Óunnin fiskur

Á síðasta fiskveiðiári var fluttur út óunninn afli á erlenda fiskmarkaði með veiðiskipum og gámum að verðmæti 17,8 milljarðar króna. Verðmæti útflutts óunnins afla jókst því um 45,5% á milli fiskveiðiára en útflutt magn jókst úr 56.548 tonnum í 59.349 tonn eða um 5%.

Við stöndum okkur mjög vel í að skapa atvinnu fyrir Breta og Þjóðverja með því að færa þeim stöðugt meiri fisk til að vinna.  Það vaknar líka sú spurning, hvers vegna við leyfum ekki Bretum og þjóðverjum að veiða þennan fisk sjálfir í okkar landhelgi og spörum þá okkur þann kostnað, sem veiðunum fylgir.  Annars er ég þeirra skoðunar að allur fiskur verði seldur á innlendum fiskmörkuðum og þar gætu þá erlendar þjóðir boðið í og þyrfti þá að greiða þann kostnað sem er vegna flutnings á fiskinum til Breta í dag.  En í núverandi ástandi bera íslenskar útgerðir allan kostnað við að koma fiskinum á erlenda markaði.

Útflutningsverðmæti 45% meira

Athugasemdir

[Fannar frá Rifi, 1.12.2009 kl. 12:04]

þannig að þú vilt frekar minna verð fyrir fiskinn og að það séu fleiri láglauna störf sem íslendinga vilja ekki vinna við? það er bara satt. þeir sem hæst tala um að vinna meira fisk í landi eru þeir sem síðastir myndu ráða sig í fiskvinnslu eða frystihús.

[Fannar frá Rifi, 1.12.2009 kl. 12:04]

ofan á það fer þessi fiskur oft beint á veitingarhús. heill og óunnin.

[Ómar Bjarki Kristjánsson, 1.12.2009 kl. 12:26]

Þjóðarbúið verður af gífurlegum verðmætum þarna.  Og jú, alveg eins gott að leyfa Bretunum bara að veiða þetta sjálfum.

[Fannar frá Rifi, 1.12.2009 kl. 13:05]

Ómar. hvað hefur þú fyrir þér í því annað en bullið úr sjálfum þér? þér er náttúrulega nákvæmlega sama um alla sjómannastéttina og þá sem vinna í sjávarútvegi því þú vilt inn í ESB. blessaður farðu úr landi og komdu ekki aftur.

[Ómar Bjarki Kristjánsson, 1.12.2009 kl. 13:33]

Um... það ert þú sem þarft að sýna framá að þín fullyrðing sé rétt.  Þú ert að segja að þeta sé svo jákvætt.

Við verðum að hugsa u svokallaða fiskveiðiaulind í tengslum við heildarhagsmuni þjóðarinnar og þjóðarbússins.

Á virkilega að segja manni, að þjóðarbúið græði á því að auðlindin sé flutt beint út framhjá hagkerfinu ? Eh excuse me !

En þarna gæti alveg spilað inní sko tollar.  Skal ekkert útiloka það.  Séu minni tollar svona inní samband fullvalda lýðræðisríkja evrópu o.þ.a.l græði LÍÚ kannski á þessu - og þeir nota gróðann svo til að halda uppi heimssýnaráróðrinum, sendandi hlutfallslega jafngildi 8000 bandaríkjamanna til Noregs á skemmtiferð etc.

[Jakob Falur Kristinsson, 1.12.2009 kl. 15:22]

