Leigubílar

Leigubílastöðin Hreyfill-Bæjarleiðir fyrirhugar að koma fyrir eftirlitsmyndavélum í leigubílum á vegum stöðvarinnar og taki vélarnar myndir af aftur- og framsæti bílanna. Persónuvernd gerir ekki athugasemdir við þetta svo framarlega sem upptökurnar eru ekki varðveittar lengur en nauðsyn krefur og farþegum verði veittar skýrar upplýsingar um vélarnar.

Ég segi nú bara eins og Davíð Oddsson hérna um árið; 

         "Svona gera menn ekki"

Með þessu erum við að fara út á vafasama braut og hver ætlar að hafa eftirlit með því að upptökur séu ekki varðveittar lengur en nauðsyn krefur.  Leigubílstjórar eru jafn misjafnir og þeir eru margir og geta hæglega tekið afrit fyrir sig ef þeir vilja og sagt svo að öllu hafi verið eytt.  Þeir sem oftast taka leigubíla er fólk sem hefur verið að skemmta sér og er undir áhrifum áfengis og þá verður fólk oft lausmála en ella.  Verður það næsta að fólk fer að lesa í Dagblaðinu að einhver þekktur einstaklingur hafi sagt eitthvað í leigubíl ákveðna nótt.  DV greiðir fólki fyrir ákveðnar fréttir og gæti þetta orðið viss tekjuleið hjá leigubílstjórum.  Eða verður komið á fót einni eftirlitsstofnunni í viðbót, sem gæti heitið;

Eftirlitsstofnun leigubifreiða.

Eftirlitsmyndavélar í leigubíla