Festi

Fyrirtækjaráðgjöf Landsbankans hefur verið falið af skiptastjóra þrotabús útgerðarfyrirtækisins Festi ehf. að sjá um sölu á rekstri og eignum þess. Starfsemi félagsins felst í rekstri útgerðar og fiskvinnslu í Hafnarfirði sem samanstendur af sex bátum, fiskvinnslu og aflaheimildum.

Festi ehf. er gott dæmi um gallana á núverandi kvótakerfi.  Þetta fyrirtæki var upphaflega stofnað í Grindavík og gerði út tvö loðnuskip og hafði aflaheimildir í loðnu og síld. Eftir að annað skipið, strandaði við Noreg á sínum tíma var hitt skipið selt og allar veiðiheimildirnar.  Þá áttu eigendur þessa félags nokkra milljarða.  Einn eigandinn hóf trilluútgerð frá Sandgerði og varð frægur þegar hann stundaði róðra á kvótalausum bát sínum.  En hinir hluthafarnir tveir keyptu fiskvinnslufyrirtæki í Hafnarfirði og keyptu hvern bátinn eftir annan og aflaheimildir í stórum stíl á uppsprengdu verði kr. 3000-4000 þúsund krónur fyrir hvert kíló af óveiddum þorski.  Þannig að milljarðarnir voru fljótir að fara í allar þessar fjárfestingar.  Sjálfur reksturinn skilaði ALDREI neinum hagnaði, en þar sem þetta fyrirtæki átti orðið svo miklar eignir að auðvelt var að fá lán, þá gekk þessi rekstur sæmilega fyrir lánsfé.  En svo kom að því að bankinn gat ekki lánað meira og þá hrundi þetta allt eins og spilaborg.  Þetta er einungis fyrsta dæmið úr sjávarútveginum sem kemur upp á yfirborðið, en örugglega ekki það síðasta.  Það eiga mörg sjávarútvegsfyrirtæki eftir að fara sömu leið á næstu mánuðum.  Þetta sýnir betur en nokkuð annað hvað brýnt það er að stokka upp á nýtt í þessu kerfi.  En nú er bara spurningin sú hvort einhverjir kaupendur eru að þessum gjaldþrota fyrirtæki og sjálfsagt verða einhverjir útgerðarmenn sem stökkva á þetta og fá allan pakkann gegn yfirtöku lána og kenna svo fyrningarleiðinni um þegar allt fer í þrot aftur, sem næsta öruggt er að gerist. 

Þetta kallast kvótabrask.

Landsbankinn setur Festi í sölu

PAS-kenningin

Femínistafélag Íslands skorar á barnaverndaryfirvöld og stjórnvöld í landinu að læra af biturri reynslu Bandaríkjamanna þegar kemur að notkun PAS-kenningarinnar. Félagið krefst endurskoðunar á verklagsreglum og löggjöf í umgengnis- og forsjármálum.

Það er tímabært að breyta þessum reglum varðandi forsjá barna.  Þessi PAS-kenning gengur út á það að það foreldrið, sem fær forsjá barns við hjónaskilnað reynir að innræta hjá barninu að sá aðilinn sem ekki fær forsjá barns, sé mjög slæm persóna og eigi ekkert gott til.

Sameiginleg forsjá barna ætti að vera skilyrði við alla hjónaskilnaði.

Krefst endurskoðunar á verklagsreglum

Endurskoðun

Forsætisráðherra hefur skipað nefnd sem fær það verkefni að endurskoða lög um Stjórnarráð Íslands í heild sinni og gera tillögur um lagabreytingar. Meðal þess sem skoða eigi séu starfshættir ríkisstjórnar, ráðning, starfslok og fjöldi pólitískra aðstoðarmanna.

Það var fyrir löngu orðið tímabært að stokka upp hjá Stjórnarráði Íslands.  Það mætti fækka ráðuneytum í sex og hafa aðeins ráðuneyti forsetsráðherra, dómsmálaráðherra, utanríkisráðherra, fjármálaráðherra, efnahagsmálaráðherra og eitt atvinnumálaráðuneyti. Einnig mætti fækka þingmönnum úr 63 í 33 og spara þannig mikla peninga.

