Suðurnes

Steinþór Jónsson, formaður Sambands sveitarfélaga á Suðurnesjum kom víða við í skýrslu sinni í morgun á aðalfundi sambandsins. Þar bar hæst brotthvarf varnarliðsins frá Keflavíkurflugvelli og sú uppbygging sem þar er komin í gang. Hann ræddi menntamálin á svæðinu og það samstarf sem þar er í gangi en hafði fá orð um hitaveitumálið þar sem það kom ekki inn á borð stjórnar SSS. Hann sagðist hins vegar telja að ný stjórn þurfi að endurskoða samstarfið frá grunni og jafnvel hætta því í núverandi mynd meðal annars í kjölfar frekari sameiningu sveitarfélaganna.

Það skynsamlegasta sem gert væri hér á svæðinu er að sameina öll sveitarfélög á Suðurnesjum og þá þar ekkert sérstakt samband um þeirra hagsmunamál (SSS).  Fyrst það getur gengið upp að sameina sveitarfélög víða úti á landi t.d. á Austfjörðum og Vestfjörðum, þar sem samgöngur eru oft erfiðar á milli byggðakjarnanna, ætti það að vera auðvelt hér á Suðurnesjum þar sem aðeins örfáir kílómetrar skilja sveitarfélögin að. 

Samstarf sveitarfélaganna á Suðurnesjum í uppnámi?

Athugasemdir

[Johnn 10.11.2007 kl. 16:50]

Af hverju er það svona mikilvægt? Hafa ekki sveitarfélög eins og Kópavogur, Garðabær og Hafnarfjörður staðið sig mjög vel án þess að sameinast? Minnir að Kópavogur hafi verið næstum jafn fjölmennur og Keflavík og Njarðvik þegar þessi sveitarfélög voru sameinuð, núna búa 26 þús. manns í Kópavogi, 13 í Reykjanesbæ. Árangurinn í Kopavogi er alveg til fyrirmyndar.

Mér finnst nú árangurinn á Vestfjörðum þrátt fyrir allar sameiningarnar þar ekki hafa verið mikill. Það er allt að koðna niður og deyja á þessum stöðum þar sem hefur verið sameinað. Getur ekki verið að sameiningar sveitarfélaga hafi minnst um árangur sveitarfélaganna að gera? Manni virðist sveitarfélög geta náð fínum árangri án þess að fara gegnum svoleiðis ferli.

Finnst stundum eins og þær framkvæmdir sem er verið að fara út í hjá Reykjanesbæ séu fjármagnaðar með peningum sem var búið að safna upp gegnum undanfarna áratugi. Verið að selja fasteignir og aðrar eignir s.s. Hitaveituna.

[Jakob Falur Kristinsson, 11.11.2007 kl. 15:06]

Það eru fleiri en John, Andri sem ættu að kynna sér málin aðeins betur.  Það er ekkert í samþykktum Hitaveitu Suðurnesja sem segir til um það að þ.ótt einhver sveitarfélög selji sinn hlut þá þurfi hin að selja líka.  Reykjanesbær seldi hluta af sinni eign í HS vegna samkomulags sem gert var við Geysir Green Energy þegar það félag keypti hlut ríkisins og verði af sameiningu Geysis Green og REI mun REI eiga meirihluta í HS.  Um þetta er búið að semja og verður ekki breytt úr þessu.  Það er alveg rétta fasteignir Reykjanesbæjar eru orðnar í sérstöku eignarhaldsfélagi og þótt Reykjanesbær eigi þar vissulega hlut, þá er meirihlutinn í eigu einkaaðila.