Rafmagnsreikningur

Belgi nokkur var ekki ánægður þegar hann fékk rafmagnsreikninginn sinn nýlega enda hafði raforkuverðið hækkað umtalsvert milli mánaða.

Það er eins gott að safna klinki en því miður eru ekki til einseyringar hjá okkur svo við verðum bara að safna krónum sem allir segja að sé ónýt, til að borga rafmagnsreikninginn.

Borgaði rafmagnsreikninginn með einseyringum

Að fara úr landi

Nú er ég alveg búinn að fá nóg af baslinu og vitleysunni hér á landi og er búinn að setja íbúðina mína á sölu og bílinn líka.  Ég er að kaupa 43 feta snekkju í Danmörk.  Þetta er eikarskip um 20 tonn að stærð með tveimur káettum, eldhúsi, borðsal og salerni og sturtu.  Öll yfirbygging er úr massífu tekki og í bátnum eru öll helstu siglingartæki.  Báturinn er í Horsens í Danmörku og fylgir plássið þar með.  Þar er hann tengdur við rafmagn í landi.  Þarna ætla ég að búa og sigla um svæðið þarna í kring.  Síðan þegar fer að hausta sigli ég kannski til Kanarí eða í Miðjarðahafið og næ mér í pening með því að sigla með ferðamenn.  Ef vel liggur á mér næsta sumar skrepp ég kannski til Íslands og fer hring um landið á bátnum.  Ég verð í engum vandræðum að sigla því ég er bæði lærður vélstjóri og með skipsstjórapróf.  Þetta kostar mig rúmar 10 milljónir en á eftir að verða mikið ævintýri og ég er búinn að kanna að ef ég gerist danskur ríkisborgari þá fæ ég danskar örorkubætur sem eru miklu hærri en hér á landi.  Ég ætla því að bjóða mínum bloggvinum í heimsókn og mun skilja eftir símanúmer hér á síðunni áður en ég fer og vonast eftir að fá sem flesta í heimsókn og koma í smá ævintýraferð.  Það eina sem mig vantar er kona sem kann að elda og þrífa og er til í allt.

Eignir á Keflavíkurflugvelli

Mér er með öllu óskiljanlegt hvernig íslensku samnigafulltrúnum tókst að klúðra samningum um flugvöllinn á Miðnesheiði þegar herinn fór.  Nú er komið í ljós að Ísland á ekki allt það sem þeir héldu.  NATO á t.d. olíulögnina úr Helguvík upp á flugvöll.  NATO á þó nokkrar fasteignir og það sem er öllu alvarlegra að NATO á tvær flugbrautir.  Þar sem við erum í NATO fáum við að nota þessar eignir á meðan NATO þarf ekki að nota þær.  En sá tími gæti komið að NATO  þyrfti að nota þessar eignir og þá geta þeir gert það án þess að spyrja okkur um leyfi og ef þeir þyrftu t.d. að nota flugbrautirnar tvær gætu þeir stöðvað allt borgarlegt flug um völlinn.  Það vekur líka furðu að dómsmálaráðherra segir að þessar eignir séu alfarið í eigu íslendinga á sama tíma er fullyrt að í utanríkisráðuneytinu að NATO eigi  og ég spyr hvaða vitleysingar komu fram fyrir Íslands hönd í samningunum við bandaríska herinn þegar hann fór og lét okkur fá allar sínar eignir?  Er ekkert samráð milli ráðuneyta þegar verið er að semja um svona stóra hluti?

 

Þykknar upp

Gert er ráð fyrir hægri sunnan- og suðvestanátt og léttskýjuðu á landinu norðan- og austanverðu í dag og að hiti verði allt að 15 til 20 stig. Vestantil þykknar smám saman upp, þar verður suðaustan 10-15 metrar á sekúndu og fer að rigna sunnanlands og vestan undir kvöldið. Einnig verður lítilsháttar væta norðan og austanlands um tíma í nótt.

Mikið er ég feginn því þegar er glampandi sól og hiti þá er varla líft í íbúðinni minn fyrir hita.  Ég er nú svo áttavilltur hér í Sandgerði að ég er ekki með áttirnar á hreinu.  Þó held ég miðað við sólarganginn á mínum svölum að þær snúi í Norð-Vestur.

