Kvótakerfið

Samtök eigenda sjávarjarða vekja athygli á því í tilkynningu að úrskurður mannréttindanefndar Sameinuðu þjóðanna í máli tveggja íslenskra sjómanna gegn ríkinu sé alvarlegur áfellisdómur yfir íslenska kvótakerfinu í sjávarútvegi.

Það eru því ekki bara íslenskir sjómenn sem hefur verið brotið á samkvæmt þessum úrskurði  um íslenska kvótakerfið.  Nú hafa íslenski bændur sem eiga sjávarjarðir bætts í hópinn.  Samt ætlar íslenska ríkið ekkert að gera og á því yfir höfði sér málsókn frá fjölda aðila og verða sennilega dæmd til að greiða fjölda aðila bætur.  Á ég virkilega að trúa því að ríkisstjórnin sem nú situr kjósi heldur að eyða nokkur hundruð milljónum eða milljörðum til greiðslu bóta til að ekki þurfi að endurskoða íslenska kvótakerfið.  Á að fara að bruðla með skattfé borgaranna á þann hátt bara til þess eins að friða kvótabraskarana í LÍÚ.  Það er ekki langt síðan að LÍÚ var að barma sér yfir því að þegar íslensk skip væru að leigja þorskkvóta í rússnesku lögsögunni og töldu að leiguverð væri alltof hátt en það var 70 krónur fyrir kílóið og fannst þeim sanngjarnt að sjómenn á skipunum tækju þátt í að greiða þessa leigu.  Þessi sömu samtök reka líka kvótamiðlun og þar eru þeir að bjóða hvert þorskkíló til leigu á kr. 250-260 krónur og finnst það ósköp eðlilegt einnig finnst þeim líka eðlilegt að bannað sé að íslenskir sjómenn taki þátt í að greiða þessar 250-260 krónur.  Nú koma forustumenn LÍÚ og fullyrða að þetta álit einnar nefndar Sameinuðu Þjóðanna gildi ekki hér á landi.  Hvernig er hægt að taka mark á málflutningi þessara manna sem tala út og suður í hverju máli og skipta um skoðun eftir því hvernig vindurinn blæs á hverjum tíma.  Það hefur einnig gleymst í allri þessari umræðu að mál þessara tveggja sjómanna sem nefndin fjallaði um var ekki eina málið sem kom inn á hennar borð.  Það var líka svokallað "Vatneyrarmál"sem skipstjórinn á því skipi lét fara fyrir nefndina en því var vísað frá á þeim forsendum að skipstjórinn hefði ekki verið eigandi skipsins né komið á nokkur hátt að stjórn útgerðar þess.  Þessa niðurstöðu taldi LÍÚ alveg rétta, sem hún reyndar var.  En þegar kemur álit frá sömu nefnd varðandi tvo sjómenn og íslenska kvótakerfið, þá telur að ekkert mark sé takandi á þessi nefnd.  Framkvæmdastjóri LÍÚ Friðrik J. Arngrímsson röflar mikið um að ef þetta álit verði tekið gild sé ekki lengur hægt að stunda hér arðbærar fiskveiðar.  En málið snýst ekkert um það, heldur var verið að fjalla um mannréttindi en ekki hagnað af fiskveiðum.  Frjálslyndi flokkurinn hefur sett fram mjög athyglisverða tillögu um hvernig breyta megi kerfinu án þess að allt fari á hliðina.  En tillaga flokksins er sú að stofnaður verði 50 þúsund tonna pottur af þorsveiðiheimildum sem verði ætlaður nýliðum í greininni og að þremur árum liðnum fái þeir sem hafa veitt úr þessum sameiginlega potti úthlutað aflakvóta miðað við veiðireynslu.  Auk þess verði handfæra veiðar frjálsar frá 1. apríl til 30. september og þær takmarkanir einar að aðeins mætti vera með tvær handfærarúllur fyrir hver mann í áhöfn.  Með þessu væri hægt að lagfæra það sem S.Þ. telur vera ábótavant í okkar kvótakerfi.  Þeir sem eru starfandi fyrir í greininni héldu sínu og gætu áfram stundað sínar arðbæru fiskveiðar.  Það er stórhættulegt í hverri atvinnu grein ef engin nýliðun verður í greininni.  Ég minnist þess ekki að fyrir daga kvótakerfisins hafi verið slegist um hvern bát sem var til sölu, af því að alla langaði svo mikið til að fara í útgerð.  Það var ekki fyrr en með hinu frjálsa framsali að markaður opnaðist fyrir kvótabraskið að þessi mikli áhugi kom til og þá ekki vegna áhuga á útgerð sem slíkri,heldur að kótabraskið gaf svo ótrúlegan hagnað að betri fjárfestingarkostir voru ekki til.  Eitt kg. af þorski sem nú er hægt að kaupa á rúmar fjögur þúsund krónur, gefur af sér kr. 250-260 í kvótaleigu eða um 60% ávöxtun svo það þarf ekki LÍÚ til að segja frá að mikil arðsemi sé í þessu kerfi, það sjá allir sem vilja skoða það mál.  Nú er bara stóra spurningin: "Hvað ætlar Ríkisstjórn Íslands að gera varðandi þetta álit frá S.Þ.?"

