Hagstjórn

Pantanir á varanlegum neysluvörum í Bandaríkjunum, svo sem flugvélum, bílum og fjarskiptabúnaði drógust saman um 4,9% í ágúst og þarf að leita sjö mánuði aftur í tímann til að finna meiri samdrátt á milli mánaða.  Þetta kemur fram í hálf fimm fréttum Kaupþings. 

Þrátt fyrir að þetta hafi verið meiri lækkun en búist var við hækkuðu hlutabréf á Wall Street, þegar viðskipti hófust þar í dag vegna væntinga að Seðlabankinn bandaríski lækki vexti frekar til að örva efnahagslífið. 

Ég held að hæstvirtur Seðlabankastjóri Davíð Oddson ætti að eyða meir tíma í að fylgjast með þar sem menn víða um heim eru að gera góða hluti varðandi hagstjórn.  Heldur en að sitja í sínu horni og gera grín og kasta skít í sína fyrrum félaga og samstarfsmenn.  Mig grunar að Davíð hafi hreinlega ekki hundsvit á efnahagsstjórn og þess vegna er hann að stunda þessa iðju sína af kappi til að reyna að leiða huga fólks frá því hve heimskur hann virðist vera.

Pantanir á varanlegum neysluvörum í Bandaríkjunum dragast saman

Athugasemdir

[E 26.9.2007 kl. 22:35]

Er hagstjórnin góð í Bandaríkjunum?

Í hvaða fyrrum félaga og samstarfsmenn er DO að gera grín að og kasta skít í?

 Af hverju er það viðtekin venja að tala um Seðlabankann og DO sem einn og sama hlutinn?  Eins og DO taki ákvarðanir og geri greiningar sérfræðinganna.

[Jakob Falur Kristinsson, 27.9.2007 kl. 00:03]

Hún er örugglega mun betri en hér á landi a.m.k. kunna þeir önnur ráð en bara að hækka vexti.  Davíð hefur verið óspar á að gagnrýna hinar svokölluðu Mótvægisaðgerðir, núverandi ríkisstjórnar og ég veit ekki betur en í þeirri stjórn sitji fyrrum félagar og samstarfsmenn Davíðs.  Alla veganna tel ég að Geir H. Haarde, Árni Matthíssen og Einar K. Guðfinnsson hafi áður verið samstarfsmenn Davíðs Oddssonar.  Því miður hlustaði ég ekki mikið á útvarp í dag en mér skilst að Davíð hafi farið nánast hamförum á einni útvarpsstöðinni og talið að sumt af því sem þessir ráðherrar eru að vinna að í dag væri tómt rugl og vitleysa og nefndi sérstaklega Vestfirði í því sambandi en einn þessara manna er nú ættaður þaðan og á þar sitt lögheimili.

Ástæða þess að yfirleitt er rætt um Seðlabankann og Davíð sem einn og sama hlutinn er sú að Davíð Oddsson er aðalbankastjóri Seðlabankans og kemur fram fyrir hans hönd og kann oft ekki að skilja á milli sinna eigin skoðana og þess sem honum er falið að koma á framfæri fyrir hönd bankans.  Hann hefur margoft fallið í þá gryfju er hann kemur fram f.h. bankans og er þá að túlka það sem sérfræðingar bankans hafa lagt upp í hendurnar á honum, þá á hann það til að koma með einhverja athugasemd frá eigin brjósti og ég skal segja þér Hr. E IP-tala eitthvað, að ástæðan hjá Davíð er ósköp einföld, en hún er sú að maðurinn er fífl.