Þykknar upp vestantil í dag

Ísbirnir

Leitað var á Hornströndum í nótt að hugsanlegum ísbjörnum, sem ferðafólk á svæðinu taldi sig hafa séð í gærkvöldi. Leitað var bæði úr lofti og af sjó en ekkert fannst og segir lögreglan á Ísafirði, að líklegt sé að um missýn hafi verið að ræða.

Er nú orðin skortur á Ísbjörnum á Íslandi til að drepa.  Við verðu þá bara að flytja þá inn frá Grænlandi.  Annars mun það ekki hafa verið missýn hjá konunum tveimur sem sögðust hafa séð þriðja ísbjörninn fyrir norðan.  Þetta var ísbjörn, en lögreglan kom og skaut dýrið, gróf það og lét engan vita.  Þannig að það varð enginn flugsýning í sambandi við þann ísbjörn og Þórunn Sveinbjarnardóttir umhverfisráðherra, vissi ekkert um þetta fyrr en hún fékk skýrslu um málið frá lögreglu og er sú skýrsla vel falin í umhverfisráðuneytinu og merkt með XXX.

Engir ísbirnir fundust

Tvíburar

Tvíburabræður, sem fæddust í Berlín í Þýskalandi í síðustu viku, hafa vakið mikla athygli en þeir hafa ekki sama hörundslit. Móðirin er fædd í Gana og faðirinn í Þýskalandi og bræðurnir líkjast hvor sínu foreldrinu.

Það ætti þá að vera auðvelt að þekkja þá í sundur, sem oft er erfitt með tvíbura af sama kyni.

Mislitir tvíburar

Tap með góðri afkomu

Nýherji tapaði 432 milljónum á fyrri hluta ársins, samanborið við 209 milljóna hagnað á sama tíma í fyrra. Afkoma af kjarnastarfsemi Nýherja og starfsemi Applicon erlendis er sögð hafa verið ágæt, en afkoma af fjárfestingum í nýrri starfsemi undir væntingum. 455 milljóna gengistap var á tímabilinu.

Afkoman af rekstri er ágæt að öðru leit en því að það er tap á honum.  Hver skilur þetta?

Nýherji tapaði 432 milljónum

Hraðakstur

Lögreglan á Suðurnesjum stöðvaði fimm ökumenn, sem urðu uppvísir að því að aka of hratt í gærkvöldi og nótt. Sá sem hraðast ók var á 160 km/klst. á Reykjanesbrautinni. Þá var einn ökumaður stöðvaður grunaður um akstur undir áhrifum fíkniefna.

Hvað er eiginlega að þessu fólki, tók það aldrei bílpróf og veit ekki hvað skilti sem á stendur 90 þýðir.  Ég held að það verði að setja upp hraðamyndavélar á nokkrum stöðum á Reykjanesbrautinni eins og búið er að gera hérna á Sandgerðisvegi og Garðsvegi.  Kunningi minn sem var að koma til Sandgerðis gleymdi myndavélinni og var eitthvað yfir 90 km hraða og skömmu seinna fékk hann gíróseðil í pósti með sekt upp á 30 þúsund.  Svo hækkar þetta í áföngum ef bíll þeirra kemur á mynd aftur.  Hann hafði samband við sýslumannsembættið á Blönduósi, sem sér um að innheimta þessar sektir og bað um frest í 2 vikur til að borga þetta.  Konan sem svaraði í símann var virkilega hissa og spurði hvort hann vildi ekki skipta þessu meira niður, en hamm ætlaði bara að borga þetta í einu lagi.  Miðað við viðbrögð konunnar virðist það vera opinn leið að svona sekti sé hæg að fá talsverða greiðsludreifingu á.  Þar með er búið að minnka áhrif sektarinnar, því mörgum munar verulega um að þurfa að greiða þetta strax en og passa sig þá betur en ef hægt er að dreifa þessu á eitt ár eða meira finnur viðkomandi lítið fyrir því.

