Draugasögur

„Við munum leita allra ráða til að stöðva þetta,“ segir Þórsteinn Ragnarsson, forstjóri Kirkjugarða Reykjavíkurprófastsdæma, um starfsemi Draugaferða, sem skipuleggja göngur um kirkjugarðinn við Suðurgötu og segja ferðamönnum ósannar hryllingssögur af raunverulegu fólki.

Þetta er til skammar hjá þeim sem standa að þessu fyrirtæki Draugaferðir, að nýa sér látið fólk með upplognum sögum til að hagnast á, er fyrir neðan öll velsæmismörk.

Við eigum að leyfa látnum að hvíla í friði.

Falsaðar sögur af látnum ekki líðandi

Baugsmálið

Baugsmálið svonefnda er líklega lífseigasta dómsmál síðari tíma, með öllum sínum öngum og útúrdúrum. Með nýju útspili verjenda verður enn á ný reynt að fá því vísað frá dómi.

Það er búið að þvæla svo mikið með þetta dómsmál að allir eru fyrir löngu hættir að skilja um hvað það fjallar, hvorki sækjandi eða verjandi.  Þetta mál er mjög líkt máli Jóns Ólafssonar, þar sem verið er að reyna að dæma fyrir sama brotið tvisvar.  Þetta mál á örugglega eftir að eftir að veltast í dómskerfinu í mörg ár í viðbót.

Tekist á um tvöfalda refsingu í Baugsmáli

SMS-skilaboð

Vefurinn Wikileaks hefur birt upplýsingar um smáskilaboð sem Þorsteinn Ingason, fyrrverandi fyrrverandi fiskverkandi og útgerðarmaður, sendi fyrr á árinu á Finn Ingólfsson, fyrrverandi ráðherra og seðlabankastjóra.

Þorsteinn Ingason, hefur árum saman verið í deildum við banka, sem sífellt skiptir um nafn.  Fyrst var það Búnaðarbankinn, sem varð að Kaupþingi, Nýja-Kaupþingi og nú Arion-banki.  Deilan snýst um það að á sínum tíma var fyrirtæki Þorsteins Ingasonar einn aðaleigandi að togaranum Hólmadrangi frá Hólmavík.  1988 var tekið lán hjá Búnaðarbankanum og sem trygging fyrir láni þessu lagði fyrirtæki Þorsteins hluta af sínum hlutabréfum inn hjá Búnaðarbankanum og útbúið var skjal þar sem bankinn ábyrgist að skila þessum hlutabréfum þegar lánið væri uppgreitt.  En við einkavæðingu Búnaðarbankans, þar sem Finnur Ingólfsson var einn af þeim, sem eignuðust bankann og tók virkan þátt í rekstri hans, glataðist áðurnefnt skjal.  Þótt lánið hafi verið fyrir löngu greitt upp fannst þetta skjal aldrei og Þorsteinn fékk ekki til baka sín hlutabréf og missti því Þorsteinn því meirihluta sinn í áðurnefndri útgerð togarans Hólmadrangs og varð fyrirtæki hans því gjaldþrota  En löngu seinna þegar Finnur Ingólfsson var búinn að stofna eignarhaldsfélag um allt sitt fjármálabrask, komu þessi hlutabréf þar fram sem eign Finns. 

Finnur Ingólfsson hefur verið eins og krabbamein í íslensku fjármálalífi í mörg ár.

SMS skilaboð til Finns birt á Wikileaks

Alþingi

Þingfundur hófst á Alþingi kl. 10 í morgun með umræðum um Icesave-samningana. Sigmundur Davíð Gunnlaugsson, formaður Framsóknarflokksins tók fyrstur til máls. Önnur mál, m.a. skattamál, eru einnig á dagskrá þingsins í dag.

Hvers konar rugl er þetta, það er ekki fyrr búið að ná samkomulagi um frestun á 2. umræðu um Icesave-frumvarpið, þegar þingmenn byrja að ræða það á ný.  Eru þingmenn svo heillaðir af Icesave að þeir geta ekki rætt neitt annað.

