Hús til sölu

Fasteignasalan Eignamiðlun auglýsir í dag nýuppgert hús við Grandagarð 8 í Örfirisey til sölu. Sverrir Kristinsson, framkvæmdastjóri fasteignasölunnar, segir ekki mikið af góðu atvinnuhúsnæði á lausu á höfuðborgarsvæðinu og því sé þetta svolítið sérstakt.

Hvað er svona sérstakt við að atvinnuhús sé til sölu í Reykjavík.  Er ekki mörg þúsund fermetrar af nýbyggðu atvinnuhúsnæði til sölu í Reykjavík og annað eins hálfbyggt.

Hús við höfn til sölu

Tannstöngull

Tannstöngull úr fílabeini og gulli, sem var í eigu breska rithöfundarins Charles Dickens, var sleginn á 9.150 dali (um 1,2 milljónir kr.) á uppboði í New York í gær.

1,2 milljónir fyrir einn tanstönkul, er hreint og klárt rugl.  Sá sem keypti hlýtur að eiga of mikið af peningum og er í vandræðum með að eyða þeim.

Tannstöngull Dickens sleginn á milljón

Vopnaðu maður

Tilkynnt var um vopnaðan mann í Bústaðahverfi í Reykjavík fyrir stundu. Hefur sérsveit lögreglunnar verið kölluð út og er búið að loka hluta Bústaðavegarins á meðan málið er rannsakað. Samkvæmt upplýsingum mbl.is var einnig tilkynnt að skothvellur hefði heyrst.

Alltaf eru sömu lætin þegar einhver vopnaður maður sést á ferð.  En í flestum tilfellum er um saklausan atburð að ræða.

Tilkynnt um vopnaðan mann

Ölvaðir ökumenn

Rúmlega fimm hundruð ökumenn voru stöðvaðir á ýmsum stöðum á höfuðborgarsvæðinu um helgina í sérstöku umferðareftirliti sem lögreglan heldur nú úti í umdæminu. Átta ökumenn reyndust ölvaðir við stýrið og eiga þeir ökuleyfissviptingu yfir höfði sér.

Ekki er þetta nú hátt hlutfall, aðeins 8 af 500 ökumönnum ölvaðir.  Nú eru hin svokölluðu jólaglögg í flestum fyrirtækjum að ná hámarki fyrir Jólin.

Átta af 500 ökumönnum ölvaðir

Álftanes

Tveir bæjarfulltrúar Á-listans á Álftanesi gera margvíslegar athugasemdir við skýrslu um fjármál sveitarfélagsins. Réttara sé að tala um að skuldir og skuldbindingar séu um fjórir milljarðar. Þá eigi sveitarfélagið lönd og lóðir sem megi selja á næstu árum fyrir tvo milljarða.

Sveitarfélagið Álftanes er gjaldþrota og tilgangslaust að berja höfðinu við steininn og segja það rangt.  Þótt sveitarfélagið eigi lóðir og lönd og meti á tvo milljarða.  Þá er staðreyndin sú að enginn kaupendur eru til að þessum löndum og lóðum og það sem enginn vill kaupa er í raun verðlaust.   Það er hægt að rekna allan andskotann til fjárs, sem í reynd er verðlaust.

Gagnrýna skýrslu um Álftanes

Gleymt að skila bók

Bók sem skilað var á bókasafnið í New Bedford í Massachusetts fyrr í þessari viku var ekki komin viku yfir skilafrest, mánuð eða ár. Nei, það var næstum því liðin heil öld síðan skila átti bókinni og sektin nam rúmlega 361 dollara eða 45 þúsund íslenskum krónum.

Þetta er frekar dýr leiga á einni bók, en taka verður tillit til þess að sá sem fékk bókina leigða var með hana í tæpa öld.

Betra er seint en aldrei.

Bók skilað 99 árum of seint

Íslensku bankarnir

Kristján Þór Júlíusson, þingmaður Sjálfstæðisflokks, upplýsti á Alþingi í dag að Ríkisendurskoðun telji að gera þurfi grein fyrir sölu hlutafjár ríkisins í Arion banka og Íslandsbanka í fjáraukalögum fyrir yfirstandandi ár. Slík lög voru sett á Alþingi í gær en ekki var gerð grein fyrir þessu þar. Sagði Kristján Þór að bankarnir hefðu því verið afhentir í heimildarleysi.

Sé þetta rétt hjá Kristjáni er um grafalvarlegt mál að ræða.  Ef bankarnir voru seldir í heimildarleysi þá verður að bæta úr því án tafar, því ekki er æskilegt að íslenska ríkið eignist þessa banka aftur.

