Aftur forseti

Vladímír Pútín, forsætisráðherra Rússlands, segist munu „íhuga það“ að bjóða sig fram sem forseta landsins árið 2012 þegar kjörtímabili Dmítry Medvedev, núverandi forseta, lýkur. Hann segist alla vega ekki vilja útiloka að hann snúi aftur í forsetaembættið.

Það var vitað að núverandi forseti var valin af Pútín vegna þess að hann þótti þægur og viki örugglega þegar Pútín gæti snúið aftur í forsetaembættið.  En undan farið hefur þó hinn nýi forseti reynt að vera sjálfstæðari og meðal annars gagnrýnt sem var gert í stjórnartíð Pútíns.  Svo það verður kannski ekki eins auðvelt fyrir Pútín að fá forsetaembættið aftur eins og hann hélt.

Pútín forseti á ný?

Hagræðing

Legurúmum fækkaði um tuttugu á lyflækningasviði Landspítalans um síðustu mánaðamót og er það liður í hagræðingaraðgerðum sviðins. Þess í stað verður dagdeildarplássum fjölgað en meðal þeirra deilda sem rúmum er fækkað eru hjartadeildir spítalans.

Það var einhver læknir á þessum spítala sem sagði að flestir sjúklingar vildu helst deyja heima hjá sér, því er alveg rökrétt að fækka legurúmum á hjartadeild.  Þá er næsta öruggt að hjartasjúklingar deyja flestir heima.

Legurúmum fækkað á Landspítala

Auðævi

Dóttir einnar ríkustu konu Evrópu, sem á snyrtivörufyrirtækið L'Oreal, hefur óskað eftir því að dómstóll meini móður hennar að gefa burt fjármuni sína.Francoise Bettencourt-Meyers heldur því fram að móður hennar, Liliane Bettencourt, sé ekki lengur sjálfrátt eftir að hún gaf einn milljarð evra til vinar síns.

Þótt gamla konan hafi gefið vini sínum einn milljarð evra er örugglega nóg eftir fyrir dóttir hennar, en græðgin leiðir fólk oft út í ótrúlegustu hluti.

Margur verður af aurum api.

Mæðgur deila um auðæfi móðurinnar

Gagnrýni

Dagur B. Eggertsson, oddviti Samfylkingarinnar í borgarstjórn Reykjavíkur, gagnrýndi Hönnu Birnu Kristjánsdóttur, borgarstjóra, harðlega á borgarstjórnarfundi fyrir að víkja ekki einu orði að nauðsynlegu uppgjöri við 18 ára ríkisstjórnartíð Sjálfstæðisflokksins og ábyrgð hans á efnahagshruninu heldur reyna að skella skuldinni á núverandi efnahagserfiðleikum á þá ríkisstjórn sem nú væri að glíma við að láta enda ná saman í ríkisfjármálum.

Þótt allir viti það, er eins og aldrei megi segja frá því að Sjálfstæðisflokkurinn fór með stjórn efnahagsmála í 18 ár samfellt og ber flokka mest ábyrgð á efnahagshruninu.  Það þýðir ekkert að reyna að ásaka Samfylkinguna því þegar hún kom i ríkisstjórn var búið að koma málum í þann farveg að Hrunið var ekki hægt að stoppa og þegar það skall á þá voru þeir á stöðugum leynifundum, þeir, Davíð Oddsson, Geir H. Haarde og Árni Matthiesen og tóku kolrangar ákvarðanir þegar þeir þjóðnýttu Glitnir á einni nóttu, sem varð til að hinir bankarnir fóru líka.  Þótt Samfylkingin væri með viðskiptaráðuneytið var sá ráðherra aldrei hafður með í ráðum.  Enda voru allar fyrstu aðgerðir mótaðar af hefndarhug Davíðs Oddsonar gegn ákveðnum hluthöfum Glitnis.

