Selfoss

Vegagerðin hefur sent frummatsskýrslu um tvöföldun Suðurlandsvegar frá Hveragerði og austur fyrir Selfoss til athugunar hjá Skipulagsstofnun. Tvær veglínur eru enn til skoðunar framhjá Selfossi, auk nýrra brúa.

Þótt umferðin í gegnum Selfoss verði ekki eins og áður eftir þessar breytingar.  Ættu íbúar á Selfossi að vera fegnir að hafa ekki alla þessa umferð í gegnum bæinn.  En þótt búið sé að gera frummatskýrslu þá er nokkuð öruggt að í þessar framkvæmdir verður ekki ráðist á næstu árum.

Selfyssingar ekki lengur í alfaraleið?

Málsókn

Bresk sveitar- og bæjarfélög hóta því að höfða mál gegn Glitini en sveitarfélögin óttast að fá ekki nema brot af því sem þau áttu inni á reikningum bankans þegar hann fór í þrot haustið 2008. Kröfur þeirra eru ekki metnar sem forgangskröfur í bú Glitnis en þær eru metnar sem forgangskröfur hjá Landsbankanum, samkvæmt frétt í Financial Times.

Auðvitað vilja þeir sem áttu peninga á reikningum hjá Glitnir fá þá til baka.  En það er óneitanlega skrýtið að þessar kröfur skuli ekki metnar, sem forgangskröfur hjá Glitnir á meðam hliðstæðar kröfur eru metnar, sem forgangskröfur hjá Landsbanka Íslands.

Hóta Glitni lögsókn

Mótmæli

Samtökin Nýtt Ísland skipuleggja friðsamleg mótmæli fyrir utan bílalána fyrirtækin alla þriðjudaga í vetur. Fyrstu mótmælin eru fyrirhuguð í dag klukkan 12 á hádegi og eru bíleigendur hvattir til að mæta og flauta í 3 mínútur fyrir utan hvert lánafyrirtæki.

Þetta mun ekki skila neinu frekar en önnur mótmæli.  Aðeins valda hávaða og óþægindum, sem bitna á blásaklausu fólki.

Bílamótmæli boðuð í dag

Prófkjör

Emil Örn Kristjánsson hefur ákveðið að gefa kost á sér í prófkjöri Sjálfstæðisflokksins fyrir borgarstjórnarkosningarnar í vor, en hann sækist eftir 6. sæti.

Þá fer prófkjörsbaráttan að byrja á fullu, með tilheyrandi kostnaði og látum.

Sækist eftir 6. sæti

Eldur

Hún var bara að baka smákökur fyrir jólin aumingja konan, þegar kviknaði í eldavélinni.  Þetta sýnir vel hvað það er hættulegt að baka smákökur.

Kviknaði í jólakökunum

Síðustu bækurnar

Það dynja á landsmönnum stöðugar auglýsingar um nýjar bækur, sem hafa komið út nú fyrir jólin.  Nær hver einasta bók er auglýst þannig að um meistaraverk sé að ræða, sem ekki verði endurtekið.  Einnig má heyra að viðkomandi bók sé ein mesta spennusaga allra tíma.  Allar bækurnar eru slík meistaraverk að ALDREI verður endurtekið og hver einasta bók er sú mest selda í sínum flokki.  Því er ekki hægt að draga aðra ályktun en þá að búið sé að skrifa bók um allt sem er mest spennandi og fræðandi.  Þá er hringnum lokað og óþarfi að skrifa fleiri bækur og miðað við auglýsingarnar nú verða engar bækur gefnar út oftar.  Því það er búið að skrifa bækur um allt, sem skrifa þarf um, því verða þær bækur sem nú hafa komið út þær síðustu, sem skrifaðar verða á Íslandi um ókomna framtíð.

Umferðaróhöpp

Fjögur umferðaróhöpp urðu í umdæmi lögreglunnar á Vestfjörðum í síðustu viku. Tvö þeirra urðu þriðjudaginn 8. desember, bæði á Kolsvíkurvegi við Örlygshöfn. Í öðru tilvikinu var jeppa bakkað á annan jeppa með þeim afleiðingum að hann kastaðist á þriðja bílinn. Allir bílarnir skemmdust töluvert.

Hann hefur eitthvað verið utan við sig þessi ökumaður, að lenda í árekstri tvisvar sama daginn.  Ætli Jóla-stressið hafi ekki farið svona með þennan ökumann.

Lenti tvisvar í árekstri sama dag

Hjálparstarf

Það eru margar leiðir til að styðja Hjálparstarf kirkjunnar fyrir jólin og ein þeirra er að skila inn gömlum og notuðum farsímum. Græn framtíð og Síminn hvetja nú fólk til að koma með gamla GSM síma í verslanir símans, en þeir verða svo sendir í endurnýtingu og mun andvirði þeirra renna til innanlandsaðstoðar Hjálparstarfs kirkjunnar.

Það liggja hundruð ef ekki nokkur þúsund ónýtir farsímar í geymslum landsmanna og ánægjulegt að vita, að Hjálparstofnun kirkjunnar getur gert sér peninga úr þeim og því eiga landsmenn að vera duglegir í að fara með þessa síma í verslanir Símans.

Farsímar fyrir Hjálparstarf kirkjunnar

Spakmæli dagsins

Öll mál eru stór,

nema þau litlu.

(Alþingi)

Morð

Lögregla í Dartmouth í Massachusetts í Bandaríkjunum hefur kært 98 ára konu fyrir morð á 100 ára herbergisfélaga sínum á hjúkrunarheimilinu Brandon Woods þar í bæ.

Hefur aumingja konan ekki aðeins verið að hjálpa herbergisfélaga sínum að fara á betri stað.  Þessi hjúkrunarheimili eru aðeins biðsalur dauðans.  En sjálfsagt verður konan, sem 98 ára dæmd í ævilangt fangelsi.

98 ára kona sökuð um morð á 100 ára herbergisfélaga