Hættir störfum

Haukur Björnsson er að hætta störfum sem framkvæmdastjóri Eskju hf. eftir að hafa unnið hjá félaginu í fjöldamörg ár. Haukur hefur gegnt stöðu framkvæmdastjóra síðan 2004 en hefur ákveðið að snúa sér að öðru.

Þetta er eitt þeirra fyrirtækja sem byggir afkomu sín að mestu á veiðum og vinnslu uppsjávarfisks og eins og staðan er núna með loðnuna þá hlýtur að vera erfið staða hjá Eskju hf.  Ætli það sé ekki ástæðan fyrr uppsögninni.  Eins er þetta mjög skuldsett fyrirtæki, því fyrir nokkrum árum fór Aðalsteinn barnabarn Alla ríka (Stofnanda fyrirtækisins), sem var þá forstjóri út úr fyrirtækinu með sinn hlut eða nokkra milljarða.  Þann hlut keyptu Þorsteinn Kristjánsson tengdasonur Alla ríka og fjölskylda hans og þurftu þá að skuldsetja félagið talsvert mikið.  Þorsteinn hefur til margra ára verið skipstjóri á flaggskipum Eskju hf. en sest nú í forstjórastólinn.  Þetta er lýsandi dæmi um það sem hefur verið að ske í íslenskum sjávarútvegi vegna verðlagningu á aflaheimildum.  Þannig að menn hafa farið út úr greininni og orðið milljarðamæringar fyrir það eitt að hafa erft hlutabréf í fyrirtækjum sem hafa haft yfir að ráða aflaheimildum, sem eru í raun í eigu íslensku þjóðarinnar.

Framkvæmdastjóri Eskju hættir

Uppboð

Gríðarlegur fjöldi fólks mætti á uppboð á fasteignum í New York í gær. Alls voru boðnar upp 375 heimili og fóru sum þeirra á einungis helming þess sem þau voru metin á. Á síðasta ári voru 33 þúsund heimili boðin upp og seldust þau á 3,5 milljarða dala. Efnahagskreppan hefur leikið marga Bandaríkjamenn grátt undanfarin misseri og hefur fjöldi fólks misst heimili sín.

Það er ekki að spyrja að því að hrægammarnir eru fljótir til þegar þeir finn lykt af einhverju ætilegu.  Ætli þetta verði ekki eins Á Íslandi að þegar um hægist þá komi auðmennirnir með peningana sína til landsins til að taka þátt í hliðstæðum leik.

Bitist um fasteignir á uppboði

Skattaskjól

Leiðtogar helstu ríkja heims og Evrópusambandsins munu ræða um nauðsyn þess að herða tökin gegn skattaskjólum á fundi sínum í London í byrjun apríl.

Þetta eru góðar fréttir og koma vonandi Íslandi vel.  Því þarna eru miklir peningar í eigu íslendinga eða í raun í eigu ríkissjóðs Íslands.

Herða tökin gegn skattaskjólum

Framboð til ritara

Hanna Birna Jóhannsdóttir, Suðurgarði, Vestmannaeyjum, gefur kost á sér í starf ritara Frjálslynda flokksins á landsþingi flokksins sem haldið verður n.k. helgi í Stykkishólmi.Hún segist í tilkynningu hafa tekið virkan þátt í störfum Frjálslynda flokksins frá upphafi, og átt sæti í miðstjórn hans undanfarin ár.

Vonandi gengur henni vel og nær þessu embætti.  Þótt fljótt á litið sé það nú ekki eftirsóknarvert að vera ritari í flokki þar sem allir eru að rífast og skamma hvern annan.

Í framboð til ritara Frjálslyndra

Bilun

Bilanir eru í símakerfi menntasviðs Reykjavíkurborgar og tölvukerfi grunnskólanna í Reykjavík. Símabilunarinnar varð fyrst vart í gær en bilunar í tölvukerfi fyrir helgi. Unnið er að viðgerðum og er vonast til að þeim ljúki í dag.

Það er eitthvað óeðlilegt hvað þessar bilanir eru tíðar.  Er samkeppnin á þessum markaði orði svo mikil að fjarskiptafyrirtækin eru farin að spara í viðhaldi á sínum kerfum.

Bilanir í síma og tölvukerfum

Hækkun á olíu

Verð á hráolíu til afhendingar í apríl hækkaði um 5 sent tunnan í 47,12 dali í rafrænum viðskiptum í Asíu í morgun. Brent Norðursjávarolía hækkaði um 29 sent og er 44,42 dalir tunnan. Skýrist hækkunin í dag og í gær á því að líkur eru á að OPEC ríkin dragi enn frekar úr framleiðslu. Telja sérfræðingar á olíumarkaði að það geti þýtt það að olíuverð fari yfir 50 dali tunnan á nýjan leik.

