Obama

Miklar líkur eru taldar vera á því að frumvarp Baracks Obama Bandaríkjaforseta um breytingar í heilbrigðismálum verði samþykkt í öldungadeild. Varaforseti Bandaríkjanna, Joe Biden, segir í innsendri grein í New York Times að frumvarpið sé ekki fullkomið en þó mjög gott.

Þetta verður mikið afrek hjá Barack Obama að fá þetta frumvarp samþykkt.  Hann ætlar svo sannarlega að standa við það sem hann lofaði í kosningabaráttunni.

Frumvarp líklega samþykkt

Dýr skilnaður

Búist er við að skilnaður Tiger Woods og Elinar Nordegren verði einn sá dýrasti sem um getur í sögu íþrótta. Nordegren, eiginkona Woods, á í viðræðum við lögfræðinga sem sérhæft hafa sig í skilnaðarmálum fólks sem á miklar eignir. Eignir Woods eru metnar á 600 milljónir dollara eða yfir 75 milljarða króna.

Auðvitað verður þetta dýr skilnaður þar sem miklar eignir eru til staðar og lögfræðikostnaður í hæstu hæðum.

Skilnaðurinn verður dýr

ASÍ

Miðstjórn Alþýðusamband Íslands krefst þess að ríkisstjórnin standi við gerða samninga um hækkun persónuafsláttar. ASÍ sakar ríkisstjórnina að haga seglum eftir vindi í skattamálum.

Trúðu þeir hjá ASÍ að stjórnin ætlaði að standa við gerða samninga?  Ef þeir hafa gert það eru þeir mikil börn og ekki hæfir til að standa í samningum.  Núverandi ríkisstjórn stendur ALDREI og mun ALDREI standa við eitt né neitt.  Þetta er alger einstefna í átt til ANDSKOTANS.

Stjórnin standi við samninga

Berluconi

Vinsældir forsætisráðherra Ítalíu, Silvios Berlusconi, jukust eftir að ráðist var á hann á útfundi í Mílanó í síðustu viku. Nýleg könnun hefur leitt þetta í ljós og eru nú yfir 50% aðspurðra Ítala sátt við forsætisráðherrann.

Það er með ólíkindum að allt sem snertir þennan mann, gerir hann vinsælli.  Bæði meðlæti og mótlæti.

Árás jók vinsældir Berlusconi

Ofbeldi

Gerry Adams, annar af helstu leiðtogum Sinn Fein, flokks kaþólikka á N-Írlandi, segir að faðir hans hefði um árabil beitt einstaklinga í fjölskyldunni ofbeldi, m.a. kynferðislegu ofbeldi.  Að sögn Gerry hafði þetta mikil áhrif á allt líf fjölskyldu hans og geri nær því daglega.  En ekki hafa allir fjölskyldumeðlimir tekið þetta nærri sér, því nú sætir bróðir Gerrys, Liam Adams ásökunum um kynferðislegri misnotkun á ungri dóttur sinni.

 

 

Faðir Adams beitti fjölskyldu sína ofbeldi

Minnisvarði

Mæðgur létu lífið í Georgíu í gær þegar minnisvarði um seinni heimsstyrjöldina var rifinn niður. Byggja á nýtt þinghús þar sem minnisvarðinn stóð og munu mæðgurnar, kona og barnung dóttir hannar, hafa látið lífið þegar þær urðu fyrir brotum úr minnisvarðanum.

Þetta er alveg ótrúlegt og nú verður að byggja minnisvarða um þessar mæðgur og vonandi lætur enginn lífið við að verk.

Létust við niðurrif á minnisvarða

Vígði kapellu

Biskup kaþólskra á Íslandi, Peter Bürcher, vígði í dag kapellu og klaustur kaþólskra á Egilsstöðum, í húsi sem áður hýsti apótekið við Lagarás, að viðstöddum kaþólska söfnuðinum á Egilsstöðum.

Þá er heilagur Guð kominn í stað apóteks á Egilstöðum.  Nú þurfa íbúar á þessu svæði ekki lengur að kaupa rándýr lyf við sínum veikindum.  Því Guð mun lækna allt, sem kaþólskt er.

Vígði kapellu og klaustur

Gott að ekki fór verr

Ökumaðurinn sem handtekinn var um hádegisbilið í dag eftir mikla eftirför í Kópavogi, keyrði á fjóra lögreglubíla. Eftirförin hófst í Hafnarfirði en þar veittu lögreglumenn eftirtekt bíl sem stolið var í nótt. Ökumaðurinn keyrði á ofsahraða og varð lögreglan að keyra á bílinn til að stöðva hann.

Þetta hefur verið mikill glæfraakstur.  En hvort meiri hætta stafaði af hinum handtekna ökumanni eða lögreglunni er tvísýnt.  Því miður er það alltof algengt að þegar lögreglan er að elta bíla, þá ekur lögreglan ekki síður hættulegra en sá sem eltur er.  Hvort er betra að grunaður ökumaður sleppi eða stórslys verð á lögreglumönnum.

Mildi að ekki fór verr

Spakmæli dagsins

Ég stal engu en tók bara 120 milljónir

í geymslu fyrir bankann til að enginn yrði

fyrir tapi vegna gjaldþrots hans.

(Fv. starfsmaður Landsbankans.)

Gjaldþrot

Styrkur Invest, sem áður hét BG Capital og átti tæplega 40% hlut í FL Group, var tekinn til gjaldþrotaskipta þann 6. október sl. Innköllun krafna birtist í Lögbirtingablaðinu á mánudaginn og hafa kröfuhafar tveggja mánaða frest til að lýsa kröfum sínum í þrotabúið.

Enn eitt gjaldþrotið.  En hvað var þetta félag, sem hét áður BG Capital og átti 40% í FL-Croup, sem átti síðan stóran hluta í Glitnir og Glitnir átti síðan hlut í FL-Croup.  Hver skilur svona hringavitleysu? 

Alla veganna ekki ég.

Styrkur í gjaldþrot