Þingfundur hafinn á Alþingi

Arkitekt kreppunnar

Ben Bernanke, seðlabankastjóri Bandaríkjanna, segir að ákvarðanir sem Gordon Brown tók sem fjármálaráðherra landsins hefðu leitt til þess að Bretar hefðu ekki verið í stakk búnir að takast á við fjármálakreppuna sem skall á af fullum þunga á síðasta ári.

Þá er orðið ljóst hver er aðalhöfundur fjármálakreppunnar í heiminum og þann heiður fær maður sem heitir;

Gordon Brown

Bernanke gagnrýnir Gordon Brown

Jólatré

Ljós verða tendruð á Hamborgartrénu á Miðbakkanum í dag kl. 17 Þetta er í 44. sinn sem Hamborgarhöfn sendir jólatré til Reykjavíkur.

Vonandi er notað nýtt og ferskt rafmagn frá Orkusölunni á öll þessi jólatré, sem verið er að kveikja á þessa daganna.  Það væri illa farið með þessi fallegu tré ef notað yrði gamalt og hálf ónýtt rafmagn á jólatrén í ár.

Ljós kveikt á Hamborgartrénu í dag

Samkomulag

Samkomulag hefur náðst á milli formanna stjórnmálaflokkanna á Alþingi um afgreiðslu Icesave-málsins úr 2. umræðu. Samkvæmt heimildum Morgunblaðsins staðfesti Ásta R. Jóhannesdóttir, forseti Alþingis, samkomulagið með undirritun sinni. Verður ensk lögfræðistofa fengin til að meta Icesave-samninga.

Þar kom að því að stjórnarandstaðan gafst upp og vill frekar ræða skattahækkanir, fjárlög og öll þau frumvörp, sem eykur á erfiðleika fólks.  En þá er eftir 3. umræða um Icesave-frumvarpið, sem sennilega verður ekki fyrr en eftir áramót.  Sú umræða getur þá staðið fram á næsta haust.  En til hvers þarf enska lögfræðistofu til að meta Icesave-samninginn?  Við eigum nóg af hæfum lögfræðingum, sem hafa metið þetta frumvarp og niðurstaðan er alltaf sú sama;

Við eigum aldrei að borga Icesave-skuldina.

Samkomulag um afgreiðslu Icesave

Fangelsi

Eins og flest er kunnugt eru öll fangelsi landsins yfirfull og langir biðlistar eftir að komast í afplánun.  Hjá mörgum, sem ætla að sitja af sér fjársektir eru mörg mál við það að fyrnast.  Ég hef velt því fyrir mér hvort ekki eigi að hætta að bjóða fólki upp á að sitja af sér dóm vegna fjársekta.   Í staðinn yrði þeim sem dæmdur er til að greiða fjársekt verði fólki gefin sá kostur að greiða sektina eða vera dæmdur til að sitja, í hlekkjum á áhorfendapöllum Alþingis í nokkrar vikur.  Þá er næsta víst að flestir myndu greiða sektir sínar, frekar en að þurfa að hlusta á umræður um Icesave á Alþingi í nokkrar vikur.

Spakmæli dagsins

Við elskum aðeins eitt

og það er Icesave.

(Stjórnarandstaðan)

Blaðamannafundur

Formaður Sjálfstæðisflokksins, formaður Framsóknarflokksins og þingflokksformaður Hreyfingarinnar, boða til fundar með fjölmiðlum um stöðu Icesavemálsins og framhald í fundarherbergi forsætisnefndar í Alþingi, kl. 15 í dag.

Nægir þeim ekki lengur að ræða þetta mál á Alþingi, heldur þurfa þeir að endurtaka allt sitt rugl og vitleysu á blaðamannafundi.  Ég fæ ekki betur séð en stjórnarandstaðan sé kominn í bullandi varnarbaráttu, með skítinn langt upp á bak.

Í Guðanna bænum farið þið nú að halda kjafti.

Stjórnarandstaðan boðar blaðamannafund