Fara heim

Rússnesk stjórnvöld hafa heimilað hluta áhafnar færeyska togarans Skálabergs að fara heim en togarinn hefur verið kyrrsettur í Múrmansk undanfarnar vikur vegna gruns um ólöglegar veiðar í Barentshafi.

Þeir fá þá að eyða jólunum heima kallagreyin á þessum togara.  Því ekki hefði verið svo skemmtilegt að eyða þeim í Múrmansk.

Áhöfn Skálabergs á leið heim

Sýslumenn

Ragna Árnadóttir, dómsmála- og mannréttindaráðherra, hefur ákveðið að fresta því að leggja fram lagafrumvörp um breytingar á skipan lögreglu- og sýslumannsembætta. Gert er ráð fyrir að frumvörpin verði undirbúin frekar og lögð fram á vorþingi.

Til hvers að fresta því sem búið er að ákveða og gæti sparað ríkinu mikla peninga.  Nú geta sýslumenn haldið áfram að fara fram úr sínum fjárlagaheimildum, eins og þeir hafa alltaf gert.

Breytingum á sýslumannsembættum frestað til vors

Kvikmyndasjóður

Framlag til Kvikmyndajóðs Íslands verður ekki lækkað eins mikið á næsta ári, og gert var ráð fyrir í fjárlagafrumvarpinu þegar það var lagt fram í október. 

Það er löngu búið að sanna að hver króna, sem lögð er í Kvikmyndasjóð Íslands, skila sér margfalt til baka í erlendum gjaldeyri.  Þess vegna hefði það veið brjálæði að ætla að skerða framlag í þennan mikilvæga sjóð.

Aukið framlag til Kvikmyndasjóðs

Glitnir

Vogunarsjóðir í eigu bandaríska fjármálafyrirtækisins York Capital Management gera samtals um 110 milljarða króna kröfur í þrotabú Glitnis og er fyrirtækið því í hópi allra stærstu kröfuhafa í þrotabúið.

Þessir vogunarsjóðir hafa þann tilgang einan að græða á óförum annarra og vonandi stoppar Fjármálaeftirlitið að þessi sjóður verði einn af eigendum Íslandsbanka.  Það á að hafna öllum kröfum frá svona fjármálabröskurum og láta þá sitja uppi með sitt tjón.

Gerir 110 milljarða kröfur

Garðyrkjubændur

„Mér sýnist þetta vera viðurkenning á því, að það sé ekki hægt að skilja garðyrkjuna eftir eins og gert var. Þessi viðbót fer langt með að dekka það sem þörf er fyrir,“ segir Bjarni Jónsson, framkvæmdastjóri Sambands garðyrkjubænda.

Þá er búið að bjarga garðyrkjubændum fyrir horn í bili og er það gott mál.

Vonar að framleiðsla aukist

Krabbamein

Ekki eru taldar forsendur, við núverandi aðstæður í ríkisfjármálum, að hefja skipulega leit að krabbameini í ristli og endaþarmi hjá einstaklingum af báðum kynjum á aldrinum 60-69 ára.

Má ekki með sömu rökum segja, að ekki séu forsendur í dag til að reka heilbrigðiskerfið og þeir sem fá alvarlega sjúkdóma verði bara að deyja.

Hætt við skipulagða leit að ristilkrabbameini

Sendiráðin

Utanríkisráðuneytið hefur nú selt sendiherrabústaðinn í New York fyrir 4,45 milljónir bandaríkjadala eða sem svarar til nálægt 550 milljóna króna. Á í staðinn að leigja sendiherrabústað í borginni og er gert ráð fyrir að kostnaður vegna þess verði 27 milljónir króna á næsta ári.

Það ætti að selja alla sendiherrabústaði erlendis og leggja sendiráðin niður.  Eins og samskiptatækin er orðin í dag eru sendiráð óþörf.  Allt sem nú fer fram í okkar sendiráðum erlendis er auðvelt að sinna héðan að heiman.

Sendiherrabústaður seldur

Jólin

Jarmandi kindahjörð í lopapeysum, syngjandi María, ofbeldisfullur konungur í djasssveiflu og geislandi englakór var meðal þess sem bar fyrir augu í Korpuskóla í morgun en þá sýndu sýndu nemendur í 1., 6. og 7. bekk helgileikinn Bjartasta stjarnan.

Ekki skil ég hvað á að vera jólalegt við jarmandi kindur í lopapeysum og ofbeldisfullar konur.  En örugglega finnst mörgum þetta vera mjög hátíðlegt.

Lömb í lopapeysum og Jesúbarn

Spakmæli dagsins

Nú eru góð ráð dýr,

ríkisstjórnin gæti fallið.

Guð forði okkur,

frá því.

(Stjórnarandstaðan)

Lengi að svara

Það tók sjávarútvegsráðuneytið rúmlega ellefu mánuði að svara fyrirspurnarbréfi umboðsmanns Alþingis um byggðakvóta frá því að svarfrestur rann út.

Þetta er bara lítið sýnishorn af íslenskri stjórnsýslu.  Það virðist vera að flest ráðuneyti viti ekki hvaða hlutverki Umboðsmaður Alþingis gerir eða á að gera.

Var 11 mánuði að svara umboðsmanni