Flateyri

 

Af hverju var maðurinn að kaupa þetta fyrirtæki ef þörf er á sértækri aðstoð til að geta hafið rekstur?

Hefði ekki verið skynsamlegra að hugsa málið aðeins betur og gera skynsamlega rekstraráætlun áður en farið var útí þessi kaup.  Annars hefur Kristján Erlingsson verið talsvert í fréttum þar sem hann hefur verið með stórar yfirlýsingar um útflutning á ferskum afurðum með flugi frá Þingeyrarflugvelli og sagt að hann væri búinn að tryggja sér flugvél í verkefnið.  En nú á sem sagt bæjarstjórn Ísafjarðarbæjar að bjarga málunum.  Var ekki byrjað á öfugum enda?

Oddatá óskar eftir sértækri aðstoð

Athugasemdir

[Guðmundur Sigurðsson 12.9.2007 kl. 00:08]

Það er áleitin spurning hvort hægt sé að ætlast til þes að þú kynnir þér lítilega mál áður en þú ferð að tjá þig um þau.

Settu þig aðeins inn í þetta byggðakvótamál og segðu okkur svo hvað er rétt og hvað er vitlaust í lífinu.

[Guðmundur Jónas Kristjánsson, 12.9.2007 kl. 01:06]

Tek undir með nafna mínum. Þekki Kristán Erlingsson mjög vel, og
hans mjög svo breyttu aðstöðu í dag, sem hann sá alls ekki fyrir.
Hef tröllatrú  á Kristjáni vini mínum, og sendi honum báráttukveðjur!
Og til minnar heimabyggðar!

[Jakob Falur Kristinsson, 12.9.2007 kl. 10:44]

Ég skrifa ekki um mál nema telja mig þekkja þau nokkuð vel og þekki málefni byggðakvóta mjög vel því í minni gömlu heimabyggð eru menn að glíma við svipuð vandamál og á Flateyri.  En skil ekki alveg hvernig það á að hjálpa mér að segja til um hvað er rétt og hvað er vitlaust í lífinu.  Ég er ekki fær um það frekar en aðrir dauðlegir menn. 

Hvað er það Guðmundur Jónas sem Kristján Erlingsson sá ekki fyrir?  Ekki er það niðurskurður á þorskkvótanum, það var vitað í mars/apríl.  Það má ekki skilja orð mín svo að ég sé á móti því að allur byggðakvóti Ísafjarðarbæjar fari til Flateyrar það ætti að vera sjálfsagt mál og ekki þurfa neinar sértækar aðgerðir einungis einfalda samþykkt bæjarstjórnar eins og gert var á Þingeyri á sínum tíma.  Ég hefði í sporum Kristjáns haft þann fyrirvara í kaupunum að byggðakvóti fengist.  Það er alltaf erfiðara að glíma við svona mál eftir á og það var mín meining þegar ég orðaði það þannig að byrjað hefði verið á öfugum enda.

[Ásthildur Cesil Þórðardóttir, 12.9.2007 kl. 11:00]

Ég vona innilega að þetta gangi hjá honum.  Það er allt of mikið í húfi hérna.  Ég skil samt hvað þú ert að fara.  Ef til vill hafa legið fyrir einhverjar viljayfirlýsingar sem ekki standast svo. Hver veit.  

[Jakob Falur Kristinsson, 12.9.2007 kl. 16:54]

Ég vona líka að þetta gangi hjá Kristjáni, ég þekki svo vel af eigin reynslu þessi mál og væri síðasti maður til að gagnrýna þá aðila sem eru þó að reyna að berjast í þessum litlu byggðalögum fyrir tilverurétti þeirra og hafi einhver skilið skrif mín á annan veg er það misskilningur.

[Guðmundur Jónas Kristjánsson, 12.9.2007 kl. 21:48]

Það var aðallega tvennt sem Kristján sá ekki fyrir Jakob. Hann
var búinn að kaupa aðstöðuna þó nokkru áður en hin mikla
kvótaskerðing kom til. Sá hana ekki fyrir frekar en aðrir. Tel það aðal ástæðuna. Svo veit ég að fráfall frænda hans Einars Odds hefur verið mikið áfall, því ef ég þekki Einar rétt hefði hann gert allt til að hjálpa til í þessu eins og hann gerði í svo mörgu öðru þjóð
sinni til heilla...........  Hins vegar veit ég að Kristján ætlar sér að
berjast, enda allt í húfi fyrir Flateyri. Kristján byrjaði með tvær
hendur tómar í Uganda, og framkvæmdi ótrúlega mikla hluti
þar á 10 árum fyrir sinn dugnað.  ER maður sem virkilega hefur
fyrir hlutunum á sinn kostnað.

  

[skvísan 12.9.2007 kl. 22:23]

Hvað er verið að reyna að gera þarna með ekkert nema útlendinga.......og svo á að reyna að fá aðstoð strax á fyrstu dögunum.......

Skil ekki svona......þó að maðurinn hafi gert það gott á síðustu 10 árum í Úganda........