Alcan

Geir H. Haarde, forsætisráðherra, sagði á Alþingi í dag, að honum væri tjáð að Alcan í Straumsvík stæði til boða, að að kaupa nokkuð magn af raforku til að gera skipulagsbreytingar á sinni starfsemi. Geir sagði hins vegar ljóst, að ákvörðun Landsvirkjunar frá því á föstudag þýddi að ekki verði reist nýtt álver í Þorlákshöfn eða annarstaðar á suðvesturhorninu.

Hverskonar bull er þetta?  Veit Geir H. Haarde ekki að Alcan er álverksmiðja sem framleiðir og flytur úr ál.  Þeim var bannað að stækka verksmiðju sína í Straumsvík og hafa verið að skoða að byggja nýja verksmiðju og nú er það bannað líka.  Hvaða skipulagsbreytingar getur Alcan gert á sinni starfsemi?  Þeir hafa enga kosti í stöðunni í dag.  Þótt Geir segi að þeir geti breytt verksmiðjunni og aukið afköst er komin neitun frá Hafnarfjarðarbæ.  Álverksmiðja er sérhannað fyrirtæki til að framleiða ál og henni verður ekki breytt fyrir aðra starfsemi svo vit verði í.  Eða á að felast í þessu stoppi á byggingu álvera einhverjar undanþágur og hægt verði að byggja nýtt álver hjá Alcan ef það eru kallaðar skipulagsbreytingar?  Eða er Geir að segja þeim hjá Alcan að loka bara verksmiðjunni og koma sér úr landi?.  Telst það kannski ekki með sem nýtt álver ef Alcan færir sig frá Hafnarfirði á Keilisnes?.  Ég held að Geir verði að útskýra þetta aðeins betur svo venjulegt fólk skilji hvað hann á við.  Ríkisstjórnin hefur haldið því fram að hún ætli sér ekki að vera að skipta sér af hvar álver verði reist og hvar ekki það réðist eingöngu af samkomulagi hvers fyrirtækis um kaup á orku og skipulagsyfirvöld á hverjum stað.  Miðað við það þá er alveg ljóst að nýtt álver mun verða reist í Helguvík því þar er öllum undirbúningi lokið og orka tryggð frá Hitaveitu Suðurnesja og Orkuveitu Reykjavíkur og allir samningar í höfn.  Þannig að þrátt fyrir eitthvað blaður hjá Geir H. Haarde á Alþingi mun það ekki stoppa þá framkvæmd, þótt Helguvík sé á suðvesturhorni landsins.

Alcan stendur til boða raforka til að gera skipulagsbreytingar

Athugasemdir

[Tryggvi L. Skjaldarson, 12.11.2007 kl. 16:42]

Kosningin í Hafnarfirði snérist um skipulag og hvort Alcan mætti bæta við starfsemi á u.þ.b 50 hektara spildu sem fyrirtækið keypti af Hafnarfjarðarbæ fyrir nokkrum árum.  Því var hafnað.  Aftur á móti getur Alcan bætt við starfssemina á núverandi athafnasvæði og nýtt til þess rafmagn sem fyrirtækinu stendur til boða hjá Orkuveitu Reykjavíkur.

Stefnubreyting landsvirkjunnar gengur út á nýta ekki orkulindir sem renna framhjá nefinu á okkur ónýttar,  því netþjónabú þurfa lítið rafmagn og það sama á við kísilflöguverksmiðjur.  

[Jakob Falur Kristinsson, 12.11.2007 kl. 23:51]

Af hverju var Alcan þá að hugsa um að reisa nýtt álver ef hægt er að auka starfsemina á núverandi stað.  Ég get ekki séð hvernig þetta dæmi gengur upp.