Gangahrun

Fimm Palestínumenn fórust í dag þegar smyglgöng milli Gaza svæðisins og Egyptalands hrundu yfir þá, að sögn lækna. Ekki lágu fyrir nánari upplýsingar um þá sem fórust.

Það er hættulegt að vera glæpamaður.  Ekki er hægt að kenna Ísrael um þessi mannslát.

Fimm fórust við gangahrun

Löng sigling

Í morgun voru 215 íslensk skip á sjó, að sögn Landhelgisgæslunnar og Vakstöðvar siglinga. Þar var verið að fylgjast með alls um 250 skipum. Fylgst er með íslenska flotanum hvar sem hann er staddur. Það skip sem var fjærst heimahöfn var Skinney SF, sem var í höfn á Sri Lanka.

Það er ekkert óeðlilegt við að þetta skip sé langt í burtu því um er að ræða nýtt skip sem smíðað var í Taívan, en þaðan fór skipið 10. febrúar sl.  Á því skipið eftir nokkuð langa siglingu enn til að komast í heimahöfn, sem er Hornafjörður.  Þetta mun vera fyrra skipið af tveimur sem Skinney-Þinganes hf. lætur smíða fyrir sig í Taívan. 

Skinney SU á Sri Lanka

Opera

Rekstur norska hugbúnaðarfyrirtækisins Opera, sem Íslendingurinn Jón Stephensson von Tetzchner stofnaði og stýrir, gekk afar vel á síðasta ári þrátt fyrir fjármálaumrót í heiminum. Alls nam hagnaður félagsins á árinu 90 milljónum norskra króna og áttfaldaðist frá fyrra ári.

Þetta sýnir og sannar að ekki var öll útrásin rugl og vitleysa.  Enda bankaruglið mest hér heima á Íslandi.  Það sem við bjuggum til loftbóluhagkerfi.  Allir ætluðu að græða á engu og enduðu í þroti, þótt nóg væri til af lofti.

Opera á mikilli ferð

Símar

Símabær opnaði nýlega verslun á Ebay sem átti að selja óseljanlega og sértæka aukahlutalagera fyrir síma sem eru ekki lengur í notkun hér. „Þegar hafa farið á annað hundruð sendingar um víða veröld og losað verslunina við urðunarkostnað um leið og ruslið skapar gjaldeyri og vinnu við flutningsstarfsemi,“ segir í frétt frá Símabæ.

Þetta er mjög gott framtak hjá Símabæ og ætti að vera öðrum til fyrirmyndar.  Íslendingar eiga mikið af allskonar dóti sem hætt er að nota sem væri hægt að koma í verð á þennan hátt og skapa um leið gjaldeyristekjur.

Gamalt símadót selt út um heim

Tony Blair

Tony Blair, sem er sérstakur sendifulltrúi kvartettsins svonefnda í Miðausturlöndum, kom í óvænta heimsókn til Gasasvæðisins í morgun. Hann mun m.a. heimsækja skóla, sem Sameinuðu þjóðirnar reka fyrir palenstínska flóttamenn.

Tony Blair á víst að vera fulltrúi þeirra þjóða sem eru að beita sér fyrir friði í Palestínu.  En þrátt fyrir góðan vilja verður aldrei friður á þessu svæði á meðan ýmsir hópar Palestínumanna eru þeirrar trúar að Ísraelsríki eigi að þurrka út.  Þetta gengur svo langt að þetta er innifalið í þeirra trú sem er ÍSLAM.

Blair í óvæntri heimsókn til Gasa

Ofbeldi

Saksóknarar í Seattle í Bandaríkjunum hafa birt myndskeið, sem sýnir lögreglumann slá 15 ára gamla stúlku og beita hana ýmiskonar ofbeldi inni í fangaklefa. Lögreglumaðurinn hefur verið ákærður fyrir að beita óhóflegu valdi.

Þetta er nú með því grófasta sem maður hefur frétt lengi og þá á lögreglan í hlut.  Þetta eru eitthvað bilaðir menn, sem ráðast svona á 15 ára stúlkubarn.

Lögreglumenn réðust á 15 ára stúlku

Bjórinn

Tuttugu ár eru í dag liðin frá því að sala á bjór var leyfð í verslunum ÁTVR og á veitingastöðum á Íslandi. Frá fyrsta ári bjórsölunnar, 1989, hefur sala á drykknum aukist um 128% og neyslan komin í 16 milljónir lítra.

