Ísbirnir

Þrír ísbirnir voru skotnir til bana á Grænlandi á sunnudag, að sögn danska vefritsins Berlingske Tidende. Atvikið átti sér stað nærri byggðinni Atammik við Maniitsoq þegar birna og tveir ungar hennar nálguðust tjaldbúðir sem hópur fólks dvaldist í við veiðar.

Þeir kunna á þetta Grænlendingar, þeir gera það eina rétta, sem er að skjóta ísbirnina.  Það var annað hér á landi, þegar þjóðfélagið fór nánast á hliðina vegna þess eins að þeir voru drepnir, semvar auðvitað það eina rétta.

Þrír ísbirnir skotnir nærri byggð á Grænlandi

Ermasund

Benedikt Hjartarson sundmaður vonast til að geta synt yfir Ermasundið á morgun, en hann hefur beðið átekta, ásamt landsliðinu í sjósundi, í Dover á Englandi frá því í síðustu viku. Í dag var ekki óhætt að stinga sér til sunds en útlit er fyrir að aðstæður verði góðar í fyrramálið.

Hvenær ætlar þessi maður að skilja það að hann getur ekki synt yfir Ermasund.  Ég tek undir hans eigin orð sem fram kemur í fréttinni, en þar segir Benedikt aðspurður um sundið;  "Þetta er auðvitað bilun."

„Er náttúrulega bara bilun“

Laxveiði

Dynur þyrluvængja truflaði óvænt öræfakyrrðina í Þórsmörk í síðustu viku. Tvær þyrlur lentu þá með skömmu millibili nálægt tjaldstæðinu við Bása og eins renndu þar að tveir stórir jeppar hlaðnir veisluföngum. Var annar þeirra merktur veiðiþjónustunni Lax-á.

Þetta eru sko karlar sem kunna að fara í lax og ekki blankir.  Þyrla + 2 stórir jeppar með veisluföng.  Ég væri ekki til í svona ferð.  Þótt það verði örugglega mjög skemmtilegt hjá þessum mönnum, Ég öfunda þá ekki. 

Ég er í bindindi svo ég yrði að afþakka svona ferð þótt mér yrði boðið í fyrsta lagi hef ég engan áhuga á laxveiðum og sérstaklega núna þegar fiskunum er sleppt aftur.  Til hvers er verið að veiða fisk og sleppa síðan aftur.  Hins vegar stundaði ég talsverðar netaveiðar á laxi kringum 1990 og bullandi veiði 40 stk og uppí 100 í lögn.  Það var alvöru veiðar.  En að fara í laxveiði á bara til að drekka sig fulla og skítt með alla veiði, þessu er hvort sem öllu sleppt aftur og ef fólki langar að fá sér lax að borða, þá er nóg til af honum í flestum stórmörkuðum.  Nú er líka talið að lax sem dreginn er á land og síðan sleppt, muni ekki lifa lengi, því hreistrið á laxfiskum er svo viðkvæmt að bara það eitt að draga fiskinn upp á árbakkann er nóg til að hreistrið skemmist það mikið að fiskurinn deyr fljótlega eftir að honum er sleppt.  Sérstaklega mun þetta eiga við um fisk sem er nýgenginn í árnar.  Þetta er villimennska á hæsta stigi og ekki bætir nú úr ef menn eru við þessa iðju sina blindfullir.

Með þyrlum í laxveiði

Útilokar ekki að auknar þorskveiðar verið leyfðar á næstu árum.

