Fær ekki dvalarleyfi

Það var merkileg frétt í sjónvarpinu í gær.  En þar sagði frá konu, sem vísa á úr landi á þeim forsendum að hún geti ekki framleitt sér og sínu barni.  Samt er konan búin að vinna í nokkur ár í þvottahúsi ríkisspítalana á lámarkslaunum.  Nú virðist komin sú regla að miða við tekjur eftir skatt þegar reiknað er út hvað hver og einn þarf til framfærslu sér og sínum. 

Því virðist augljóst að við öryrkjar verðum allir reknir úr landi.

Stór orð

Birgitta Jónsdóttir þingmaður spurði um siðferðismörk iðnaðarráðherra og hvort hún teldi eðlilegt að veita fyrirtæki í 40% eigu Björgólfs Thors Björgólfssonar fyrirgreiðslu vegna gagnvers. Eins hvort ekki væri eðlilegt að hann skilaði fyrst þýfinu sem horfið hafi af Icesave-reikningum sem hann hafi borið beina ábyrgð á.

Hvað veit Birgitta um hvort Björgólfur Thor, hafi stolið peningum af Ivesave-reikningum Landsbankans.  Það var engum peningum stolið af Icesave-reikningunum, heldur voru þeir nýttir til lánveitinga, sem ekki fengust greiddir til baka.  Ég tel ákvörðun iðnaðarráðherra mjög eðlilega til að auk atvinnu á Suðurnesjum, með byggingu gagnavers.  Er ekki alltaf verið að heimta að auðmenn Íslands komi og taki þátt í því endurreisnarstarfi, sem fram undan er á Íslandi.  Björgólfur Thor hefur ekki verið fundin sekur um neitt hvað varðar Landsbankann og á því fullan rétt á að taka þátt í uppbyggingu atvinnulífs á Íslandi.

Það er enginn sekur fyrr en sekt er sönnuð.

„Hvar liggja siðferðismörk ráðherra?“

Hæstiréttur

Hæstiréttur vísaði í gær frá máli japanska bankans Bank of Tokyo Mitsubishi UFJ, gegn Kaupþingi en japanski bankinn kærði úrskurð héraðsdóms þar sem vísað var frá dómi beiðni dómstóls í Bandaríkjunum um öflun sönnunargagna vegna erlends einkamáls þar sem japanski bankinn stefndi Kaupþingi.

Ég verð nú að viðurkenna að ég skil þetta mál ekki alveg.  Er Hæstiréttur að vísa frá máli japanska bankans gen Kaupþingi eða er hann að vísa frá beiðni dómstóls í Bandaríkjunum um öflun sönnunargagna í þessu máli.

Hæstiréttur vísar frá máli banka

Ingibjörg Sólrún

Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar, verður ekki yfirmaður embættis hjá Öryggis- og samvinnustofnun Evrópu sem berst gegn mansali. Tilkynnt verður um þetta innan ÖSe með formlegum hætti í Vín í Austurríki í dag, þar sem stofnunin hefur aðsetur.

Hvað gerir Ingibjörg Sólrún nú?

Ætli Össur geti ekki fundið fyrir hana sendiherrastöðu einhverstaðar.

Ingibjörg Sólrún varð ekki fyrir valinu

Þýskaland

Ég sá í færslulistanum hjá mér fyrir nokkrum dögum að einhver var að skrifa um að Þýskaland væri enn að greiða stríðsskaðabætur frá fyrri heimstyrjöldinni.  En áður en ég gat gert athugasemd við þá færslu var hún horfinn og því skrifa ég þetta núna.  Þegar Hitler komst til valda í Þýskalandi var það eitt af hans fyrstu verkum að hætta greiðslu þessara bóta, sem hann taldi mjög ósanngjarnar.  Mér er ekki kunnugt um að síðan þá hafi Þýskaland greitt stríðsskaðbætur.

Álftanes

Borgarafundur verður haldinn í íþróttahúsinu á Álftanesi í kvöld, fimmtudagskvöld, klukkan 20, en ekki annað kvöld eins og missagt er í Morgunblaðinu í dag. Tilefnið er skýrsla um rannsókn á fjárreiðum sveitarfélagsins sem unnið var fyrir eftirlitsnefnd með fjármálum sveitarfélaga.

Þeim gengur illa að skilja að sveitarfélagið Álftanes er gjaldþrota og ekkert annað eftir en setja sveitarstjórnina af og skipa tilsjónamenn með fjármálum þess.  Ég held að íbúar á Álftanesi ættu að þiggja boð Garðabæjar um sameiningu við Garðabæ.

