Jakob F. Kristinsson Gilsbakka 2-4 465 Bíldudal , Sími: 456-2107 XS

9.11.2007 | 10:18

Tannlæknar

Tannlæknafélag Íslands segir í ályktun, að það sætti sig ekki við að opinber stofnun, Tryggingastofnun ríkisins, sem jafnframt er samningsaðili félagsins taki einhliða að sér „verðlagseftirlit“ með almennri samkeppni gjaldskrá tannlækna. Tryggingastofnunin komi auk þess aðeins að styrkveitingu 20% tannlæknareikninga.

Hefur Tryggingastofnun ekki nóg með sjálfa sig og sína eigin gjaldskrá vegna tannlækninga sem er ekki í neinu samræmi við raunveruleikann. Ég sem öryrki á að fá endurgreitt 75% af kostnaði við tannlækningar samkvæmt lögum um þessa stofnun. En ef ég fer með reikning frá tannlæknir til TR og ætla að fá mín 75% endurgreidd, kemur í ljós að ekki eru endurgreidd 75% af reikningnum heldur er endurgreiðslan 75% af svokallaðri gjaldskrá TR sem hefur verið óbreytt í fjölda ára, svo raunveruleg endurgreiðsla er ekki meiri en 20% til 30% af raunverulegum kostnaði.

	Tannlæknar sætta sig ekki við verðlagseftirlit TR
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005. En er nú aftur fluttur á Bíldudal. Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir. Mats á að sjálfsögðu hönundaréttin að öllum sínum myndum. Vilja menn sjá fleiri myndir þá vísast á www.mats.is Ég var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna. Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir. Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir. Einnig er undir liðnum spaugilegt smá grín ofl.

Ég leyfi öllum að skrifa athugasemdir við mín skrif. En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila. Einnig mun ég henda út nafnlausum athugasemdum. Því ég einn ber ábyrgð á því sem skrifað er á mína síðu.

jakobkr@internet.is

GSM: 823-2954