Þótt ég hafi sagt upp viðskiptum við Á.T.V.R. verð ég að viðurkenna að af tvennu illu er þó skárra að fólk drekki bjór en sterk vín.  Það eru alltaf og verða alltaf einhverjir sem ekki kunna sér hófs og drekka of mikið.  Þetta þekki ég best af eigin reynslu en í vor verða komin 3 ár í mínu bindindi, sem ég fór í án þess að fara í neina meðferð.  Það skiptir engu máli í hvað margar áfengismeðgerðir fólk fer ef viljinn er ekki til staðar þá fer allt í sama farið aftur fljótlega.

Tveir áratugir með bjórnum

Niðurfærsla skulda

Steingrímur J. Sigfússon fjármálaráðherra segir að 20% niðurfærsla á öllum skuldum heimila og atvinnulífs sé af stærðargráðunni 1.200 milljarðar króna. Vandséð sé hvernig þjóðarbúið eigi að ráða við slíka niðurfærslu. Þetta kom fram í viðtali Sigurjóns M. Egilssonar við Steingrím í þættinum Sprengisandi í morgun.

Þetta er rétt hjá Steingrími, þjóðarbúið ræður ekkert við að greiða svona upphæðir.  En aftur á móti ætti að vera hægt að leifar fólki að búa í íbúðum sínum þótt þau færu í eigu bankanna eða Íbúðalánasjóðs.  Fyrst Íslandsbanki gat afskrifað a.m.k. einn milljarð af skuldum Árvakurs hf. í tengslum við sölu hans ætti bankinn að getað eitthvað hjálpað íbúðareigendum.  Eða er talið mikilvægara að Morgunblaðið komi út en að hjálpa fólki sem er að missa sínar íbúðir.

20% niðurfærsla 1.200 milljarðar

Vextir

Steingrímur J. Sigfússon fjármálaráðherra telur allar vísbendingar vera í þá átt að verðbólga og vextir lækki hratt á næstu mánuðum. Þetta kom fram í viðtali Sigurjóns M. Egilssonar við Steingrím á Sprengisandi á Bylgjunni í morgun.

Vonandi að satt reynist og kannski von núna þegar Davíð Oddsson er farinn úr Seðlabankanum, en hann kunni lítið til verka þar nema að hækka vexti.

Vextir fara að lækka

Landhelgisgæslan

Alveg er það til skammar þetta mikla fjársvelti hjá Landhelgisgæslunni.  Þar er bara hægt að hafa eitt varðskip á sjó í einu og stórlega dregið úr flugrekstri.  Ástandið á eftir að versla þegar hið nýja varðskip sem nú er í smíðum kemur og nýja flugvélin sem verið er að kaupa efa verða þá til peningar til að koma þeim tækjum til landsins.  Á meðan þetta ástand er hjá Gæslunni erum við nýbúin að stofna Varnamálastofnun, sem tekur til sín mikið fé.  Þetta er gert þótt vitað sé að þau verkefni sem þessi nýja stofnun á að sinna hefði ágætlega verið hægt að sinn af öðrum stofnunum sem til eru fyrir.  Þar sem Ísland er eyja eru landhelgismörk okkar landamæri.  Ég er hræddur um að það þætti skrýtið ef sum ríki sinntu ekki landamæravörslu nema annan eða þriðja hvern dag.  Nú nýverið var verið að segja upp nokkrum þyrluflugmönnum hjá Landhelgisgæslunni og í framhaldi af því sagði forstjórinn að nú væri ekki lengur hægt að hafa tvöfalda vakt til að sinna þyrluflugi í neyð.  Annars er þessi sparnaður talsvert skrýtinn því ávalt eru tilbúnar áhafnir á bæði varðskipin svo ekki lækka launin þótt legið sé í höfn.  Hinsvegar hlýtur að vera mikil hækkun á hafnargjöldum skipanna.  Þegar þyrluflugmönnunum var sagt upp sagði forstjórinn að því til viðbótar væru þó nokkrir skipherrar sem brátt færu að hætta vegna aldurs.  Á að skilja þessi orð þannig að engir verði ráðnir í stað þeirra sem hætta og þá mun ekkert varðskip fara á sjó, því ekkert varðskip fer úr höfn án skipherra.  Við erum að bjóða mikilli hættu heim ef þetta ástand verður til framtíðar hjá Landhelgisgæslunni.