Það hlaut að koma að því og nú fá íslensku olíufélögin tilefni til að hækka aftur verð á eldsneyti, en þau lækkuðu það fyrir nokkrum dögum og spáði ég því þá að fljótlega kæmi hækkun aftur og hún kemur.

Ég fer bráðum að titla mig sem sérfræðing í olíuviðskiptum.

Verð á hráolíu hækkar

Eitt hrunið enn

Þá er einn bankinn fallinn í viðbót en það er Straumur-Burðarás hf.  Sparisjóðabankinn riðar til falls en verður sennilega bjargað þar sem hann er eini bankinn fyrir utan Seðlabankann, sem getur afgreitt gjaldeyrir til og frá landinu.

 Ég spyr nú bara hvar endar þetta allt saman? 

Eigum við kannski líka eftir að horfa á hrun sparisjóðanna, hvern á eftir öðrum? 

Verður þá bara eftir Seðlabankinn sem er starfhæfur, en samt er hann tæknilega gjaldþrota og starfa þess vegna á ábyrgð ríkissjóðs.

Yfirtaka fyrirtækja

Nú hefur hið nýja Kaupþing yfirtekið Bifreiðaumboðið Heklu og er með mikla útsölu á notuðum og nýjum bílum.  Þar sem þetta er ríkisbanki er í raun ríkið komið í samkeppni við önnur bifreiðaumboð á þessum markaði.  Þau fyrirtæki hafa skiljanlega ekki burði til að keppa við ríkisfyrirtæki um verð og þjónustu, þess vegna ætti ríkið að selja þetta fyrirtæki sem allra fyrst.  Nú er þessi sami banki líklega að taka yfir annað fyrirtæki sem er Íslenskir Aðalverktakar en fyrir nokkrum árum seldi ríkið sinn hlut í því fyrirtæki til stjórnenda þess.  Sú sala var mjög umdeild á sínum tíma því að ekki var tekið hæsta tilboðinu sem kom frá Jarðborunum hf. sem nú krefur ríkið um skaðabætur vegna þessa máls.  Það er talsvert kaldhæðnislegt að helstu rök ríkisins á sínum tíma voru þau að best væri að selja stjórnendum ÍAV, því þeir væru hæfastir til að reka það.  En hæfnin var nú ekki meiri en svo að ríkið er að fá fyrirtækið í hausinn aftur.  Reyndar er kannski ekki alveg sanngjarnt að skrifa erfiðleika þessa fyrirtækis á stjórnendur þess, því eins og allir vita eru miklir erfiðleikar hjá flestum verktakafyrirtækjunum.

Trúnaður

Neytendastofa hefur tekið þá ákvörðun að Halldór Guðmundsson, fyrrum starfsmaður Hans Petersen hafi brotið gegn ákvæðum laga um eftirlit með viðskiptaháttum og markaðssetningu með því að nýta sér trúnaðarupplýsingar um birgja Petersen ehf., félags sem tók við rekstri hluta starfsemi Hans Petersen, í atvinnuskyni og án heimildar forráðarmanna Petersen.

Er þetta ekki bara hinn frjálsa samkeppni í anda frjálshyggjunnar sem birtist svona.  En þetta veldur að vissu leiti vonbrigðum hjá mér, sem hélt að eftir allt hrunið hér á landi væri frjálshyggjan dauð.  Þetta staðfestir aftur á móti að eitthvað lífsmark sé með henni ennþá og er það miður.

Nýtti sér trúnaðarupplýsingar án heimildar

Ísfélagið hf.

Atli Gíslason, alþingismaður, gagnrýnir í opnu bréfi, sem birt er á vefnum eyjum.neti í dag, að Baldvin Johnsen, fjárreiðustjóra Ísfélagsins, skuli hafa verið sagt upp störfum fyrir að hafa farið út fyrir heimildir í störfum sínum hvað varðar svonefnda afleiðusamninga eða gjaldeyrisskiptasamninga. Vill Atli að stjórn Ísfélagsins biðji Baldvin afsökunar.

Hvern andskotann kemur Atla Gíslasyni það við þótt Baldvin Johnsen og Páli Ægir Friðbertssyni, framkvæmdastjóra fyrirtækisins, hafi verið sagt upp störfum.  Báðir þessir menn fóru langt út fyrir sitt verksvið og það umboð, sem stjórnin hafði veitt þeim.  Þessi brottrekstur er mjög eðlilegur vegna þess að báðir þessir menn sköðuðu Ísfélag Vestmannaeyja hf. um nokkur hundruð milljónir í verðbréfa braski.  Þeir voru að taka þátt í hinu mikla fjármálabraski sem hér var í gangi, en öfugt við marga aðra voru þeir að nota fé sem aðrir áttu en ekki þeir sjálfir.  Mér finnst líka skrýtið að Atli vill fá afsökunarbeiðni bara fyrir annan manninn en ekki hinn.  Hvaða hagsmuni hefur Atli þarna að gæta?

Gagnrýnir uppsögn yfirmanns Ísfélagsins