Þessi fyrirsögn  er það sem sjávarútvegsráðherra sagði á fundi fyrir stuttu.  Ráðherra hefur nánast farið að einu og öllu eftir ráðgjöf Hafró um úthlutaðan aflakvóta.  Hann virðist því trúa á þeirra vísindi og allur þessi niðurskurður í þorski sé til að byggja þorskstofninn upp.  Þar sem ráðherrann er svona viss í sinni trú á Hafró, þá hlýtur hann að trúa því líka að þorskstofninn sé að stækka.  Þess vegna skil ég ekki þessa fyrirsögn og hvað eru næstu ár? Er það 5-10-15-20 ár sem ráðherrann er að tala um.  Við getum gengið út frá einu að hann er ekki að tala um næstu 5 ári, því Hafró er búin að lýsa því yfir að a.m.k. næst 5 ár verði ekki hægt að auka við þorskkvótann.   Þannig að ráðherrann hlýtur að vera að tala um næstu 10-20 ár.  Ef ég skil Hafró rétt þá er 130 þúsund tonn í þorskkvóta kominn til að vera svona um ókomna framtíð.  Við byggjum aldrei upp þorskstofninn ef alltaf á að taka mark á rásðgjöf Hafró.  Þessi 25 ára tilraun ætlar að verða okkur nokkuð dýr.  Það sem bjargað hefur því að stofninn er ekki löngu hruninn er sú staðreynd að á fyrsta áratug þessarar vitleysu var ekki farið eftir tillögum Hafró og veitt miklu meiri þorskur en tillögurnar frá Hafró hljóðuðu upp á  og miklu færri tegundir kvótasettar, í byrjun var þetta aðeins þorskurinn.  sl. 10-15 ár hefur verið farið nánast 100% eftir tilögum Hafró og allir vita nú niðurstöðuna. Einnig er nú kominn aflakvóti á allar þær fisktegundir sem eru við Ísland.  Nýliðun hjá þorski hefur verið mjög léleg l. 10-15 ár og hún verður alltaf léleg, því það er búið að eyðileggja alla möguleika á nýliðun við suðurströndina, með öllum þessum virkjunum sem hafa verið reistar á undaförnum árum.  fyrirsögnin hefði því að vera svona: "Ráðherra útilokar auknar þorskveiðar á næstu árum" þá væri hann sjálfum sér samkvæmur
Þannig að ferskvatn sem fer í sjóinn er alltof lítið og sjórinn alltof saltur til að eðlileg nýliðun geti átt sér stað.  Nú er orðið árvisst svokallað hrygningarstopp til að fiskurinn fái frið til að hrygna.  En það er ekki nóg þótt þorskurinn og aðrir fiskstofnar fái næði til að hrygna ef skilyrðin í hafinu er slík að klak fisksins lifir það ekki af.  Þannig tel ég að þegar hrygningarstoppið er hjá fiskiskipum þá ætti líka að hleypa öllu ferskvatni framhjá virkjunum á sama tíma þá myndi klakið heppnast og nýliðun verða góð.  Nú veit ég ekki hvað oft Hafró mælir seltumagn í sjónum og ef það er gert væri fróðlegt að skoða hvað sjórinn er saltur á hinum ýmsu stöðum á landinu.  Kannski er þetta ekki til, en ég held að það þurfi að skoða þetta.  Nú getur vel verið að þetta sé bull í mér, en ég ætla að segja frá því að Páll Bergþórsson f.v. veðurfræðingur, taldi sig búinn að finna út að það væri samspil á milli fjölgun virkjana og hrygningu fiska við suðurströnd Íslands.

Hvort sem þetta er rétt eða rangt, þá er það deginum ljósara að eitthvað hefur skeð í vistkerfi sjávar og við verðum að fá betri rannsóknir til að finna út hvað er að ske og hvernig við getum brugðist við því.  Hafró er komin með sína skýringar, en þær eru að alltof mikið hafi verið veitt umfram þeirra tillögur, en þessi umframveiði tel ég að hafi í raun bjargað þorskstofninum.

Þessi stjórnunaraðferð er dauðadæm og ætla að halda þessari hringavitleysu áfram munu þurrka út þorsk,ýsu ofl. tegundir af Íslandsmiðum.  Kannski er það ætlunin og við eigum bara að lifa á álútflutningi, en oft er verið að bera þessar greinar sama hvað varðar tekjur fyrir þjóðarbúið.  Álverin bera höfuð og herðar yfir aðrar atvinnugreinar hvað varðar útflutningstekjur.  En þegar málin eru skoðuð betur þá kemur annað í ljós.  Á meðan álverin skila mestum gjaldeyrir í þjóðarbúið þá skilja þau ekki eftir í okkar hagkerfi nema innan við 20% sig tekjum á meðan sjávarútflutningur skilur eftir í hagkerfinu  rúm 80% af tekjum og ég held að ferðamennirnir skilji eftir hér á landi meiri gjaldeyrir en álverin.  Þegar þorskkvótinn er svona lítill og stór ýsukvóti,  þá færist stór hluti af veiðinni upp í landssteina og þar er mokað upp smáfiski bæði þorski og ýsu, þetta er ekkert nema rányrkja og nú er brottkastið komið á fulla ferð aftur.  Þannig að í dag er verið að veiða miklu fleiri einstaklinga úr stofninum en áður, sem þýðir það að stóra árganga mun vanta í veiðina á komandi árum og þá kemur tillaga frá Hafró um meiri niðurskurður á aflaheimildum og þá erum við búin að fara í hring eftir hring.  Hafró beinir sókninni í smáfisk sem þýðir að heilu árgangarnir eru litli og þá boða Hafró meiri niðurskurð sem færi sóknina yfir í smáfisk.  Þannig mun Hafró halda áfram að elta skottið á sjálfum sér.

