Greiðsluverkfall

Greiðsluverkfallsstjórn Hagsmunasamtaka heimilanna segir að úrræði sem félagsmálaráðherra, Árni Páll Árnason, hefur kynnt um lausn á skuldavanda heimilanna, breyti ekki áður boðuðu verkfalli. Samtökin hafa boðað greiðsluverkfall frá og með morgundeginum til 15. október.

Greiðsluverkfall gerir bara ill verra, fyrir flesta og ég tel að frumvarp félagsmálaráðherra muni duga til að laga stöðu nær allra heimila í landinu.  Hvað vill þetta fólk láta gera, vill það að öll lán séu afskrifuð og enginn þurfi að greiða krónu og því jafnframt hefnir peningar.  Hver króna sem verður afskrifuð kemur síðan til baka í formi hærri skatta.  Eða er enn til fólk sem heldur að allir peningar verði til í Seðlabanka Íslands og þar sé að finna einhverja peningauppsprettu, sem gýs peningum af og til.

Ekki hætt við greiðsluverkfall

Athugasemdir

[ElleE 30.9.2009 kl. 11:33]

"Hvað vill þetta fólk láta gera, vill það að öll lán séu afskrifuð og enginn þurfi að greiða krónu og því jafnframt hefnir peningar. "  Nei, fólk vill ekki gefna peninga, nei fólk vill ekkert afskrifað, fólk vill ráni skilað.

Held þú ættir að kynna þér það sem fólkið hefur verið að segja og skrifa.  Þú getur lesið allt um það í vefsíðu HH og bloggsíðu Marinós G. Njálssonar líkl. yfir heilt ár aftur í tímann. 

[Axel Pétur Axelsson, 30.9.2009 kl. 11:35]

Hvað vill þetta fólk láta gera ?

Kröfugerð Hagsmunasamtaka heimilanna

Markmið greiðsluvekfallsins er að ná fram eftirfarandi kröfum:

1.Lán sem hvíla á íbúðarhúsnæði með viðmiðun við gengi erlendra gjaldmiðla verði leiðrétt og yfirfærð í íslenskar krónur frá lántökudegi á gengi þess tíma.

2.Verðtryggð lán sem hvíla á íbúðarhúsnæði verði leiðrétt þannig að að verðbætur verði að hámarki 4% á ári frá 1. janúar 2008.

3.Lagabreyting leiði til þess að ekki verði gengið lengra í innheimtu veðlána en að leysa til sín veðsetta eign.

4. Lagabreyting leiði til þess að við uppgjör skuldar fyrnist eftirstöðvar innan 5 ára og verði ekki endurvakin.

5.Gerð verði tímasett áætlun um afnám verðtryggingar lána innan skamms tíma og vaxtaokur verði aflagt.

Kröfugerð þessi er byggð á ályktun funda um greiðsluverfall á vegum Hagsmunasamtaka heimilanna 23. júní 2009

[Ólafur Garðarsson 30.9.2009 kl. 15:01]

Varðandi peningauppsprettuna að þá trúum við því einmitt ekki að Seðlabankinn sé uppspretta peninga þ.e. alvöru verðmæta. Fólkið í landinu er hin raunverulega uppspretta og HH mun koma í veg fyrir að of mikið sé tekið af þeirri uppsprettu til að greiða fyrir glæpi banka og stjórnmálamanna. Við skuldum hneppa þá í verðhald og þeir sem lánuðu þeim með óábyrgum hætti verða að sætta sig við tapið. Það verður ekki greitt af okkur.

[Jakob Falur Kristinsson, 30.9.2009 kl. 15:32]

Ég fæ ekki betur séð en nær allt þetta rúmist innan þeirra aðgerða, sem félagsmálaráðherra er að boða og eiga að koma til framkvæmda þann 1. nóvember n.k.  Hvað varðar þá sem rændu öllu úr bönkunum verður erfitt að fá til baka.  Því búið er að fela allt það fé í bönkum erlendis.  Þótt bankarnir hafi gert margt slæmt, þá má ekki gleyma því að á góðæristímanum var nær öll þjóðin á eyðslufylliríi.  Fólk var ekki pínt til að taka öll þessi lán.  Það gerði það af fúsum og frjálsum vilja og tók lán á lán ofan fyrir öllu sem það langaði í.  Það verður hver að bera ábyrgð á sínum fjármálum og ekki hægt að kenna öðrum um allt.  Því þá eru lántakendur komnir í nákvæmlega sömu stöðu og bankastjórar gömlu bankanna. sem segja allt öðrum að kenna.  Þið viljið kannski komast í þann félagsskap, en ekki ég.