Landspítalinn

Landlæknisembættið hyggst á næstunni kanna ítarlega hvort álag á starfsmenn Landspítali hafi aukist frá því sem áður var og skila heilbrigðisráðherra greinargerð um málið. Ungliðadeild sjúkraliða segir að álagið hafi aukist og það ógni öryggi sjúklinga.

Þótt yfirmenn spítalans fullyrði að spítalinn sé vel mannaður, þarf að fara aftur til 2006 til að finna hliðstæðu.  Það er alveg ljóst að ef álag verður of mikið á starfsfólki spítalans, þá mun það koma að lokum niður á sjúklingum hans.

Álag á starfsmenn Landspítala kannað

Virðisaukaskattur

Alþingi samþykkti í dag lög um ráðstafanir í skattamálum, þar sem meðal annars er kveðið á um að efra þrep virðisaukaskatts hækki úr 24,5% í 25,5%. Fallið var hins vegar frá hugmyndum um að taka upp sérstakt 14% þrep í virðisaukaskatt.

Þá er Alþingi búið að staðfesta heimsmetið í skattlagningu með þessari hækkun á virðisaukaskatti í 25,5%, sem enginn getur borgað.  Þetta mun ekki skapa ríkinu neinar tekjur, heldur munu þær minnka vegna fleiri undanskota frá þessum skatti.

Virðisaukaskattur 25,5%

Lækka vexti

Stjórnir Lífeyrissjóðs starfsmanna ríkisins og Lífeyrissjóðs hjúkrunarfræðinga hafa samþykkt að lækka fasta vexti LSR lána úr 5,20% í 5,05%. Þessi samþykkt hefur ekki áhrif á vaxtakjör eldri lána sem tekin hafa verið með föstum vöxtum.

Hvaða rugl er nú þetta, það á að lækka vexti, en sú lækkun mun ekki hafa áhrif á eldri lán.  Aðeins á ný lán, sem ekki eru í boði í dag.

LSR lækkar vexti

Tapað mál

Þráinn Bertelsson, óháður þingmaður, sagði á Alþingi í dag að þar sem enginn liður væri í þingsköpum Alþingis sem héti tapað fundið, þá neyddist hann til að auglýsa eftir því, að tapast hefðu áform ríkisstjórnarinnar um skjaldborg fyrir heimilin í landinu.

Þetta er gott hjá Þráinn, því ekkert bólar á hinu margfrægu Skjaldborg fyrir heimilin, sem stöðugt er verið að lofa.

Tapað fundið á Alþingi

Hækkun á olíu

Verð á hráolíu hækkaði í morgun og er komið yfir 73 dali tunnan en ekki eru mikil viðskipti á bak við hækkunina enda flestir fjárfestar á hliðarlínunni vegna jólanna. Verð á hráolíu hækkaði um 7 sent á NYMEX markaðnum í New York og er 73,43 dalir tunnan. Í Lundúnum hækkaði verð á Brent Norðursjávarolíu um 42 sent og er 74,17 dalir tunnan.

Ætla þessi ósköp engan endir að taka.  Nú kemur hækkun á bensíni og olíu í viðbót við allar þær álögur sem dynja yfir íslenska þjóð.

Olíuverð hækkar

Íbúðalánasjóður

Áætluð útgáfa íbúðabréfa Íbúðalánasjóðs árið 2010 til fjármögnunar nýrra útlána er 34 – 42 milljarðar króna að nafnverði. Íbúðalánasjóður áætlar að ný útlán sjóðsins verði 29 – 37 milljarðar króna á árinu 2010, sem er nokkur lækkun frá áætlunum ársins 2009. Þar af er gert ráð fyrir að leiguíbúðalán verði 11 – 13 milljarðar króna.

Ég held að þeir séu full bjartsýnir hjá Íbúðalánasjóði að reikna með miklum íbúðarkaupum 2010.  Ef ekkert breytist til batnaðar verða einu íbúðaviðskipti 2010 með íbúðir, sem fólk hefur misst á uppboði.  En sennilega verður talsvert byggt af leiguhúsnæði.

Ný útlán Íbúðalánasjóðs 29-37 milljarðar króna

Hné niður

Lögregla í Los Angeles segir að ekki sé talið að dauða kvikmyndastjörnunnar Brittany Murphy hafi borið að með voveiflegum hætti. Ekki hefur verið upplýst um dánarorsök en Murphy mun hafa hnigið niður þar sem hún var í sturtu á heimili sínu í borginni. Hún var 32 ára að aldri.

Þetta er eitthvað dularfullt, því konan var aðeins 32 ára gömul og hefði því átt langt eftir.  En dauðinn gerir ekki alltaf boð á undan sér eða velur þá elstu.

Hné niður á heimili sínu

Laun

Launavísitala í nóvember hækkaði um 1,5% frá fyrri mánuði. Síðastliðna tólf mánuði hefur launavísitalan hækkað um 4%. Vísitala kaupmáttar launa í nóvember hækkaði um 0,7% frá fyrri mánuði. Síðustu tólf mánuði hefur vísitala kaupmáttar launa lækkað um 4,3%.

Þetta hefur lítið að segja, því allar neysluvörur hafa hækkað mun meira og eiga eftir að hækka meira þegar virðisaukaskatturinn er kominn í 25,5%.

Kaupmáttur hækkaði í nóvember

Spakmæli dagsins

Guð blessi Ísland,

í fortíð og framtíð.

(Geir H. Haarde)

Kjördæmapot

Andstæðingar frumvarps um breytingar á bandaríska heilbrigðiskerfinu saka Ben Nelson, þingmann Demókrata frá Nebraska um kjördæmapot. Þeir segja að hann hafi selt atkvæði sitt í samningum sem tryggi Nebraska mikla fjármuni úr sjóðum alríkisins.

Það er víðar en á Íslandi, sem þingmenn stunda kjördæmapot af fullum krafti.

Nelson sakaður um kjördæmapot