Fundur á Álftanesi í kvöld

Læknar flýja land

Eitt lén í Svíþjóð óskaði eftir þrjátíu sérfræðingum í heimilislækningum til starfa. Einnig vantaði 330 lækna á Gautaborgarsvæðinu í haust, í kjölfar breytinga á heilbrigðiskerfinu þar.

Læknar er sú stétt, sem auðveldast á með að fá vinnu hvar sem er í heiminum og sérstaklega á Norðurlöndunum.  Þar býðst þeim bæði hærri laun og betri vinnuaðstaða, en hér á landi.  Því munum við horfa á eftir nokkur hundruð læknum til starfa erlendis og þeir munu ALDEI koma til baka í eymdina hér á Íslandi, sem ekki mun lagast næstu áratugi.

Af hverju ætti læknir að vinna á Íslandi?

Innköllun veiðiheimilda

Samkvæmt stjórnarsáttmálanum á að hefja innköllun veiðiheimilda þann 1. september 2010.  Þegar kemur síðan að endurúthlutun væri rétt að skipta landinu í svæði, sem væru eins og kjördæmi landsins.  Hvert fiskiskip fengi aflaheimildir af hluta hvers svæðis, en mætti síðan veiða hvar sem er við landið.  Síðan yrði skoðað hvað hvert svæði hefði gert mikil verðmæti úr sínum afla og aflaheimildir færðust á milli svæða eftir því, einnig yrði tekið tillit til atvinnusköpunar á hverju svæði.  Þótt ríkið leigði ekki hvert kíló nema á 50 krónur fengið ríkissjóður gífurlegar tekjur og yrði hallalaus mun fyrr en talið hefur verið til þessa.  Allar útgerðir ættu létt með að greiða þetta gjald, en þær sem eru svo skuldugar að þetta yrði þeim ómögulegt, þá væru þær útgerðir úr leik, því þær eru í raun gjaldþrota.  Allir þeir fjármunir sem fást með þessu leigufyrirkomulagi yrðu notaðir til að greiða skuldir ríkisins og skuldir útgerðarinnar, sem hún mun ALDREI geta greitt af sínum rekstri.  Einnig mætti hugsa sér að skipta fiskiskipum innan hvers svæðis í ákveðna flokka.  Fiskiskip, sem veiddi með króka mættu stunda frjálsar veiðar, ef þau væru ekki stærri en 30 brúttótonn.  En greiddu samt leigugjaldið.  Línutvöföldun yrði tekin upp aftur og fiskiskip með botntroll mætti ekki stunda veiðar á grynnra vatni en 200-300 faðma.  Frystitogarar yrðu að halda sig fyrir utan 50 sjómílur, enda lítið vit í að þeir séu að veiða á grunnslóð.  Dragnótaveiðar yrðu alfarið bannaðar inn á fjörðum.  Úthafsveiðar á rækju yrðu gefnar frjálsar, þar sem fáir vilja stunda þær, vegna olíukostnaðar og lítils verðs.

Hvað varðar uppsjávarflotann þá er málið talsvert flóknara, þar sem sérútbúin skip þarf til þeirra veiða.  En þar mætti einnig taka tillit til hvað hvert skip gerir mikil verðmæti úr sínum afla og bæta við aflaheimildum hjá þeim sem standa sig best.  Þarna yrði leigan líka að vera mun lægri eða 5-10 krónur á kíló. Veiðar á síld og loðnu með flottrolli yrði bönnuð  Allur úrgangur sem til fellur hjá hverju fiskiskipi yrði hakkaður niður og dreift í sjóinn aftur inn á fjörðum og yrði þar með orðinn að æti fyrir fiskinn, sem heldur sig þar, sem er mest smáfiskur.  Með þessu fyrirkomulagi fengjum við mest útflutningsverðmæti frá okkar fiskveiðiauðlind.

Auðvitað mun grátkór LÍÚ fara að syngja við slíkar breytingar.  Því þeir vilja engu breyta frá núverandi kerfi. En okkur ber skylda til að taka;

Þjóðarhag fram yfir hagsmuni LÍÚ.

Spakmæli dagsins

Þessi mikli niðurskurður mun,

hvergi koma fram.

(Hanna Birna borgarstjóri.)

Á flótta

Herskáir grænfriðungar segjast nú vera á hálfgerðum flótta undan japönskum gæsluskipum á milli ísjaka nærri Suðurskautinu, í kjölfar fyrstu skæra þeirra við japanska hvalveiðimenn í upphafi veiðitímabilsins.

Þeim er andskotans nær að vera að trufla Japani við hvalveiðar sínar.  Ekki vorkenni ég þessum hryðjuverkamönnum, sem grænfriðungar eru með réttu.

Japanir í eltingaleik við grænfriðunga