Fannar, það er greinilegt að þú hefur aldrei komið á þessa erlendu fiskmarkaði.  Ég hef margoft heimsótt fiskmarkaði í Bretlandi, Þýskalandi og Frakklandi.  Það fer ekki einn einasti fiskur heill og óunnin til veitingarstaða.  Það er ekki einn einasti veitingarstaður sem kaupir fisk á mörkuðum.  Á þessum mörkuðum eru flestir vinnsluaðilar með aðstöðu og vinna fiskinn þar, sem þeir selja síðan áfram á veitingastaði og í verslanir.  Þú ert greinilega að rugla saman að fullunnin fiskur frá frystitogurum, fer oft beint á veitingarstaði og í verslanir.  Það er til fullt af fólki sem vill vinna í fiski ef það fær eðlileg laun.  En þróunin undanfarin ár hefur verið sú að laun fiskvinnslufólks hafa verið með skipulögðum hætti lækkuð til að koma erlendu vinnuafli að, sem sættir sig við lægri laun.  Það sem stendur í veginum fyrir því að hægt sé að fullvinna fiskinn í landi til sölu í verslunum erlendis eru tollar á fullunna matvöru.  Frystitogarar þurfa að greiða þessa tolla í dag og til að gera það þeim það mögulegt er verðið hækkað og yfirvigt aukinn í hverri pakkningu svo þetta geti gengið upp.  Ég hef bæði rekið fiskverkun, útgerð, verið sjómaður og unnið að sölu á fiski erlendis og þekki þetta nokkuð vel.  Þannig að það er hreint og klárt kjaftæði að við fáum meira fyrir fiskinn óunnin en að vinna hann hérna heima.  En sem betur fer göngum við brátt í ESB og þá eru tollamúrarnir farnir og enn betra er að 1.september 2010 verða allar veiðiheimildir innkallaðar af ríkinu og þá skiptir engu hvað grátkór útgerðarmanna heldur marga tónleika því þessari ákvörðun verður ekki breytt og þá fyrst fer þessi auðlind að skila þjóðarbúinu hámarks arði.  Ég held að þú sem trillukarl á Rifi ættir að kynna þér aðeins betur hvernig er staðið að sölu á okkar fiski erlendis, áður en þú veður áfram með hreint bull og kjaftæði, sem þú veist ekkert um.  Aðeins lepur upp lygaáróður frá LÍÚ og sakar svo aðra um að fara með bull.  Svona málflutningur er einungis til að setja blett á alla sjómannastéttina og íslenskan sjávarútveg.

[Jakob Falur Kristinsson, 1.12.2009 kl. 15:28]

Aðeins í viðbót.  Það verður að gera mun á því hvort verið er að tala um CIF-verð eða FOB-verð, þá á því er oft mikill munur tölur um aflaverðmæti frystitogara eru oftast gefnar upp, sem CIF-verð, því það er hærra enda á eftir að draga frá allan kostnað til að koma vörunni til kaupandans, sem er verulegur.

[Sigurður Baldursson, 1.12.2009 kl. 17:34]

Hvernig ætlar ríkið að standa að því að innkalla allar veiðiheimildir og endurúthluta þeim aftur.?? Með útboði kannski : Hvað um allt landvinnslufólkið sem hefur haft atvinnu af því að vinna fisk hringinn í kring um landið. Það verður ekkert atvinnuöryggi fyrir það fólk ef fyrirtækið þess fær ekki úthlutað kvóta. Hvernig verður hægt að reka landvinnslu ef viðkomandi fyrirtæki getur ekki gert sölusamninga fram í tímann vegna óvissu um hvort veiðiheimild  fæst eða ekki.  Ég er ekki að sjá að það leysi vandann að innkalla veiðiheimildir. Þvert á móti held ég að það skapi fleiri vandamál en  það leysi.

[Sigurður Helgason, 2.12.2009 kl. 07:31]

Hefur fannar komið á sjó eða unnið í fiski ???

Eða hefur hann bara sterkar skoðanir um EINKVAÐ,

[Sigurður Helgason, 2.12.2009 kl. 07:43]

Sigurður Baldursson, hvernig get ég haft fólk í vinnu og á engan kvóta ?

Hvernig get ég selt fisk til ameríku BEINT í verslanir og á engan kvóta ?

Geti hinir það ekki skal ég sjá um það, gott að losna við svona kerlingar sem geta ekki neitt úr fiskvinlungi.

Og það eru ekki lág laun borguð,nema vera skildi útlendingum,hjá þeim mönnum sem vilja græða sem mest, 

[Jakob Falur Kristinsson, 2.12.2009 kl. 11:24]