Endurskoða lög um Stjórnaráð Íslands

Minni skuldir

Nýju mati Alþjóðagjaldeyrissjóðsins á erlendri skuldastöðu Íslands er ekki lokið, en miðað við nýjustu upplýsingar eru skuldir ríkissjóðs örlítið lægri en þegar fyrsta endurskoðunin á efnahagsáætlun Íslands fór fram. Það skýrist af kaupum skilanefnda Glitnis og Kaupþings á Íslandsbanka og Arion banka. Það þýði að ríkið þarf ekki lengur að dæla fé inn í nýju bankana.

Loksins kom að því að hægt er að sjá eitthvað jákvætt frá þessum sjóði hvað varðar Ísland.  Þetta segir okkur að núverandi ríkisstjórn er á réttri leið við að endurreisa efnahag þjóðarinnar og væri örugglega búin að gera betur ef þingmenn stjórnarandstöðunnar væru fólk með fullu viti.

En ekki eintómir vitleysingar.

Skuldir ríkissjóðs örlítið lægri

Mótmæli

Hagsmunasamtök heimilanna og Nýtt Ísland hafa boðað til kröfufundar á Austurvelli á morgun kl 15:00. Fundarstjóri verður Lúðvík Lúðvíksson frá Nýja Íslandi, en ræðumenn þeir Einar Már Guðmundsson rithöfundur og Bjarki Steingrímsson varaformaður VR.

Eru nú mótmælin að hefjast aftur á Austurvelli með tilheyrandi látum.  Það er nýbúið að setja upp jólatré á Austurvelli,svo nú er gott tækifæri til að kveikja í því.  Annars tel ég að þessi mótmæli skili engu því búið er að ákveða kjaraskerðingu og verri lífskjör og ekkert hægt að gera nema sætta sig við það.  Við sem erum öryrkjar bregður ekkert við þótt kjörin séu skert, því við höfum ALDREI fengið lífeyrir til að lifa mannsæmandi lífi og bregður ekkert við verri lífskjör.  En hvað er þetta Nýja Ísland?  Er einhver sem heldur að við getum stofnað Nýtt Ísland og skilið Gamla Ísland eftir hjá einhverri skilanefnd, eins og gert var með gömlu bankanna.

Efna til kröfufundar á Austurvelli

Þingsköp

Ólína Þorvarðardóttir, þingmaður Samfylkingarinnar, telur tilefni til þess að breyta þingskaparlögum í ljósi þess hvernig þingstörfin hafa gengið fyrir sig að undanförnu. Ólína tók til máls í umræðum um störf þingsins í morgun, og sagði þá sorglega atburðarás hafa átt sér stað síðustu daga.

Þetta er alveg rétt hjá Ólínu, því þar sem þingmenn stjórnarandstöðunnar hafa ekki þá gáfur til að vera að  sinna sínum störfum á Alþingi á sómasamlegan hátt verður að breyta þingsköpum til að Þingmenn fari að vinna sína vinnu og hætti þessum sandkassaleik, sem hefur staðið undanfarna daga.  En auðvitað þurfti Illugi Gunnarsson að gera athugasemd við þetta og vill endilega fá meiri umræður um hvort þingmenn séu sammála sjálfum sér.  En öll umræða undan farið hefur gengið út á það atriði.

Ólína vill breyta þingsköpum til að hindra málþóf

Arion

Arion banki hefur boðað til blaðamannafundar í húsakynnum bankans í Borgartúni síðdegis í dag. Þar stendur til að kynna ný skuldaúrræðum bankans fyrir einstaklinga og heimili.

Það er gott til þess að vita að hinir nýju eigendur bankans ætla að reka hann á ábyrgan hátt og vonandi verða þarna kynnt úrræði fyrir heimili og einstaklinga, sem eru í miklum vandræðum fjárhagslega.

