Ár frá HRUNINU

Breska dagblaðið Guardian fjallar ítarlega um stöðu Íslands í tilefni þess að senn er liðið ár frá efnahagshruninu. Rifjuð eru upp orð Davíðs Oddssonar, þáverandi seðlabankastjóra, sem blaðið segir að hafi leitt til þess að sett voru hryðjuverkalög á Ísland.

Þótt komið sé eitt ár frá því að hér hrundi allt, sem hrunið gat, þá hefur ekkert breyttist.  Ríkisstjórn, sem ekkert gerir, vextir í hæstu hæðum, gengisfall og verðbólga.  Það voru boðaðar miklar breytingar í kjölfar hrunsins.  Þrátt fyrir það hefur ekkert verið gert af viti.  Nær allt Sumarþingið fór í umræður um Icesave, sem aftur er komið í hnút.  Nú eigum við ekkert val lengur gagnvart Bretum og Hollendingum annað en tilkynna þeim að Icesave-skuldin, sé skuld einkafyrirtækis, sem komi ríkinu ekkert við og verði ekki greidd af ríkinu.  Þeir verða bara að sætta sig við hlutina eins og þeir eru og getað höfðað mál gegn gamla Landsbankanum.  Að öðru leyti eigum við ekkert vantalað við þessar þjóðir.  Við gerðum þeim því miður gott tilboð og til allra hamingju hafa þeir hafnað því.  Ég segi því eins og skáldið forðum;

EKKI MEIR EKKI MEIR.