Ja hérna

                           Hafrannsóknarskipin Bjarni Sæmundsson og Árni Friðriksson liggja enn við bryggju í Reykjavík en samkvæmt upplýsingum Hafrannsóknarstofnunarinnar er verið að gera skipin klár til loðnuleitar. Árni Friðriksson mun fara til loðnuleitar með suðuströndinni á sunnudag og Bjarni Sæmundsson mun fara vestur á þriðjudag. Mun hann fyrst fara í loðnuleit úti fyrir Vestjörðum en þaðan í togararall á Norðurmiðunum.

Hvað er eiginlega að ske, ráðherra búinn að stoppa loðnuveiðar þar til meira finnst af loðnu og bæði leitarskipin liggja í höfn.  Hver ber ábyrgð á svona andskotans vitleysu?  Hvað þarf að gera klárt svo skipin geti farið úr höfn?  Ég hélt að um borð í þessum skipum væru öll tæki og tól til að leita að loðnu.  Það er hneyksli og til stór skammar að á meðan þorskkvótinn er skorinn niður um 60 þúsund tonn og loðnuveiðar bannaðar, þá eru þessi skip alltaf í höfn.  Til hvers var verið að kaupa þessi skip eða annað þeirra því hitt var gefið til Hafró af útgerðarmönnum.  Ég veit ekki betur en að höfnin í Reykjavík sé nær full af skipum sem ekkert verkefni hafa svo ekki þarf að nota hafrannsóknarskipin til þess að liggja við bryggju þar.  Ef þetta er dæmi um vinnubrögð hjá Hafró, þá er nú lítið markandi á þeim að taka.  Ef skipin fara ekki strax á sjó þá á ekki að hlusta á eitt einasta orð frá Hafró og öll skip ættu að fara og veiða eins og þau vildu hvort það væri loðna eða þorskur.  En eitt pössuðu þeir sig á þessir vitleysingar sem þarna stjórna að bíða með að láta stoppa loðnuveiðarnar þar til Norðmenn voru búnir að veiða sinn skammt af loðnu.  Nú stendur til að varðveita gamla varðskipið Óðinn og finna honum viðlegupláss við Kaffivagninn á Granda.  Væri ekki bara hentugra að skipta og setja Árna Friðriksson RE-200 í staðinn og Óðinn í hafrannsóknir.  Árni Friðriksson er hvort sem er alltaf í höfn og lítið notaður.

Hafrannsóknarskipin enn í höfn

Athugasemdir

[Rósa Aðalsteinsdóttir, 22.2.2008 kl. 12:29]

Sæll Jakob. Langt síðan ég hef skrifað inná síðuna hjá þér. Sennilega á að bíða með að leita af loðnunni þangað til hún er að því komin að hrygna. Ég held að þetta lið þurfi að fara í greindarpróf.

Kær kveðja frá Vopnafirði

[Jakob Falur Kristinsson, 22.2.2008 kl. 13:37]

Ætli þei bíði bara ekki þangað til hún er búin að hrygna og dauð á botninum.  Þá finnst auðvitað ekkert oh Hafró getur sagt með stolti að þetta hefðu þeir vitað allan tímann að engin loðna væri til.