Laxveiði

Dynur þyrluvængja truflaði óvænt öræfakyrrðina í Þórsmörk í síðustu viku. Tvær þyrlur lentu þá með skömmu millibili nálægt tjaldstæðinu við Bása og eins renndu þar að tveir stórir jeppar hlaðnir veisluföngum. Var annar þeirra merktur veiðiþjónustunni Lax-á.

Þetta eru sko karlar sem kunna að fara í lax og ekki blankir.  Þyrla + 2 stórir jeppar með veisluföng.  Ég væri ekki til í svona ferð.  Þótt það verði örugglega mjög skemmtilegt hjá þessum mönnum, Ég öfunda þá ekki. 

Ég er í bindindi svo ég yrði að afþakka svona ferð þótt mér yrði boðið í fyrsta lagi hef ég engan áhuga á laxveiðum og sérstaklega núna þegar fiskunum er sleppt aftur.  Til hvers er verið að veiða fisk og sleppa síðan aftur.  Hins vegar stundaði ég talsverðar netaveiðar á laxi kringum 1990 og bullandi veiði 40 stk og uppí 100 í lögn.  Það var alvöru veiðar.  En að fara í laxveiði á bara til að drekka sig fulla og skítt með alla veiði, þessu er hvort sem öllu sleppt aftur og ef fólki langar að fá sér lax að borða, þá er nóg til af honum í flestum stórmörkuðum.  Nú er líka talið að lax sem dreginn er á land og síðan sleppt, muni ekki lifa lengi, því hreistrið á laxfiskum er svo viðkvæmt að bara það eitt að draga fiskinn upp á árbakkann er nóg til að hreistrið skemmist það mikið að fiskurinn deyr fljótlega eftir að honum er sleppt.  Sérstaklega mun þetta eiga við um fisk sem er nýgenginn í árnar.  Þetta er villimennska á hæsta stigi og ekki bætir nú úr ef menn eru við þessa iðju sina blindfullir.

Með þyrlum í laxveiði

Athugasemdir

[padre 15.7.2008 kl. 15:36]

Hver veit fyrir víst að laxinn lifi ekki lengi eftir að fluga hefur verið losuð og honum sleppt? Og hvar skyldirðu hafa verið að veiða lax í net? Það finnst nú sumum meiri villimennska en veiðimennska,m fyrir nú utan að það eru lög sem banna það. Svona úr því að þú fórst að nefna þetta. En vitaskuld eiga menn aldrei að taka líf undir áhrifum áfengis.

[Jakob Falur Kristinsson, 15.7.2008 kl. 16:09]

Það er enginn sem veit það engin 100% en ég var að lesa um þetta í einhverju blaði sem ég man nú ekki hvað var, en þetta var viðtal við líffræðing.  Auðvitað lifir fullt af þessum fiskum, en ekki allir það fer eftir því hvernig laxinum er sleppt, t.d. fiskur sem veiddur er á flugu og tekinn upp úr ánni með góðum veiði háfi og haldið þar á meðan flugan er tekin úr og síðan sleppt, ég myndi ætla að sá fiskur hefði alla möguleika til að lifa.  Ég var aftur á móti að meina að þegar fiskur er dreginn upp eftir árbakkanum og síðan sleppt þá tel ég að hreistrið á fiskinum hafi skemmst það mikið að hætta sé á að hann lifi ekki lengi.  Og allra síst ef veiðimennirnir eru blindfullir.  Þar sem ég var að veiða lax í net var vestur í Arnarfirði, þegar ég átti heima á Bíldudal.  Mér var fullkunnugt um að veiðar á laxi væru bannaðar.  En ég gerði þetta samt og allur sá lax sem við veiddum var spriklandi þegar hann var tekinn úr netunum.  Síðan var hann auðvitað drepinn og gert að honum.  Ef þetta telst vera villimennska þá er ég nú hræddur um að margt í okkar veiðum hvort sem í hlut á lax, rjúpa, gæs, hreindýr ofl. sé nú oft talsvert villimannslegt ef grant er skoðað.  Ég er sammála þér í því að vín og veiðar fara aldrei saman.  Hvað heldur þú að hafi verið í þessum 2 jeppabílum sem komu á eftir þyrlunni.  Voru það bara epli og appelsínur?

[Jón Aðalsteinn Jónsson, 15.7.2008 kl. 20:23]

Auðmenn fullir fara á stjá
flá af löxum roðið
Alþjoð hnýpin horfir á
Alsnægtanna hofið