Þetta minnir mig á mann vestur á Bíldudal og hét Guðbjartur og hann gekk alltaf með þann draum í maganum, um að verða kaupmaður.  Svo komst hann yfir gamalt vigtarhús og fór að innrétta allt fyrir væntanlegri verslun.  Svo fór hann að fá vörur og verslun hófst.  Hann stillti vöruverðinu, mjög í hóf og seld jafnvel talsvert af vörum undir kostnaðarverði.  Svo var það einu sinni að það var sjómannadagur og allir gosdrykkir seldust upp hjá Guðbjarti.  Hann greip þá til þess ráðs að fara í Kaupfélagið á staðnum og kaupa nokkra kassa af gosdrykkjum og seldi síðan á sama verði og áður.  Verslunarstjórinn í kaupfélaginu var skyldur Guðbjarti og fór nú til hans og sagði við hann; "Þú hlýtur að sjá þetta getur aldrei gengi hjá þér ef þú ert að greiða með hverjum hlut sem þú selur"  Þá brosti Guðbjartur og sagði; "Ég ætla að ná þessu upp á veltunni.". Það varð því engan undrandi þegar Guðbjartur hætti að versla og lokaði verslun sinni.  Hann var eins og Hafró alltaf að elta skottið á sjálfum sér.  En Guðbjartur þótt ekki væri hann langskólagenginn var fljótur að átta sig á að eitthvað var hann að gera vitlaust og hætti því verslunarrekstri í stað þess að berja höfðinu við steininn og halda ruglinu áfram,  Hann var þó sá maður að viðurkenna sín mistök.  En allir sérfræðingarnir með allar sínar prófgráður eru ekki enn búnir að skilja að eitthvað hefur brugðist í því að byggja upp sterka fiskistofna.  Ég held að þeir gætu margt lært af Guðbjarti, kaupmanni á Bíldudal að stundum verður að viðurkenna mistök sín en ekki berja höfðinu stöðugt í steininn og neita að viðurkenna staðreyndir.

Fiskeldi

Mikil tjón hafa hlotist á eldisbúnaði, einkum sjókvíum, sökum erfiðra umhverfisaðstæðna við Ísland. Í því ljósi er verkefninu NORÐURKVÍ hrundið af stað með það að markmiði að hanna og smíða sjókvíar sem uppfylla ýtrustu kröfur um styrk og þol fyrir íslenskar aðstæður.

Þetta eru góðar fréttir, því það er deginum ljósara að fiskeldi og þá sérstaklega þorskeldi mun verða stór atvinnugrein hér á landi og ættu stjórnvöld að standa vel við bakið á þessari atvinnugrein.  Við gætum t.d. lokað heilu fjörðunum og látið loðnuskipin dæla loðnu í þessa firði.  En þetta er fjárfrek grein og þess vegna er opinber stuðningur við hana mikilvægur, því að nokkur ár geta liðið frá því byrjað er og þar til tekjur fara að koma inn.  Samherji hf. er búinn að ná góðum tökum á að ala upp þorskseiði í stöð sinni á Stað við Grindavík og fyrir stuttu kom þangað sérútbúið skip og tók nokkur hundruð þúsund seiði, sem höfðu verið seld til Noregs.  Reynslan hefur kennt okkur að besti árangur næst með því að ala upp seiði í sjókvíum en ekki veiða smáfisk og setja í kvíar.  Þetta er framtíðin en skortur á fjármagni hefur tafið þessa þróun hjá okkur og vonandi verður breyting þar á.

Smíða sjókvíar sem þola íslenskar aðstæður

Paul Ramses

Nú er búið að kæra ákvörðun Útlendingastofnunar mál Paul Ramses til dómsmálaráðuneytisins og er það nú í höndum Björns Bjarnasonar ráðherra.  Ég ætla að vona að Björn muni gera allt sem hann getur til að bjarga Paul Ramses.  Svo vonandi fær þessi harmleikur lítillar fjölskyldu góðan endir.