Segir bankana selda í heimildarleysi

Icesave-frumvarpið

Nú er hávær krafa um að ef Icesave-frumvarpið verður samþykkt á Alþingi, þá synji forsetinn staðfestingu þeirra laga og málið fari í þjóðaratkvæðagreiðslu.  Allir vita hvernig sú þjóðaratkvæðagreiðsla færi, frumvarpinu yrði hafnað.  Það vill ENGINN Íslendingur greiða þessa skuld, ekki einu sinni flutningsmenn frumvarpsins.  Þann 5. október var samþykkt að leita eftir samningum við Breta og Hollendinga varðandi þessa skuld og þeim þjóðum tilkynnt að það væri leiðin, sem Ísland vildi fara.  Síðan var skipuð samninganefnd, sem kom heim með samning um að greiða þessa skuld með skuldabréfi til 15 ára og með föstum vöxtum 6,5%.  Lánið átti að vera afborgunarlaust fyrstu 2 árin, þetta var gert í tíð ríkisstjórnar Geirs H. Haarde.  Þegar núverandi stjórn tók við var aftur skipuð samninganefnd og hún kom heim með samning um að skuldin yrði greidd með skuldabréfi, sem væri með 5,5% föstum vöxtum og lánstíminn væri þar til að skuldin væri að fullu greidd , en afborgunarlaus fyrstu 7 árin.  Þetta þótti Sjálfstæðisflokknum alveg gjörsamlega ómögulegur samningur og fastir vextir kæmu sér illa fyrir Ísland.  En þessi sami flokkur var áður tilbúinn að samþykkja mun verri samning.  Nær allt sumarþingið fór í karp um Icesave og að lokum tókst að ná samkomulagi á Alþingi, en þá með miklum fyrirvörum, sem vitað var að Hollendingar og Bretar myndu aldrei sætta sig við.  Því er nú komið fram á Alþingi nýtt frumvarp, þar sem flestu þessum fyrirvörum er kastað út.  Allt tal um að þetta mál eigi að fara fyrir dómstóla til að fá úr því skorið hvort Íslandi beri lagaleg skylda til að greiða óreiðuskuldir Landsbanka íslands, er of seint því að með samþykkt sinni þann 5. október 2008 var ákveðið að fara EKKI dómstólaleiðina, heldur leita eftir samningum við Breta og Hollendinga.  Þannig að núverandi stjórn var bundinn af fyrri samþykktum Alþingis og er að reyna að gera sitt besta til að koma þessu máli í höfn.  En þá bregður svo við að þeir sem mesta ábyrgð bera, Sjálfstæðisflokkur og Framsókn reyna að þvælast fyrir eins og hægt er.  Upphaf alls þessa vanda má rekja til einkavæðingu bankanna á sínum tíma.  Ef núverandi Icesave-frumvarp verður fellt þá verðum við aftur á byrjunarreit og óvíst að Bretar og Hollendingar vilji nokkuð semja við okkur aftur.  Það er að vísu rétt að Íslandi ber enginn lagaleg skylda til að greiða Icesave-skuldina.  En Íslandi ber lagaleg skylda til að sjá til þess að í Tryggingasjóði innistæðueigenda sé alltaf til nægt fjármagn til að greiða innistæðueigendum út lámarksupphæð, sem eru rúmar 20 þúsund evrur.  Samningurinn um Icesave er milliríkjasamningur og verður að skoða sem slíkan og á því ekkert erindi í þjóðaratkvæðagreiðslu.  Sjálfstæðisflokkur og Framsókn, sem gjamma nú hæst hafa áður gert milliríkjasamninga án þjóðaratkvæðagreiðslu og má þar nefna inngöngu í NATO, Samning um EES og þátttöku Íslands í stríðinu í Írak.  Fari svo að vil lendum aftur á byrjunarreit og Bretar og Hollendingar vilji ekki semja við okkur á ný, geta þeir auðveldlega sótt sína peninga til Íslands með valdi og geta hafið fiskveiðar í okkar landhelgi eins og þeim sýnist.  Land sem lýsir því yfir að það ætli ekki að standa við gerða milliríkjasamninga getur ekki varist því að þeir milliríkjasamningar, sem eru okkur hagstæðir standist fyrir alþjóðadómstólum.

Það er ekki bæði sleppt og haldið.

Spakmæli dagsins

Mafía er það og

Mafía skal það heita.

(Ólafur Jóhannesson fv. dómsmálaráðherra)

Fjárlögin

Annarri umræðu um fjárlagafrumvarpið lauk laust fyrir klukkan tvö í nótt en atkvæði verða greidd um einstakar greinar þess og breytingartillögur þegar þingfundur hefst á ný klukkan 10:30 í dag.

Það er talsvert skrýtið að nú á tímum niðurskurðar og sparnaðar, skuli koma tillögur frá fjárlaganefnd um að hækka ríkisútgjöld.  Það er langur listi um hin ýmsu verkefni, sem bætt er inn í fjárlögin og öll mætu þessi verkefni að skaðlausu bíða í nokkur ár.  Ég sá að verkefnið "Vestfirðir á miðöldum" á að fá nokkrar milljónir á næsta ári.  Í öllum okkar þrengingum skil ég ekki til hvers það er talið nauðsynlegt að kanna sérstaklega hvernig Vestfirðir á miðöldum voru.  Þeir sem lesið hafa söguna vita flestir að á miðöldum voru allir landshlutar ein allsherjar hörmungar.

Fátækt og eymd.

Rætt um fjárlög fram á nótt