Boeing

Bandarískir ráðamenn þrýsta á flugvélaframleiðandann Boeing um að stunda ekki viðskipti við Icelandair Group vegna Kúbuferða íslenska fyrirtækisins. Stjórnvöldum vestanhafs er illa við að Boeing vélar séu notaðar til að fljúga til og frá Kúbu, þar sem að Bandaríkjamenn hafa haldið uppi viðskiptabanni við Kúbu í áratugi.

Hvern andskotann kemur Bandaríkjamönnum við hvort okkar flugvélar fljúga.  Þótt þeir séu með viðskiptabann á Kúpu er það ansi mikill yfirgangur að heimta að önnur lönd sniðgangi þetta land.  Ég reikna fastlega með því að Icelandair Group hafi greitt fyrir þessar flugvélar sínar og eigi þar með að ráða hvert þær fljúga.  Ef þeir komast upp með þetta þá þýðir það einfaldlega að flest flugfélög hætta að skipta við Booeing-verksmiðjurnar.  Hvað verður næst?  Verður kannski bannað að selja ameríska bíla til þeirra sem einhvern tíman hafa farið til Kúbu?  Við eru sjálfstæð þjóð og eigum ekki að hlusta á þetta kjaftæði.

Finna að Kúbu-flugi íslenskra flugfélaga

Athugasemdir

[Predikarinn - Cacoethes scribendi , 19.11.2007 kl. 10:38]

Flugvélar hafa íslensku fyrirtækin keypt á kaupleigu sem kallað er. Þannig eru þær ennþá ekki komnar í eigu félagsins. Annað hvort er þá eitthvert kaupleigufyrirtæki í bandaríkjum Ameríku, eða Boeing sjálft, sem er í raun formlegur eigandi vélanna. Þar með er Boeing óheimilt að eiga viðskipti við Kúbu í gegn um þessar vélar, að viðlögðum refsingum, þó svo að um visst eignarhald íslenska félagsins sé að ræða á vélunum.

[Ásthildur Cesil Þórðardóttir, 19.11.2007 kl. 10:59]

Sammála þér Jakob Óþolandi afskiptasemi af fyrirtækjum hér á landi.

[María Anna P Kristjánsdóttir, 19.11.2007 kl. 11:08]

Þetta sýnir okkur hvað þetta samfélag vestanhafs er brenglað,þeim kemur þetta einfaldlega ekki við.

Þetta er svipað og sá sem selur okkur bíl,vil ákveða hverjum við bjóðum í bíltúr.

[Guðrún Jóhannesdóttir, 19.11.2007 kl. 11:46]

bandaríkjamenn vilja nú helst af öllu stjórna heiminum, ekki satt?

[Jón Þór Ólafsson, 19.11.2007 kl. 12:58]

Það er kominn tími til að stjórnvöld í Washington sætti sig við að þau glötuðu yfirráðum sínum á Kúbu og að þau hætta að refsa Kúbversku þjóðinni fyrir að sitja upp með sjálfskipaðan einræðisherra.

[Soffía Sigurðardóttir, 19.11.2007 kl. 13:01]

Boeing verksmiðjurnar eru gríðarlega stór hergagnaframleiðandi í Bandaríkjunum. Þar á bæ taka menn sko ekki eitthvert íslenskt grúpp framyfir sína mjólkurkú.

Legg til að Íslendingar banni alla þjónustu við þá sem flogi hafa til Guantanamo.

[Jakob Falur Kristinsson, 19.11.2007 kl. 14:04]

Predikarinn: Þú segir að flugvélar Icelanair Group vera keyptar á kaupleigu og vera þar með í eigu fyrirtækja í Bandaríkjunum og geti því ekki stundað viðskipti við Kúpu.  Nú veit ég ekki hvernig fjármögnun á þessum vélum er hátta.  En þótt þær hafi verið keyptar á kaupleigu eru þær skráðar hér á landi sem íslenskar flugvélar og ég veit ekki betur en ef þú skoðar ársreikning Icelanair Group þá er þessar vélar bókfærðar sem eign og afskrifaðar í samræmi við það.  Það er löngu liðin tíð að kaupleigur skrái þær eignir sem keyptar eru með þeim hætti sem sína eign, þetta var gert á fyrstu starfsárum hinna íslensku kaupleigufyrirtækja en með breyttum skattalögum og heimilda til afskrifta eru í dag allar eignir sem keyptar eru á kaupleigu skráðar sem eign kaupandans og kaupleigusamningurinn færð í bókhaldi sem skuld við kaupleigufyrirtækið.  Og þegar flugvél er skráð hér á landi er hún skráð sem eign viðkomandi flugfélags.  Hvernig heldur þú að ástandið væri hér á landi þar sem viðskiptahallinn er um sjö þúsund milljarðar ef allir þeir aðilar sem eiga í raun þá upphæð gerðu kröfu um að allar eignir sem þessir fjármunir hafa farið í, teldust eign þeirra.  Ég vil líka benda á að flest bílaumboðin selja nýja bíla á kaupleigu og alltaf eru þeir skráðir sem eign kaupandans.

Ykkur hinum sem hafa skrifað athugasendir er ég sammála.