Seðlabanki Íslands

Stjórnendur Seðlabanka Íslands hafa breytt reglum um viðskipti fjármálafyrirtækja við bankann. Koma á í veg fyrir að fjármálafyrirtæki geti snúið á reglurnar og sótt endalaus lán í Seðlabankann. Nýju reglurnar eru tilbúnar og verða væntanlega kynntar fyrir helgi.

Er virkilega svo komið fyrir fjármálafyrirtækjum okkar að þau þurfi að svindla á Seðlabankanum til að ná sér í fé.  Ekki kemst ég eða þú upp með að skrifa út gúmmítékka í stórum stíl án þess að verða kærð.  En þarna var látið nægja að sýna gula spjaldið og smá viðvörun.

Svindluðu á Seðlabanka

Enginn vill Gitter

Fyrrum glysrokkarinn Gary Glitter er kominn aftur til Taílands eftir að yfirvöld í Hong Kong meinuðu honum inngöngu í landið. Kínversk yfirvöld greindu breska utanríkisráðuneytinu að Glitter, sem heitir í raun Paul Gadd, yrði ekki hleypt inn í landið.

Ætli Ísland bjargi ekki manninum eins og gert var við einn þjóðkunnan íslending fyrir nokkrum árum en hann lenti í fangelsi í Tælandi fyrir að misnota unga drengi kynferðislega.  Ég þori ekki að segja nafnið á manninum til að verða ekki lögsóttur en Davíð Oddsson vinur mannsins gekk í málið af krafti og utanríkisþjónustan fór á hvolf til að fá manninn lausan og koma honum til Íslands.  Nafnið getið þið getið þið fengið ef þið hringið í mig eða sendið mér tölvupóst.

Enginn vill taka á móti Glitter

Nýtt fyrirtæki

Guðmundur Þóroddsson, fyrr­verandi forstjóri REI og Orku­­veitunnar, hefur stofnað nýtt fyrirtæki, Reykjavík Geothermal, sem starfa mun að verkefnum á sviði jarðvarma. Fyrirtækið var stofnað 8. ágúst síðastliðinn, að sögn Guðmundar „til að nýta dagsetninguna". Hún sé svo skemmtileg.

Þetta er frábært hjá Guðmundi sem lætur ekki berja sig niður án þess að standa upp aftur.  En ætli hann sé búinn að skila jeppanum fína sem hann fékk hjá Orkuveitunni á sínum tíma?

Stofnar nýtt orkufyrirtæki

Kaffivagninn

Dagur B. Eggertsson, oddviti Samfylkingarinnar í borgarstjórn, fór yfir borgarmálin á fundi í Kaffivagninum Grandagarði í morgun. Klukkan tíu hefst auka borgarstjórnarfundur þar sem nýr meirihluti Sjálfstæðisflokks og Framsóknarflokks tekur við völdum í borginni.

Er engin fundaraðstaða fyrir minnihlutann í Ráðhúsinu?  Eða var Dagur að predika yfir gestum Kaffivagnsins og um leið að halda framboðsfund.  En kl:10,00 er aukafundur í borgarstjórn Reykjavíkur þar sem nýr meirihluti tekur við og Hanna Birna Kristjánsdóttir sest í stól borgarstjóra.

Fundað um borgarmálin í Kaffivagninum

Ein saga í viðbót af hreppstjóranum

Þegar við vorum í sumarhúsunum í Þýskalandi ákváðum við að fara og aka upp Rínardalinn til staðarins Rudesheim sem er þekktur fyrir mikinn gleðskap.  Við ókum til borgarinnar Koblence sem stendur við mynni Mósel-árinnar.Þegar við komum þar að fyrstu gatnamótum og ég var á undan, þá uppgötvaði ég að ég væri á rangri akrein, sú sum ég var á lengst til vinstri lá inn í borgina.  En til að komast framhjá borginni urðum við að vera á akrein lengst til hægri og þarna á milli voru fjórar akreinar.  Ég gaf allt í botn og fór yfir á réttu akreinina og Hreppstjórinn kom á eftir vorum við rétt sloppnir þegar græna ljósið kom.  Þá var ekið upp Rínardalinn og víða stoppað.  Það var því komið kvöld þegar við komum til Rudesheim en þar áttum við pantaða gistingu.  Því var ekkert um annað að ræða en koma farangrinum inn á hótelherbergin og fara síðan í gleðskapinn.  Hreppstjórinn var að drepast úr þynnku alla leiðina og spurði oft hvort ekki væri í lagi að fá sér einn bjór.  Ég sagði honum að í Þýskalandi væru þeir mjög strangir og ekki þorandi að fá sér bjór.  Rudesheim er nánast ein gata og full af skemmtistöðum.  Við settumst inn á einn slíkan og drukkum nokkuð stíft, eftir smá stund vildi Hreppstjórinn fara og skoða bæinn.  Hann vildi ekkert á mig hlusta þegar ég var að segja honum að það væri bara þessi eina gata og annað væri ekki að sjá.  Þá rauk hann í fússi upp á hótel og krakkarnir mínir fengu að vera samferða.  Við hjónin sátum þarna fram á nótt og fórum þá á hótelið.  Morguninn eftir þegar maður var að ná úr sér þynnkunni með góðum morgunmat, kom Hreppstjórinn og sagði að þau væru búin að finna braut með kláfum og hann færi yfir allar vínekrurnar.  Hann vildi endilega fá okkur með en ég nennti ekki en krakkarnir og konan fóru.  Þegar þau komu til baka fórum við að taka saman okkar dót og koma því í bílanna og gera upp hótelið.  Síðan var ekið af stað, nú vildi Hreppstjórinn vera á undan og ók ansi greitt og stoppaði lítið og þá mjög stutt í hvert skipti.  Hann var greinilega á hraðferð og um kvöldið vorum við komin aftur í sumarhúsin.  Hreppstjórinn bauð okkur inn og náði í vodkaflösku og skellti á borðið og sagði síðan;  "Jæja þá er þetta ferðalag afgreitt og nú er komið föstudagskvöld og helgin framundan og óhætt að fá sér hraustlega í glas."  Við hjónin vorum orðin dauðþreytt og drukku bar eitt glas hvort og fórum síðan í okkar bústað til að sofa.

