fyrirtækin komast upp með þetta án nokkurra viðurlaga.  Fá í mesta lagi kurteisilega áminningu og ekkert meira.


mbl.is Léleg skil á ársreikningum
Tilkynna um óviðeigandi tengingu við frétt

Næsta síða »

Höfundur

Jakob Falur Kristinsson
Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005.  En er nú aftur fluttur á Bíldudal.  Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir.  Mats á að sjálfsögðu hönundaréttin að öllum sínum myndum.  Vilja menn sjá fleiri myndir þá vísast á www.mats.is  Ég  var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna.  Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir.  Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir.  Einnig er undir liðnum spaugilegt smá grín ofl. 

Ég leyfi öllum að skrifa athugasemdir við mín skrif.   En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila.  Einnig mun ég henda út nafnlausum athugasemdum.  Því ég einn ber ábyrgð á því sem skrifað er á mína síðu.

jakobkr@internet.is     

GSM: 823-2954

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband