Fasteignasalar

Það sem af er þessu ári hafa 32 löggiltir fasteignasalar skilað inn leyfum sínum til sýslumannsins í Hafnarfirði, sem gefur leyfin út. Ætla mætti að helsta ástæðan sé samdráttur í fasteignasölu en svo er ekki, að sögn talsmanna Félags fasteignasala. Segja þeir aðalástæðuna þá að löggiltir fasteignasalar sjái ekki ástæðu til þess að greiða 100 þúsund krónur á ári hver í eftirlitsgjald þegar sumar fasteignasölur komist upp með að hafa aðeins einn löggiltan fasteignasala en allt að 40 ófaglærða sölufulltrúa.

Þetta er dæmigert fyrir hvað sum lög hér á landi eru vitlaus og mikið rugl.  Alþingi þarf að vanda sig betur við lagasetningar framvegis og breyta þeim lögum sem eru eintóm vitleysa.  Björgvin G. Sigurðsson, viðskiparáðherra;

Stattu þig nú drengur.

Fasteignasalar leggja inn leyfin

Seðlabanki Íslands

Eins og útlitið er nú virðist sem Seðlabanki Íslands hafi teflt fram öllum sínum trúverðugleika við að halda vöxtum nægilega háum nægilega lengi til að ná settu 2,5% verðbólgumarkmiði innan tveggja ára. Þetta kemur fram í Hálf fimm fréttum Kaupþings þar sem peningamálastefna Seðlabankans er gagnrýnd.

Þetta er gott hjá Kaupþing, Seðlabankinn þarf aðhald eins og aðrar stofnanir ríkisins.  Það getur ekki gengið að aðalbankastjórinn Davíð Oddsson sé að stýra Seðlabankanum og vera á sama tíma á kafi í pólitík hjá Sjálfstæðisflokknum.

Greiningardeild Kaupþings gagnrýnir Seðlabankann

Meirapróf

Í gær fór ég í fyrsta bóklega prófið í meiraprófinu.  Það var búið að vara okkur svo mikið við þessu prófi og voru allir með hnút í maganum.  Ég hef ALDREI á minni skólagöngu lesið fyrir próf.  Ég reyni að fylgjast með í kennslutímunum og glósa þá oft niður ýmis atriði og gerði eins núna og var með þeim fyrstu til að klára prófið og náði því. 

Það hjálpaði mér líka talsvert umfram aðra að ég er menntaður vélstjóri.

Tap

Tap Sparisjóðsins í Keflavík nam 10,6 milljörðum króna eftir skatta á fyrri hluta ársins samanborið við 4,6 milljarða króna hagnað á sama tíma á síðasta ári. Segir sparisjóðurinn neikvæð þróun á hlutabréfamarkaði hafi haft afgerandi áhrif á niðurstöðu tímabilsins. 

Sem betur fer er þessi sjóður svo sterkur að hann þolir alveg svona áfall.

Tapaði 10,6 milljörðum

Fellibylur

Fimmtíu og einn hefur látið lífið á Haítí af völdum hitabeltisstormsins Gústavs, og er þá tala látinna af völdum veðursins alls komin í 59. Það fór yfir austurhluta Jamaíka í dag og stefnir á Caymaneyjar, og nálgast vindhraðinn fellibylsstyrk.

Hver ætli sé skýringin á því að þessi fellibylur heitir Gústaf?  Er það kannski vegna þess að hann byrjaði sem stormur.  Hingað til hafa fellibyljir alltaf heitið kvennamannsnöfnum og kannski verður skipt um nafn á þessum þegar hann er orðinn að alvöru fellibyl.

59 látnir af völdum Gústavs

Gjaldþrot

Tvö íslensk kvikmyndafyrirtæki, Kaldaljós ehf. og Ferð ehf., áður Little trip ehf., hafa verið tekin til gjaldþrotaskipta. Kvikmyndafélagið Kaldaljós ehf.

Þetta er aðeins byrjunin á miklum gjaldþrotum sem verða í haust og næsta vetur og þá verður ekki bara kvikmyndafyrirtæki.  Við eigum eftir að sjá gjaldþrot hjá stórum fyrirtækjum, sem flestir álíta að séu sterk í dag.  Þetta verður hrun gjaldþrota með miklu atvinnuleysi.

Kvikmyndafyrirtæki í þrot

Orkuveitan

„Ég get sagt það fullum fetum að það hafi tapast um tveir milljarðar króna við það að ganga ekki frá þessari sölu strax síðasta haust í stað þess að hika og bíða,“ segir Rósa Guðbjartsdóttir, bæjarfulltrúi Sjálfstæðisflokks, um sölu á 14,65 prósenta hlut bæjarins í Hitaveitu Suðurnesja (HS) til Orkuveitu Reykjavíkur (OR).

Ætlar aldrei að verða friður um Orkuveituna, nú eru það sjálfstæðismenn sem gagnrýna.  Nú er svo komið að þetta ákveðna mál er komið til dómstóla.

Segir tvo milljarða hafa tapast

Heilsuverndarstöðin ehf.

„Við hörmum þessa stöðu og við munum axla fulla ábyrgð,“ segir Gestur Pétursson, stjórnarformaður Heilsuverndarstöðvarinnar ehf. 24 stundir sögðu frá því í gær að fyrirtækið hefði staðið illa í skilum á lífeyrissjóðsgreiðslum, félags- gjöldum og öðrum launatengdum gjöldum sem dregin höfðu verið af launum starfsmanna þess.

Þetta er nú skilgreint í lögum sem fjárdráttur og á að ákæra menn fyrir slíkt.  Við svona brotum er bæði dæmd sekt og fangelsi. 

Er þetta sem koma skal í heilbrigðisþjónustunni, að einkavæða sem flest.  Það er auðvelt að bjóða lágt í suma þjónustu ef menn ætla ekki að greiða allan rekstrarkostnaðinn, eins og þetta dæmi sýnir.

Standa skil á næstu dögum

Sænskir sjómenn

Réttarhöld yfir 16 sænskum sjómönnum hófust í Svíþjóð á miðvikudag, en þeir eru sakaðir um ranga skráningu á afla. Lögsóknin varðar 143 landanir níu fiskiskipa árið 2005 og er mönnunum gert að sök að hafa vísvitandi skráð yfir 100 tonn þorskafla sem lýr, en það er fiskur af ufsaætt sem ekki er kvótaskyldur. Þegar aflinn var svo seldur til vinnslu var hann réttilega skráður sem þorskur.

Það er þá víðar en á Íslandi sem sjómenn neyðast til að brjóta lög við vinnu sína.

Sænskir sjómenn ákærðir

Sjúkraliðar

„Þau vilja hafa okkur áfram í vinnu, en á okkar lágu launum,“ segir Ragnhildur Árnadóttir sjúkraliði. Hún lauk ásamt þremur samstarfskonum sínum á hjúkrunarheimilinu Seljahlíð sjúkraliðanámi í maí, en þær fá ekki vinnu sem sjúkraliðar. „Við vorum hvattar af okkar stjórnendum til þess að fara í námið en núna vilja þeir ekki kannast við að hafa gert það,“ segir Ragnhildur.

Ég get ómögulega skilið af hverju ekki er hægt að greiða þessu fólki mannsæmandi laun.  Það á við bæði sjúkrahúsin, leikskóla, kennara ofl.   Er hvergi hægt að spara í ríkisrekstrinum til að fá peninga til að hækka launin.  Að vísu eru leikskólar á vegum sveitarfélaganna, en það er sama.  Þessu verður að breyta sem fyrst.  Svo sjáum við í fréttum að einn ráðherra fór til Kína til að horfa á handboltaleik, sem kostaði ríkissjóð 500 þúsund og annað er eftir því.  Til að klóróna svo allt saman fá þessir sjúkraliðar ekki vinnu, vegna þess að þá hækka þeir í launum.

Fá ekki að vinna sem sjúkraliðar