Kjörmenn

Þótt Hillary Clinton hafi fengið fleiri atkvæði en Barack Obama í forkosningum Demókrataflokksins í Nevada í gær kann Obama að hafa fengið fleiri kjörmenn í ríkinu og hver kjörmaður getur skipt máli þegar flokkurinn velur forsetaefni sitt á flokksþingi síðar á árinu.

Alltaf verður maður meira og meira undrandi á þessu kosningakerfi í USA, nú dugar víst ekki að fá fleiri atkvæði heldu fleiri kjörmenn sem munu seinna á flokksþingi mæta og velja þar forsetaframbjóðenda.  Ég hélt að Bandaríkin væru lýðræðisríki en eins og flestir vita þá er ein af undirstöðum undir lýðræðinu sá að meirihlutinn ræður þ.e. meirihluti atkvæða, en í USA getur einhver orðið forseti kjörinn á löglegan hátt þótt hann hafi ekki meirihluta atkvæða á bak við sig.  Þannig komst t.d. George W. Bush til valda.  Svo er þetta ríki að taka að sér að fylgjast með kosningum út um allan heim til að tryggja að kosið sé eftir lýðræðislegum reglum.  En þeir geta ekki einu sinni tryggt lýðræði í eigin landi.  Ég held að þeir verði að fara að breyta þessu hjá sér ef telja á, að USA sé lýðræðisríki.

Obama með fleiri kjörmenn?

Athugasemdir

[Markús frá Djúpalæk, 20.1.2008 kl. 12:07]

Meginástæðan fyrir þessu er sú að kosningarnar eru óbeinar. Heildarmagn atkvæða ræður ekki úrslitum eins og við eigum að venjast, heldur kjósa ríkin hvert um sig kjörmenn sem koma síðan saman og velja forsetann. Þar við bætist að kjörmönnum hvers ríkis er ekki úthlutað í hlutfalli við atkvæðatölur í ríkinu heldur fær sá frambjóðandi sem hlýtur flest atkvæði í ríkinu alla kjörmenn þess.

[Loki 20.1.2008 kl. 12:25]

Benntu mér á eitt ríki þar sem þetta er fullkomið.

Ég man nu ekki betur en að á Íslandi voru miklu færri atkvæði á bakvið þingmenn úti á landi en í Reykjavík. Þeir hafa eitthvað verið að reyna að klóra í bakkann þar en er jafnvægi atkvæða algjört á Íslandi?

Hvernig er það í Bretlandi þar sem einmenningkjördæmin eru helduðu að það se ekki álika eins og þetta sem er í USA

Nevada er nokkur kjördæmi svo það kemur ut eins og á Íslandi semsagt vðgi atkvæða er ekki það sama og í forsetakosningum þá ma kerfið svoleiðis að sá sem vinnur í hverju fylki fær alla kjörmenn þess fylkis alveg eins og í einmenniskjördæmunum í Bretlandi.

[Jakob Falur Kristinsson, 20.1.2008 kl. 14:37]

Það má vel vera að hægt sé að tengja þetta kosningakerfi við lýðræði en mér finnst þetta samt ver óskaplegt rugl og illskiljanlegt.  Hvað varðar Ísland þá er nú búið að stækka kjördæmin mjög mikið og fjöldi þingmanna í hverju kjördæmi breytist við hverjar kosningar eftir breytingum á íbúafjölda.  En auðvitað verður jafnvægi aldrei náð nema með því að gera landið að einu kjördæmi eins og er t.d. í Færeyjum og ég tel að við ættum að gera slíkt hið sama.  En af því að Reykjavík var nefnt sem dæmi um mismun á atkvæðamagni, þá vil ég nú benda á að í USA hafa íbúar höfuðborgarinnar Washington ekki kosningarétt og engan þingmann og er það nú eitt ruglið við allt hitt.