Leigubílstjóri rændur

Þrír vopnaðir menn rændu leigubílstjóra í Hólabergi í Breiðholti rétt fyrir kl. þrjú í nótt. Að sögn lögreglu hlaut bílstjórinn minniháttar áverka. Ræningjarnir, sem komust undan, höfðu ekki mikið upp úr krafsinu, aðeins um nokkur þúsund kr.

Og ég sem hélt að sjómennskan væri hættulegasta starfið og er nú á námskeiði til að fá að aka leigubíl.  Ég verð að hugsa það mál betur.

Leigubílstjóri barinn og rændur

GM

Bandaríski bifreiðaframleiðandinn General Motors hefur ákveðið að hætta að styrkja Óskarsverðlaunahátíð kvikmyndaiðnaðarins í Hollywood. Ástæðan er sögð versnandi afkoma fyrirtækisins, en GM hefur löngum verið einn stærsti stuðningsaðili Óskarsverðlaunanna.

Ég ætla að vona að Hanna Birna yfirgefi ekki Óskarinn sinn, þótt hann komi til með að ráða öllu sem hann vill í borgarstjórn Reykjavíkur og þurfi ekki að spyrja um leyfi hjá neinum.

GM yfirgefur Óskarinn

Ólafur F. Magnússon

Nú hefur Ólafur yfirgefið Íslandshreyfinguna og gengið aftur í Frjálslynda flokkinn.  Margir í Frjálslynda flokknum hafa látið stór orð falla um Ólaf og hans störf sem borgarstjóri og hef ég gert það.  Nú þegar Ólafur ætlar að koma til liðs við flokkinn á auðvitað að fagna því en ekki vera með nein leiðindi í hans garð.  Ólafur á mikið persónufylgi í Reykjavík sem mun gagnast flokknum vel.  Hann lýsti því reyndar yfir að hann ætlaði að leiða lista Frjálslyndra í næstu kosningum í Reykjavík.  Þarna var Ólafur full fljótur á sér, því það er hið nýstofnað borgarmálafélag Frjálslynda sem raðar á þann lista.  Hinsvegar finnst mér að Ólafur komi vel til greina eins og margir aðrir.

Ég hef starfað í Frjálslynda flokknum frá stofnun hans, fyrst á Vestfjörðum en seinna hér í Sandgerði.  Ég hef alla tíð stutt Guðjón Arnar Kristjánsson, formann flokksins og ég fagnaði því að Guðjón skuli hafa boðið Ólaf velkominn í flokkinn aftur.  En það eru því miður ekki allir sáttir við ákvörðun Guðjóns og óttast ég að nú komi upp ein leiðinda uppákoman í flokknum, eins og skeði þegar Margrét Sverrisdóttir hætti.  Ef Margrét hefði ekki hætt væri flokkurinn nú með 10 þingmenn í stað 4ja.  Þær eru margar flokkamellurnar í þessum flokki, Jón Magnússon var t.d. innsti koppur í búri hjá Sjálfstæðisflokknum, stofnaði síðar Nýtt afl sem ekkert fylgi fékk.  Vinur minn Kristinn H. Gunnarsson var í Alþýðubandalaginu svo í Framsókn og núna í Frjálslynda flokknum.  Guðjón Arnar var í Sjálfstæðisflokknum og orðin varaþingmaður þess flokks, þegar hann yfirgaf hann og tók þátt í að stofna Frjálslynda flokkinn með Sverrir Hermannssyni.  Ég er ekki að lasta þessa menn þótt þeir hafi skipt um flokk aðeins að benda á að endurkoma Ólafur F. Magnússon er ekkert einsdæmi.

Ég tek heilshugar undir orð Kristins H. Gunnarssonar sem hann ritar á heimasíðu flokksins; "Að nú skipti mestu að halda flokknum saman."  Ef deilur og illindi byrja aftur innan flokksins vegna komu Ólafs F, Magnússonar þá hef ég gert upp hug minn og mun segja mig úr flokknum ásamt nokkrum sem við mig hafa talað undanfarið.  Ég fékk alveg nóg þegar deilurnar voru við Margréti Sverrisdóttur.  Ég þoli ekki fleiri uppákomur í flokknum sem enda alltaf með leiðindum og fylgistapi.

Lífstíðardómur

Karlmaður, sem var sakfelldur fyrir að valda lestarslysi í Los Angeles árið 2005, fékk í dag ellefu lífstíðardóma án möguleika á náðun. Ellefu manns létu lífið í slysinu og 180 særðust.

Það munaði ekki um það bara 11 lífstíðardómar án möguleika á náðun.  Hvernig í ósköpunum á manngreyið að klára að afplána þetta.  Miðað við meðalaldur er þetta á milli 700 til 1000 ár.

Fékk ellefu lífstíðardóma

Menningarnótt

Búist er við að hundrað þúsund manns verði samankomnir á menningarnótt í miðborg Reykjavíkur. Spáð er rigningarskúrum en annars hlýju og mildu veðri. Um allan bæ er fólk að æfa undir hina ýmsu viðburði hátíðarinnar.

Þetta verður örugglega mikil menning, verst hvað margir vita ekki hvað menning er.

Búist við 100 þúsund gestum