Tollfríðindi ferðamanna

Reglur um tollfríðindi ferðamanna eru nokkuð mismunandi eftir löndum. Eins og sagt var frá í 24 stundum í gær mega ferðamenn ekki koma með vörur fyrir meira en 46 þúsund krónur til Íslands án þess að greiða aðflutningsgjöld. Í Noregi er hámarkið sex þúsund norskar krónur eða um 65 þúsund íslenskar.

Björgvin G. Sigurðsson var spurður um þetta atriði í Sjónvarpinu í gær.  Hann sagði að þessar upphæði sem nú væri miðað við hér á landi væru fáránlega lágar og því yrði að breyta.  Þegar hann var spurður um þetta frekar var svarið að þetta væri eitt af þeim atriðum sem þyrfti að endurskoða og væri í stjórnarsáttmála ríkistjórnarinnar og yrði gert samhliða miklum breytingum sem til stæði að gera á hinum ýmsu vörugjöldum og tollum.  Þá var hann spurður hvort ekki væri hægt að breyta bara þessu tiltekna máli svaraði hann brosandi að það væri lítið mál og í raun ósköp einfalt.  Síðan tók hann sig til og fór að ræða um evru og hvað allir væru góðir í ríkisstjórninni og bla,bla.  Aldrei svaraði ráðherra þeirri einföldu spurningu af hverju er ekki hægt að breyta strax tollfríðindum ferðamanna, sem ráðherrann var nýbúinn að segja að væri óskaplega einfalt.  Eftir hverju er verið að bíða?  Eða er kannski ekkert að marka hvað ráðherrann var að segja?

Ólíkar reglur um tollfríðindi