Á 160 á Reykjanesbraut

Að leggja sig á daginn

Mikið getur maður nú verið ruglaður ef maður sofnar um miðjan dag, þetta kom fyrir mig í dag.  Ég er einn af þeim sem vakna alltaf snemma á morgnanna milli 5-6 og fæ mér þá kaffi og bíð eftir dagblöðunum.  Þannig var það í morgun og kl.12 kveikti ég á sjónvarpinu og horfði á fréttirnar og síðan hef ég sofnað í hægindastólnum mínum.  Allt í einu hrekk ég upp og lít á klukkuna og sé að hún er rúmlega eitt, ég fékk mér kaffi og sígarettu og var að velta fyrir mér að nú hefði ég misst af allri kvölddagskránni og kvöldfréttunum líka því ég mundi ekki eftir að hafa horft á þær.  Þegar ég var búinn að drekka kaffi og reykja var klukkan að verða þrjú og ég hugsaði með mér að þetta gengi nú ekki og fór inn á baðherbergi og ætlaði að taka þau lyf sem ég verð að taka á hverju kvöldi og er raðað í lyfjabox en tók þá eftir að ég var ekki heldur búinn að taka hádegislyfin svo ég tók kvöldlyfin og burstaði tennurnar og ætlaði að fara að hátta en ákvað nú að reykja eina sígarettu fyrst.  Þá tek ég eftir því að það er glampandi sól á svölunum hjá mér sem var talsvert skrítið klukkan þrjú um nótt.  En þá kviknaði allt í einu á perunni og ég fattaði að það var miður dagur.  Það er svona þegar maður býr einn, því í fyrrakvöld steinsofnaði ég yfir sjónvarpinu í stólnum fræga og vaknaði ekki fyrr en kl. fimm um morguninn eftir og þá var kominn tími til að fara að laga morgunkaffið.  Þetta er ekki eðlilegt og auðvitað er þetta stólnum að kenna og sjónvarpinu því sjónvarpið mitt er svo svæfandi.  Ég verð að fara að breyta þessu og sitja í öðrum stól og fá mér annað sjónvarp.  Ég held þetta ekki út öllu lengur að geta aldrei horft á sjónvarp nema að steinsofna eftir smá stund.  En nú ætla ég út á svalir í sólbað því aldrei þessu vant er nánast logn hér í Sandgerði í dag og ég veit að margir sem hafa búið hér lengi eiga erfitt með að anda í svona logni því þeir eru svo vanir að loftið blásist fyrirhafnarlaust niður í lungu og svo snúa þeir sér við til að anda frá sér.

Hafskipsmálið

Nú rifjast Hafskipsmálið upp fyrir mörgum þegar fólk les um andlát Ragnars Kjartanssonar fv. stjórnarformanns Hafskips.  Þegar maður hugsar um þetta mál liggur við að maður skammist sín fyrir að vera íslendingur.  Hafskip var aldrei gjaldþrota heldur knúið í gjaldþrot af Kolkrabbanum fræga og önnur eins meðferð á saklausum mönnum eins og átti sér stað í þessu máli er varla hægt að finna í nokkru lýðræðisríki.  Sem betur fer er Björgólfur Guðmundsson búinn að slíta af þessum Kolkrabba alla arma og dysja restina.  Hvar eru þeir nú, Hörður Sigurgeirsson, Indriði Pálsson og saksóknararnir sem lögðust allir á eitt markmið að koma Hafskip á hausinn.  Ætli þeir liggi ekki betlandi á ríkisjötunni eða eru einhverstaðar í felum skíthræddir um sína framtíð.  En sennilega hafa þeir náð því að mata krókinn svo vel hjá Eimskip að þeir liggja eins og ormar á gulli og hafa það náðugt.  Það er deginum ljósara að lokauppgjör við þessa menn er ekki búið og verður spennandi að fylgjast með framhaldinu.  Með réttu ættu þeir allir að vera á Litla-Hrauni í læstum klefa og löngu búið að henda lyklinum.  Því það sem þessir menn gerðu var glæpur og því á að flokka þessa menn sem glæpamenn og taka á þeim sem slíkum.  Ragnar Kjartansson lagði mikla vinnu í að endurheimta æru sína og ætli orsökin fyrir hans veikindum hafi ekki að stórum hluta verið vegna þess hvernig var farið með hann í þessu máli og flýtt fyrir andláti hans.  Ragnar var duglegur og heiðarlegur maður og skilað sínum störfum með sóma sama hvað hann tók að sér.