Deilur

Farið var yfir sex hektara af byggi með jarðtætara og er kornið gjöreyðilagt. Kornakurinn stendur nálægt Háfi í Þykkvabæ en deilur standa yfir milli eiganda jarðarinnar og annarra bænda á svæðinu um eignarhald yfir skikanum. Málið hefur verið kært til lögreglu.

Er þetta nú ekki full langt gengi í deilum yfir smá jarðarskika í Þykkvabænum.  Það hlýtur að vera auðvelt að fá úr því skorið hver eru hin réttu landamæri jarðarinnar Háfs.  En þetta mál enda sjálfsagt fyrir dómstólum.  Því engar deilur eru jafn heitar og deilur nágranna og ætla mætti að auðvelt væri að leysa innbyrðis.

Farið yfir byggakur og kornið tætt niður í jörð

Sprengjugabb

Fimmtán ára piltur hefur viðurkennt að hafa hringt í starfsfólk verslunarinnar 10-11 við Langarima í Grafarvogi í gærkvöld og sagt því að sprengja væri fyrir utan verslunina.

Þetta er grafalvarleg mál, sem verður að taka föstum tökum.

Viðurkenndi sprengjugabb

Ákæra

Frjálslyndi flokkurinn íhugar að kæra Ólaf F. Magnússon, borgarfulltrúa til efnahagsbrotadeildar ríkislögreglustjóra vegna meints fjárdráttar. Ólafur segir í samtali við mbl.is að ásakanir flokksins séu fáránlegar og ekki svaraverðar. Um sé að ræða þriggja milljóna króna styrk Reykjavíkurborgar sem ætlað sé að standa straum af rekstri borgarstjórnarflokksins en ekki rekstri flokksins á landsvísu.

Aumingja Ólafur F. Magnússon, borgarfulltrúi Frjálslynda flokksins.

Allir eru svo vondir við þennan góða mann.

Saka Ólaf F. um fjárdrátt

Bílsskúrssala

Hundruð manna sóttu bílskúrssöluna í Sacramento í Kaliforníu sem ríkisstjórinn, Arnold Schwarzenegger, skipulagði um helgina til þess að laga fjárlagahallann. Til sölu var allt frá armbandsúrum, sem gerð voru upptæk hjá þjófum, til gamalla lögreglubíla. Alls seldist varningur fyrir yfir 1,5 milljónir Bandaríkjadala.

Eitthvað hefur hann átt af dóti blessaður karlinn.  Annars hélt ég að það sem gert væri upptækt hjá þjófum væri reynt að skila til réttra eigenda og að öðrum kosti væri það í eigu Kaliforníuríkis, sem og gamlir lögreglubílar.  En sjálfsagt hafa þessir peningar runnið til Kaliforníuríkisins, sem stendur víst mjög illa fjárhagslega.

Schwarzenegger með bílskúrssölu

Hætta vegna hraðaksturs

Þeim sem standa að framkvæmdum á gatnamótum Kringlumýrarbrautar, Suðurlandsbrautar og Laugavegar stafar mikil hætta af ógætilegum og hröðum akstri einstaka ökumanna sem taka ekki tillit til aðstæðna og þeirra takmarkana sem í gildi eru á framkvæmdasvæðinu. Þetta kemur fram í tilkynningu frá Umferðarstofu.

Hvernig dettur mönnum í hug að halda að ökumenn taki tillit til aðstæðna og takmarka á framkvæmdasvæðum.

Margir ökumenn taka ekki tillit til eins, né neins.   Allir eru að flýta sér svo mikið að við liggur að maður haldi að það standi yfir kappakstur á götum borgarinnar.

Háskaakstur við hættuleg gatnamót

Innbrot

Tilkynnt hefur verið um tvö innbrot á höfuðborgarsvæðinu í nótt. Brotist var inn í íbúðarhúsnæði á Langholtsvegi en engu stolið. Húsráðendur voru heima þegar brotist var inn, að því er lögreglan á höfuðborgarsvæðinu greinir frá.

Þetta þarf ekki að koma neinum á óvart, því þessir síafbrotamönnum er alltaf sleppt eftir yfirheyrslur og þegar þeir hafa játað á sig verknaðinn.

Brotist inn í íbúð og fyrirtæki

Árás

Ráðist var á ungan mann í Jafnaseli í Breiðholti í fyrrakvöld. Árásarmennirnir voru tveir og töldu sjónarvottar sig sjá hnífi beitt í átökunum. Var því mikill viðbúnaður vegna málsins. Meintur hnífur fannst þó aldrei.

Mér finnst fyrirsögn Morgunblaðsins sérkennileg.  Hvað til gangi þjónar að nefna Breiðholt í þessu sambandi.  Ég veit ekki betur en að í Breiðholti búi gott og heiðarlegt fólk.  En þessi fyrirsögn er til þess fallin að sverta Breiðholt, sem hverfi og er það miður.  Þetta minnir óneitanlega á fréttaflutning víða af landsbyggðinni, þegar þar eru framin lögbrot.  Þá var oft tekið sérstaklega fram að um aðkomumenn hefði verið að ræða.  Það sama á við þegar erlendir menn brjóta af sér, þá er alltaf tilgreint frá hvaða landi viðkomandi eru.  Þannig er verið að sverta heilu hópana af fólki sem er blásaklaust.  Það kemur hvergi fram í fréttinni að árásarmennirnir búi í Breiðholti, aðeins að árásin átti sér þar stað.  Hefði ekki verið nær að nafngreina árásarmennina og segja frá því hvar þeir búa.

Árás í Breiðholti

Spakmæli dagsins

Líf sem eytt er í að gera mistök er ekki

aðeins virðingarveðra, heldur einnig

nytsamlegra en líf sem

eytt er í að gera ekki neitt.

(George Bernard Shaw)

Seðlabankinn

Þegar kemur að því að halda verðbólgu í skefjum til lengri tíma er alger frumforsenda að stjórnvöld passi sig og haldi jafnvægi milli tekna og útgjalda ríkissjóðs, að sögn Jóns Steinssonar, hagfræðings við Columbia-háskóla.

Af hverju hefur Seðlabankinn ekki notað öll þau tæki sem hann ræður yfir til að halda niður af verðbólgunni.  Hingað til hefur hann aðeins notað vaxtaákvarðanir, sem hafa frekar aukið verðbólguna en dregið úr henni. Jón Steinarsson ritaði nýlega grein í Morgunblaðið og þar sagði hann að of mikið kapp væri lagt á verðbólgumarkmið Seðlabankans.  Í stað verðbólgumarkmiða ætti að vera hagvaxtaviðmið, sem væri mun áhrifaríkara.

Seðlabankinn hefur fleiri tæki en bara stýrivexti

Berlusconi

Til stendur að Silvio Berlusconi, forsætisráðherra Ítalíu, fari til Líbýu, til að halda upp á það að ár er liðið frá því yfirvöld í ríkjunum undirrituðu vináttusamkomulag. Hann mun þó ekki verða viðstaddur hátíðahöld í tilefni af því að Muammar Gaddafi Líbýuleiðtogi tók völdin í landinu. Þetta kemur fram á fréttavef BBC.

Líkur sækir líkan heim.

Berlusconi heimsækir Gaddafi