Arion banki kynnir ný skuldaúrræði

Alþingi

Oft hefur umræðan á Alþingi verið skrýtinn og vitlaus, en aldrei eins og nú.  Við 2. umræðu um Icesave-frumvarpið, raða þingmenn stjórnarandstöðunnar sér á mælendaskrá og flytja hverja ræðuna eftir aðra, sem fæstar eru um efnisatriði frumvarpsins heldur þvælt um allt á milli himins og jarðar.  Þegar hver þingmaður hefur lokið sinni ræðu, koma 5-6 þingmenn upp í andsvörum til að spyrja viðkomandi þingmann, hvort hann sé ekki örugglega sammála því sem hann sagði í ræðu sinni.  Síðan kemur viðkomandi þingmaður upp aftur og aftur til að svara fyrirspurnunum og auðvitað er hann sammála sjálfum sér, því annars hefði hann ekki flutt sína ræðu.  Svona gengur þetta dag eftir dag, og viku eftir viku.  Illugi Gunnarsson var í viðtali í Kastljósi í gær og hann sagði að þetta væri ekki málþóf heldur þyrfti að ræða þetta mál svo vandlega á Alþingi, til að efnismeðferð málsins væri nægjanlega góð og bætti við í lokin að öruggt væri að þótt Icesave-frumvarpið yrði samþykkt á Alþingi myndi forsetinn ALDREI staðfesta þau lög, heldur vísa málinu í þjóðaratkvæðagreiðslu og þar yrði málið örugglega fellt.  Til hvers þarf þá svona mikla umræðu um frumvarp sem þingmenn telja að verði ALDREI að lögum. Vita þessir þingmenn, sem taka þátt í þessum skrípaleik á Alþingi að það er lýðræði á Íslandi og sú ríkisstjórn, sem nú situr, er studd af meirihluta þingmanna, sem voru kosnir í lýðræðislegum kosningum.  Það versta sem gæti komið fyrir forustumenn Sjálfstæðisflokks og Framsóknar er ef núverandi ríkisstjórn segði af sér.  Því þeir treysta sér ALDREI til að taka við hinum eitraða kaleik, sem Icesave-málið er.  Sjálfstæðisflokknum þykir nóg að hafa búið til þetta mikla vandamál og munu því ekki vilja taka þátt í að leysa það.  Ef Illugi Gunnarsson er svona sannfærður um að þetta mál fari í þjóðaratkvæðagreiðslu og verði fellt þar ætti að vera óþarft að flytja allar þessar ræður eða er telur Illugi að þjóðin sé svo heimsk að hún geti ekki tekið ákvörðun í þjóðaratkvæðagreiðslu án þess að þurfa fyrst að vita að margir þingmenn séu sammála sjálfum sér.  En í viðtalinu kom skýrt fram að Illugi er ekki sammála því sem hann sjálfur er að segja á Alþingi í þessari umræðu allri.  Síðastliðið haust þurfti þáverandi ríkisstjórn að fá samþykkt með hraði ákveðin lög í kjölfar bankahrunsins og þá sýndi stjórnarandstaðan þá ábyrgð að greiða götu allra þeirra mála.  En nú þegar núverandi ríkisstjórn er á fullu að moka upp skítinn og óþverrann eftir fyrri ríkisstjórnir, sýnir stjórnarandstaðan algert ábyrgðaleysi, sem sýnir best að þeir flokkar sem nú eru í stjórnarandstöðu kunna það ekki og í stað málefnalegrar umræðu er gripið til þess ráðs að þingmenn spyrja hvern annan oft á dag hvort þeir séu sammála sjálfum sér. 

Er ekki allt í lagi með þetta lið, sem kallast þingmenn.

Spakmæli dagsins

Get ég fengið frið fyrir stjórnarandstöðunni,

til að bera alla ábyrgð á Icesave.

(Steingrímur J. Sigfússon)

Nýtt frumvarp

Frumvarp ríkisstjórnarinnar um skattlagningu á arð og hagnað af sölu hlutabréfa felur í sér grundvallarbreytingu á skattkerfinu.

Þetta er góð breyting, því alltof margir hafa komist upp með að greiða engan skatt þegar eignir eru færðar úr einu félagi í annað, sem hefur leitt til þess að sífellt er verið að skiptast á hlutabréfum milli félaga í eigu sama aðila og búa þannig til fölsk verðmæti svo verðmæti hlutabréfa í einhverju félagi er ekki í neinu samræmi við efnahagi þess sama félags.  Því eru seld mörg hlutabréf til fólks, sem ekki eru rétt verðlögð.

Flæði fjármagns heft