Lækkun á olíu

Verð á hráolíu er komið niður fyrir 90 dali tunnan í rafrænum viðskiptum á NYMEX markaðnum. Um er að ræða viðskipti með olíu til afhendingar í nóvember. Lækkaði hráolíuverð um 3,43 dali tunnan í morgun og fór í 89,96 dali tunnan. Það hefur hins vegar hækkað lítillega á ný og er 90,45 dalir tunnan. Verð á Brent Norðursjávarolíu til afhendingar í nóvember er nú 86,55 dalir tunnan og hefur lækkað um 3,70 dali í rafrænum viðskiptum í Asíu í morgun.

Ætli svona fréttir fari ekki algerlega framhjá íslensku olíufélögunum.  Þeir segja einfaldlega olían hækkar öruggleg aftur og koma með eina hækkun í viðbót.

Hráolíuverð niður fyrir 90 dali

Englandsbanki

Englandsbanki tilkynnti í nótt að boðnir yrðu tíu milljarðar dollara til viðbótar út á fjármálamarkaðinn til að draga úr lausafjárkreppunni. Kemur þetta fram á vef bankans.

Það er allstaðar nema á Íslandi verið að reyna að bjarga því sem hægt er.  Hér sitja menn bara og bíða eftir kraftaverki og funda og funda.

Englandsbanki dælir út peningum

Evra

Gengi evrunnar gagnvart dollaranum var í morgun það lægsta síðan í byrjun september í fyrra, eða 1,36. Síðdegis á föstudag var það tæplega 1,39. Ástæðan er talin vera sú, að leiðtogar ESB-ríkjanna luku fundum um helgina án þess að samþykkja sérstakar björgunaraðgerðir fyrir evrópskt fjármálalíf.

Er þetta ekki myntin sem flestir vilja að komi í stað krónunnar?

Evra lækkar gagnvart dollaranum

Allt að hrynja

Norskir verbréfamiðlarar voru slegnir í morgun eftir að hlutabréfavísitala kauphallarinnar í Ósló lækkaði um 6,6% við upphaf viðskipta. „Þetta eru hamfarir og það lækkar allt," hefur vefurinn e24 eftir Thomas Lande, yfirmanni verðbréfaviðskipta hjá Glitni Securitas.

Það er þó víðar en á Íslandi sem hamfarir eru í fjármálalífinu

Norskir verðbréfamiðlarar slegnir

Kaupþing

Opið er fyrir viðskipti með bréf Kaupþings í kauphöllinni í Stokkhólmi en vangaveltur hafa verið um það hvort hugsanlega yrði lokað fyrir viðskipti með bréf íslensku bankanna í kauphöllinni í Reykjavík í dag.

Það er þó huggun harmi gegn að það er þó til enn íslenskur banki sem stendur á eigin fótum.

Viðskipti með bréf Kaupþings í Svíþjóð

Ótrúleg tilviljun

Það var einn stór hluthafi í Glitnir sem tapaði ekki krónu við yfirtöku ríkisins á Glitnir.  En það var Guðbjörg Matthíasdóttir í Vestmannaeyjum en hún seldi öll sín bréf í bankanum á föstudaginn fyrir yfirtöku ríkisins.  Helsti ráðgjafi Guðbjargar er Gunnlaugur Gunnlaugsson, sem er mikill vinur Davíðs Oddsonar og auk þess starfar í bankanum sonur Guðbjargar.

Samkvæmt upplýsingum Gunnlaugs var þetta alger tilviljun að hún seldi hlutabréfin á þessum degi.

Ótrúleg heppni, ekki satt?

Glitnir

Glitnir segir í yfirlýsingu, að eftir yfirlýsingar ríkisstjórnarinnar frá því í gærkvöldi sé ljóst að allar innistæður viðskiptavina Glitnis hér á landi verða tryggðar að fullu. Þá hafi ítrekað komið fram á fundum forstjóra og stjórnarformanns Glitnis með fulltrúum stjórnvalda um helgina, að Glitnir verði í meirihlutaeigu ríkisins eftir hluthafafund bankans næsta laugardag og að ríkið muni styðja bankann.

Hvaða dúsu skildi nú Þorsteinn Már Baldvinsson hafa fengið fyrir að skipta um skoðun á eignarhaldi ríkisins í Glitnir.  Nú hvetur hann hluthafa til að sætta sig við að ríkið eigi 75% í bankanum en áður hafði hann fordæmt þær aðgerðir.  Það skildi þó ekki vera að Samherji hafi fengið einhvern aukakvóta.?

Innistæður viðskiptavina Glitnis tryggðar

Gamalt gengi

„Staðan er einfaldlega þannig að menn eru að selja vöruna á gömlu gengi,“ segir Knútur Sigmarsson, framkvæmdastjóri Félags íslenskra stórkaupmanna.

Aumingja mennirnir, en var ekki gamla gengið betra en það nýja?