Sigurður Baldursson, þú ert haldinn þeim sama misskilningi og trúir LÍÚ-áróðrinum.  Auðvitað verður veitt sama magna af fiski og áður og ÖLL þau fiskiskip sem eru nú með aflakvóta geta fengið nákvæmlega það sama magn og þau hafa veitt áður.  Þannig að ekkert mun breytast hvorki hjá sjómönnum eða fiskverkunarfólki það fólk mun geta haft svipuð laun en áður.  En það sem breytist er að nú þurfa útgerðarmenn að greiða hóflega leigu til ríkisins t.d. 50,- krónur fyrir kílóið af þorski og hlutfallslega í öðrum tegundum (Er nú um 250 kr. á kíló á frjálsa markaðinum).  Þessa leigu þarf ekki að greiða fyrr en fiskurinn hefur verið veiddur og seldur á innlendum fiskmarkaði.  Þannig að hver útgerðarmaður mun ekki leigja meiri veiðiheimildir en hann getur veitt.  Þá verður allt kvótabrask úr sögunni og innlendar fiskvinnslur munu geta gengið meira hráefni til vinnslu en áður, því mun vinna við fiskvinnslu frekar aukast en skerðast og launin þar með hækka.  Hvaða vit er t.d. í því að stórhluti af úthafskvótanum skuli vera úthlutað til línubáta í Grindavík, sem aldrei ætla að veiða neina rækju, en leiðir til þess að þeir sem vilja veiða úthafsrækju verða að greiða ákveðnum útgerðarmönnum leigu.  Eins mun leggjast af að hægt sé að breyta einni fisktegund í aðra með tilfærslum á pappír og þannig er veitt meira úr ákveðnum stofnum en æskilegt er á meðan minna er veitt úr sumum.  Núverandi kvótakerfi er orðið úrelt og hefur verið eyðilagt af útgerðarmönnum með peningagræðgi, sem felst í því að leigja frá sér aflaheimildir í stórum stíl.  Einnig verður ekki hægt að nota aflaheimildir, sem veð fyrir lánum til að braska með í öðrum atvinnugreinum og er Magnús Kristinsson í Vestmannaeyjum gott dæmi um það.  Síðan hafa útgerðarmenn leikið þann leik að selja hvor öðrum veiðiheimildir á uppsprengdu verði, sem í dag mun vera um 3000 - 4000 krónur fyrir hvert kíló af óveiddum þorski.  Þetta hefur leitt til þess að íslenskur sjávarútvegur er í botnlausum skuldum og mun í dag skulda yfir 500 milljarða, sem allt er tilkomið vegna kaupa á veiðiheimildum.  Þeir sem tekið hafa lán til kvótakaupa, hljóta að hafa reiknað með því að þeirra rekstur greiddi niður þessar skuldir.  Veðið eitt og sér greiðir ekki eitt né neitt.  En auðvita munu sjávarútvegsfyrirtækin áfram fá lán en nú verður tekið veð í raunverulegum eignum, en ekki í einhverjum pappírsverðmæti á óveiddum fiski.  Þessi fyrningarleið mun auðvelda nýliðun í sjávarútveginum og allir hafa sömu stöðu til að fá leigðan aflakvóta og fjölbreytni í landvinnslunni mun stóraukast.  Með þessari leið erum við að fá hámarks arð af þessari auðlind, sem er sameign allrar þjóðarinnar og á að njóta þess.  Ein af fullyrðingum LÍÚ er að nýliðun sé óþörf í þessari grein því þeir sem þar eru fyrir séu hæfastir til að reka útgerð.  En útgerðarmenn eru eins og aðrir menn og það kemur að því að þeir deyja og í núverandi kerfi eru mörg dæmi um að erfingjar útgerðarmann hafa selt allar hans veiðiheimildir fyrir hundruð milljarða og ætla ALDREI að koma nálægt því að veiða fisk eða vinna.  Þeir útgerðarmenn sem hafa látið draga sig á asnaeyrum til að kaupa aflaheimildir með lánum, sem rekstur þeirra ræður ekki við fara einfaldlega á hausinn, eins og öll fyrirtæki sem fjárfesta meira en þeirra rekstur getur ráðið við.  Þau fyrirtæki í sjávarútvegi, sem hafa fjárfest í veiðiheimildum og reiknað með að kvótaleiga muni bjarga því að greiða af þessum lánum, verða einfaldlega að bíta í það súra epli að þeir gerðu misstök, sem ríkið mun ekki geta bætt þeim.  Sú atvinnugrein, sem engu má breyta hjá mun staðna og í stað framfara úreldist þessi atvinnugrein smátt og smátt, þar til að enginn vill koma nálægt henni.  En með fyrningarleiðinni munu allir sitja við sama borð og samkeppni verður í greininni, sem leiðir til sífellt meiri nýjunga og framfara.

Í stað afturhalds kemir framfarir og meiri hagnaður.