L.Í.Ú.

 

 

 

 

 

 

 

Ég hef áður skrifað um hvernig lýðræðið virkar hjá LÍÚ og á myndinni má sjá viðbrögðin þegar stjórn LÍÚ bar upp þær tillögur sem skyldi samþykkja á síðasta aðalfundi.  Að vísu komu tvær tillögur frá félagsmanni Guðmundi Smára Guðmundssyni frá Grundarfirði.  Önnur var um að draga verulega úr loðnuveiðum og hin um að banna veiðar á síld og loðnu á grunnslóð með flotvörpu.  Þær voru báðar að sjálfsögðu felldar, enda ekki ættaðar frá stjórn og ekki hlotið blessun hennar.  En stjórnin kom með eftirfarandi tillögur:

1.  3ja og 4ja mílna línur verði endurskoðaðar.

2.  Skoðað verði að opna hólf til að auðvelda ýsu- karfa- og ufsaveiðar.

3.  Tilflutningur aflaheimilda verði stöðvaðar.

4.  Línuívilnun og byggðakvóti leggist af.

5.  Slægingarstuðull verði leiðréttur.

6.  Veiðigjald af öllum tegundum verði fellt niður.

7.  Björgunarþyrla verði staðsett út á landi.

8.  Hvalveiðiveiðum verði haldið áfram.

9.  Sömu kröfur verði gerðar til allra útgerða, hvað varðar kjara- og fiskverðsákvarðanir og öryggis- og réttindamál.

10. Jafnræðis gildir við framsal aflaheimilda.

Viðbrögðin við þessum tillögum má sjá á myndinni.  Ekki er í einni einustu tillögu nefnt ástand fiskistofna eða nauðsyn þess að auka þurfi starf Hafrannsóknarstofnunar eða rannsóknir yfir höfuð.  Tillögur 1. og 2. eru eingöngu til að leyfa fleiri og stærri togskipum nær landi en 12 mílur, og tillögur nr. 3.4. og 5. er eingöngu beint gegn smábátaflotanum og sama má líka segja um tillögur nr. 9. og 10.  En í dag er ekki leyft að flytja aflamark úr smábátakerfinu yfir í það stóra og er þetta gert til að stórútgerðin í landinu geti nú ekki líka gleypt allan smábátaflotann líka.  Þetta eru kölluð hagsmunasamtök en hverra hagsmuna eru þau að gæta?