Varan seld á gömlu gengi

Mikil er þeirra ábyrgð

Hvað varð til að nær allt fjármálakerfi heimsins hrundi og þar á meðal hér á landi.  Ekki trúi ég að ástæðan sé sú að einhverjir íbúar í smábæ í Bandaríkjunum og gátu ekki greitt af sínum húsnæðislánum sé ástæðan og ef svo er þá er þeirra ábyrgð mikil.  Þetta er sú skýring sem flestir fjármálráðgjafar gefa okkur fáfróðum almenningi.  Ætli ástæðan sé ekki sú að undirstöðurnar hafa verið fúnar og þegar ein gaf sig þá hrundi allt eins og spilaborg og er enn að hrynja.  Það erfiða við þetta vandamál er að allt of mikið er horft á þessi húsnæðislán í Bandaríkjunum og að lausn vandans koma nær eingöngu ráðgjafar með sömu menntun og sama hugsunarháttinn og þá verður niðurstaðan alltaf sú sama.

Það var lengi vandamál hér á landi sem kallað var víxlverkun launa og verðlags og verðbólgan æddi áfram.  Nú er þetta ekki til staðar lengur, heldur hefur komið í staðinn nýtt fóður fyrir verðbólgu sem er víxlverkun vaxta og verðlags.  Vextir eru hækkaðir til að draga úr verðbólgu en þeir hækka síðan verðlag og verðbólguna svo það verður að hækka vextina aftur og þá eykst verðbólgan á ný.  Þetta er orðið eins og sirkushjól sem ekki getur stoppað nema með neyðarhemlum.

Ég ætla að lokum að votta íbúum í þessum smábæ í Bandaríkjunum mína samúð og vona að þeir hafi ekki vitað hvað þeir voru að gera með því að greiða ekki af sínum húsnæðislánum og settu heimsbyggðina á hvolf með sínum trassaskap.

Enn er ófriður

Ég er nú alveg hættur að skilja ástandið i Frjálslynda flokknum.  Nú þegar Jóni Magnússyni hefur tekist að bola Kristni H. Gunnarssyni frá sem formanni þingflokksins og tekinn við sjálfur heldur ófriðurinn áfram.  Ég hef fyrir því öruggar heimildir að ástandið í þingflokknum sé nánast óbærilegt.  Öllum málum sem koma frá þingmönnum er ýtt út af borðinu með þeim orðum að viðkomandi hafi ekki vit á hlutunum og Jón sem er lögfræðingur mun alltaf segja; "Ég er lögfræðingur og veit þetta manna best."  Því eru engin mál afgreidd í þingflokknum nema mál sem Jón vill koma áfram sjálfur.  Það er alveg rétt að Jón Magnússon er lögfræðingur að mennt en á það eitt að gera alla hina þingmennina óstarfhæfa?.  Jón stjórnar þingflokknum eins og einræðisherra sem veit allt best og getur allt best að eigin áliti.  Menntun er góðra gjalda verð, en hún getur aldrei breytt vitleysingi í speking.  Það er líka hægt að mennta sig á annan veg en að fara í háskóla.  Sú menntun sem gerir mönnum mest gagn er í gegnum lífsins skóla og þá menntun hafa allir hinir þingmennirnir í ríkum mæli og jafnast á við mörg háskólapróf.  Tilgangur Jóns með þessu er að hrekja hina 3 þingmenn úr flokknum og ef ekki verður gripið í taumana strax verður Jón einn eftir og tekst þá það sem hann ætlaði sér í byrjun að ráða algerlega yfir flokknum og verða næsti formaður hans.  En hin hámenntaði lögfræðingur gleymir einu, sem er að inn á Alþingi fer enginn nema að verða kosinn til þess og til þess þarf kjósendur.  Nú þegar hafa margir sagt skilið við flokkinn og nokkur hundruð eru að hugsa sinn gang.  Fólk er einfaldlega orðið þreytt á þessum eilífu deilum í flokknum.  Ég gekk í þennan flokk vegna þess að hann ætlaði að berjast fyrir landsbyggðina enda á hann þar mesta fylgið.  Ef Jón Magnússon ætlar að snúa þessu við og hafa Reykjavík nr. 1 er mest allt fylgið farið og í Reykjavík verða aðeins innan við 2% sem er að mestu persónufylgi Ólafs F. Magnússonar, sem Jón vill ekki að gangi í flokkinn.  Nú stefnir í að í næstu kosningum fær flokkurinn engan mann á þing og verður þá orðið að hinu fræga Nýja Afli sem enginn tók mark á og enginn vildi kjósa.  Því hefur verið haldið fram að Jón hafi verið mjög duglegur í flokkstarfinu í Reykjavík og er það rétt.  En þessi mikli áhugi Jóns á að efla flokkinn í Reykjavík er ekki með hagsmuni Frjálslynda fokksins að leiðarljósi, heldur til að styrkja eigið framapot.