Mótmæli

Málefni Hitaveitu Suðurnesja urðu strax í brennidepli á þrítugasta aðalfundi Sambands sveitarfélaga á Suðurnesjum sem haldinn var í hátíðar sal Keilis á Keflavíkurflugvelli. Hannes Friðriksson íbúi í Reykjanesbæ afhenti Steinþóri Jónssyni, stjórnarformanni SSS, undarskriftalista með undirskriftum tæplega 5200 kjósenda á Suðurnesjum sem mótmæla því að Hitaveita Suðurnesja komist í hendur á einkaaðilum.

Er þetta ekki full seint á ferðinni því nú þegar eiga einkaaðilar stóran hlut í Hitaveitu Suðurnesja.  Ég veit ekki betur en að sá aðili sem stóð fyrir þessari undirskriftasöfnun sé flokksbundinn sjálfstæðismaður og harður stuðningsmaður við meirihluta sjálfstæðismanna í Reykjanesbæ.  Fólk verður að átta sig á því að þegar það kýs flokk til valda sem hefur það á sinni stefnuskrá að upphefja einkaframtakið þá þýðir lítið að væla þegar stefnunni er framfylgt.  Í Reykjanesbæ er talsvert skrýtið ástand, því bærinn á litlar sem engar fasteignir.  Skólar, íþróttamannvirki og flestar þær eignir sem eru nauðsynlegar í hverju bæjarfélagi eru í eigu ákveðins fasteignafélags sem bærinn á að vísu hlut í með einkaaðilum og leigir síðan aftur til að getað notað þessi mannvirki og skil ég ekki að miðað við þá stöðu að það breyti nokkru þótt einkaaðilar eignist í Hitaveitunni líka, eins og þeir hafa reyndar þegar gert.  Mótmæli 5.200 íbúa skipta þar engu máli, þessu verður ekki breytt meðan fólkið kýs stöðugt yfir sig stjórn sjálfstæðismanna og næsta tækifærið verður ekki fyrr en árið 2010, en ætli þessir 5.200 íbúar verði þá ekki búnir að gleyma þessu og merki einu sinni enn við X-D.

Meirihluti kjósenda á Suðurnesjum skrifaði undir mótmælaskjal