Segja úrskurð SÞ alvarlegan áfellisdóm yfir kvótakerfinu

Athugasemdir

[Guðmundur 17.1.2008 kl. 12:46]

Já það verður fróðlegt að sjá hvað þeir sjóða úr þessu.Ég vr sjálfur í útgerð í 4 ár og gekk það ágætlega meðan verð á leigukvóta var ekki alveg upp í skýjunum.

Skildi maður eiga rétt á einhverjum bótum út á þessi tonn sem maður veiddi í hagnað fyrir þann sem nennti ekki eða ,aka, vildi ekki sækja þau sjálfur því hann fékk meira fyrir kg frá mér en ég sjálfur hafði.Ísland er orðið banana lýðveldi í lagaflækjum og ef maður talar við fólk erlendis og segir því hvernig kvótakerfið er hér, framsalið og leigan þá verður fólk kjaftstopp er með allt aðra mynd af þessu í hausnum því að þetta kerfi er auglýst sem svo grænt og vænt í útlandinu.

Aldrey talað um að hér á arum áður voru allra þjóða togarar að veiða upp í landsteinum og þá fiskaðist vél og Íslendingar með meira en 500 þús tonn í bolfiski,en síðan þessi kvóti kom þá hefur allt farið aftur og niður á við í stofnstærðum.

Skeði nákvæmlega það sama á Nýfundalandi þeir friðuðu svo mikið að allt hvarf át allt undan sér þetta er regla sem sannast,alltaf of margir einstaklingar með of lítið æti þeir ét sjálfan sig og deyja svo út.

Þessir hafró kallar geta ekki mælt murtustofn í Þingvallavatni hvernig ætla þeir þá að mæla stórt svæði í þús ferkílómetra í Norður Atlandshafi og svo halda þeir að fiskurinn gangi á uggunum geti ekki synt yfir djúpa atlants ála ha ha ha.

Veit að fiskur merktur við ísland veiddist út af massachuttes í USA og nokkur merki hafa víst fundist í barentshafinu má bara aldrey tala um hlutina gætum styggt hina miklu háskólamenttuðu fræðinga hafró

Bara mín skoðun og skál fyrir því

[Jakob Falur Kristinsson, 18.1.2008 kl. 11:23]

Þetta er rétt hjá þér Guðmundur, allstaðar þar sem fiskifræðingar hafa fengið að ráða hafa fiskisstofnarnir farið niður eða jafnvel þurrkast út.  Norðursjórinn er mjög gott dæmi um þetta, þar hafa fiskifræðingar lagt til ár eftir ár að engar þorsveiðar væru þar stundaðar, en ekkert hefur verið farið eftir því heldur haldið áfram að veiða, ekki bara útgefna aflakvóta heldur líka ólöglegar veiðar í stórum stíl.  samkvæmt öllum fræðunum ætti nú ekki að vera einn einasti þorskur á lífi í Norðursjó, en hvað skeður allt í einu núna þegar fiskifræðingar fara að skoða ástandið.  Þorskstofninn er allur að braggast og í fyrsta skipti í mörg ár ráðleggja fiskifræðingar nú veiði á þorski í Norðursjó.  Hér við land fullyrða fiskifræðingar að 10-15 ára gamall fiskur sé í dag ekki nema um 7-8 kg. af þyngd vegna fæðuskorts en það er einmitt stóri fiskurinn sem er bestur til hrygningar og nýliðunar.  En hvað er að ske nú bæði við Grímsey og við Vestfirði þar eru menn að veiða nánast í hvaða veiðarfæri sem er þorsk sem vigtar 15-20 kíló.  Ef við ætlum að trúa kenningum fiskifræðinga þá ætti þessi fiskur ekki að vera til en fyrst hann er það þá ætti hann að vera orðinn yfir 100 ára gamall, sem reyndar enginn þorskur verður.  Sama sagan er að ske í Barentshafi þar hafa veiðar alltaf verið meiri en ráðlagt hefur verið en samt stækkar og stækkar sá stofn ár frá ári og er nú talinn sterkasti þorskstofn í heiminum.  En hafa verður í huga að loðnuveiðar hafa verið bannaðar í Barentshafi í mörg ár, svo fiskurinn hefur haft nægt æti.  Meira að segja rækjustofninn í Barentshafi stækkar stöðugt.  En við íslendingar minnkum og minnkum þorskveiðar og aukum loðnuveiðar alveg öfugt við það sem gert er í Barentshafi.  Þetta er komið út í tómt rugl hjá okkur og endar sennilega með því að við klárum að útrýma þorskstofninum og þá ekki með veiði heldur drepum við hann úr hungri.