Annars hrökk ég illa við þegar ég var að horfa á sjónvarpsfréttir í gærkvöld og sá þar að Jón Magnússon alþingismaður var að réttlæta þá ákvörðun að vísa manninum úr landi.  Þetta hélt ég að væri ekki stefna Frjálslynda flokksins.  Ég varð svo reiður að hlusta á Jón að ég fór alvarlega að íhuga að segja mig úr Frjálslynda flokknum, en ákvað að bíða og sjá til.  Því annaðhvort er ég eða Jón í röngum flokki miðað við okkar skoðanir.  Hvað rekur Jón Magnússon til þess að verja óréttláta meðfeð stjórnvalda á máli Paul Ramses.  Við sem störfum í grasrótinni hjá Frjálslynda flokknum höfum mátt hafa okkur öll við að sannfæra fólk og útskýra að Frjálslyndi flokkurinn er ekki á móti að erlent fólk setjist hér að.  En svo kemur Jón með þessa yfirlýsingu og slær um leið öll vopn úr okkar höndum.  Þótt Jón hafi þessa skoðun var óþarfi að koma með hana í sjónvarpsfréttum, hann átti alla veganna að hafa vit á því að halda kjafti. 

Getum við kannski átt von á því að Jón Magnússon fari að verja mannréttindabrot stjórnvalda um kvótakerfið.  Hver veit?

Þjófar

Brotist var inn í tvo sumarbústaði í Galtarholti í Borgarbyggð í nótt. Að sögn lögreglunnar í Borgarnesi höfðu þjófarnir á brott með sér tölvur, tölvuskjái og brauðrist.

Hvernig dettur fólki i hug að skilja eftir í mannlausum sumarbústöðum, tölvur og flatskjái.  Annars skil ég ekki hvers vegna brauðristin höfði svona sterkt til þjófanna.

Þjófar höfðu á brott með sér tölvur og brauðrist

Sumar

Sumarið er dásamlegur tími þegar vel viðrar.  Þó er eitt sem fer óskaplega í taugarnar á mér en það er allar þessar garðsláttuvélar og sláttuorf.  Ég sest oft út á svalir þegar gott er veður og reyni að lesa í bók.  En alltaf þegar ég er búinn að koma mér vel fyrir byrja einhverstaðar þessi tæki að hamast og suðið verður yfirþyrmandi.  Þetta er eins og hundrað þúsund radarflugur sé á ferð slík eru lætin.  Auðvitað get ég vel skilið að fólk vilji hafa garða sína vel hirta en öllu má nú ofgera og varla getur verið nauðsynlegt að slá hvern garðblett á hverjum degi til að hafa hann snyrtilegan.  Verst er þetta um helgar, þá eru allir að hamast með sína sláttuvél og sláttuorf svo heilu hverfin nötra undan látunum.  Nú er svo komið að ég fagna orðið hverjum sólarlausum degi og rigning er mitt uppáhald.

Leiðrétting

Mér hefur verið bent á að hjónin sem ég skrifaði um í greininni Ríkisútvarpið ohf.  Hafi ekki verið Gestur Gíslason og hans kona.  Því Gestur var bóndi í Trostansfirði og hans kona hét Filippía sem aftur á móti var systir Málfríðar sem ég nefni í greininni og hennar maður var Ólafur Bjarnason og átti atvikið í kirkjugarðinum við um Ólaf Bjarnason en ekki Gest Gíslason.  Þetta er hér með leiðrétt, því ég reyni eftir bestu getu að hafa sannleikann að leiðarljósi í mínum skrifum.

Þótt ég þykist vita að þessi nafnruglingur hafi ekki sært neinn,því þetta fólk er allt löngu dáið og var nú óttalegir sérvitringar í lifanda lífi.

Kynlíf

Karlmenn og konur á áttræðisaldri stunda mun oftar kynlíf í dag heldur en jafnaldrar þeirra fyrir þremur til fjórum áratugum síðan, samkvæmt nýrri sænskri rannsókn. Konur á áttræðisaldri sem stunda kynlíf fá líka oft eða alltaf fullnægingu þegar þær stunda kynlíf í dag.

Lengi lifir í gömlum glæðum, því það er ekki svo langt síðan að það þótti afbrigðileg hegðun ef fólk yfir 60 ára stundaði kynlíf.  Ætli þetta sé leyfi á elliheimilunum?

Meira kynlíf og oftar fullnæging