Dagur gagnrýnir borgarstjóra harðlega

Fjárdráttur

Fyrrverandi framkvæmdastjóri í gamla Landsbankanum hefur verið ákærður fyrir fjárdrátt. Málið er það fyrsta sem kært var til lögreglu og tengist bankahruninu. Maðurinn er sakaður um að hafa dregið sér hátt í 120 milljónir króna. Þetta kemur fram á vef RÚV.

Honum hefur ekki nægt ofurlaun og bónusar og þurft að næla sér í aðeins 120 milljónir til að draga fram lífið. 

Svo á að ákæra manngreyið fyrir svona smáglæp.

Fyrrum starfsmaður Landsbankans ákærður fyrir fjárdrátt

Grindavík

Sigmar Eðvarðsson, bæjarfulltrúi fyrir Sjálfstæðisflokkinn í Grindavík, neitar orðrómi um að nýr meirihluti sé í pípunum í bæjarstjórn Grindavíkur. Þetta kemur fram á vef Víkurfrétta.

Það verður þá meirihluti Sjálfstæðisflokks og VG.  Sá sem fer verst úti í þessum usla í bæjarstjórn er fyrrverandi bæjarstjóri Ólafur Örn Ólafsson, en hann er enn á fullum launum hjá bænum og átti að vera út kjörtímabilið og 6 mánuðum betur.  Nú þarf Ólafur að fara að vinna fyrir laununum sínum, en fráfarandi bæjarstjóri Jóna Kristín Þorvaldsdóttir afsalaði sér sínum biðlaunum.  En sem sárabót fær Ólafur líklega að búa frítt í einbýlishúsi sínu, sem bærinn neyddist til að kaupa af honum á uppsprengdu verði þegar að hann hætti, sem bæjarstjóri á sínum tíma.

Þeir eru ekki blankir í Grindavík.

Nýr meirihluti í pípunum?

Vatn

Við getum lifað af stríð og hörmungar en án ómengaðs vatns lifir enginn nema í 1-3 daga, sagði Nelson Mandela á sínum tíma.

Ég var að horfa á mjög fróðlegan þátt í sjónvarpinu í gærkvöldi, sem fjallaði um vatn.  Þar kom fram að vatn er að verða verðmætari en olía í heiminum og mikil barátta er um vatnið.  Einnig var farið vel yfir hvernig mörg stórfyrirtæki hafa með aðstoð frá Alþjóðabankanum og Alþjóða Gjaldeyrissjóðnum, náð yfirráðum yfir vatni í mörgum ríkjum og rústað þar með öllum möguleikum íbúa til að bjarga sér.  Í Brasilíu setti AGS það sem skilyrði fyrir fjárhagsaðstoð að stórfyrirtæki frá Bandaríkjunum fengju öll vatnsréttindi landsins afhent án nokkurrar greiðslu.  Víða í Bandaríkjunum hafa þessi stóru vatnsfyrirtæki farið inn á landbúnaðarsvæði og keypt í mesta lagi einhvern lítinn landskika og bora síðan eftir vatni og dæla upp í stórum stíl, sem hefur síðan orsakað að flestir bændur á svæðinu misstu sitt vatn.  Síðan er þessu vatni dælt á vatnsflutningabíla og að lokum átappað á flöskur til sölu í verslunum, með stórhagnaði. En svæðið þar sem vatnið var tekið breytist í forarsvað með tilheyrandi mengun.  Einnig voru sýndar myndir fá Indlandi, þar sem fólk hefur öldum saman búið við ómengað vatn og hefur getað stundað ýmiskonar landbúnað.  En þá komu stóru vatnsfyrirtækin og rústuðu öllu, það sama hefur líka skeð víða í Afríku.  Þessi fyrirtæki koma og hirða vatnið og skilja síðan allt eftir í rúst.  Víða í löndum Asíu og Afríku hafa þessi fyrirtæki komið upp stöðum, þar sem fólk getur fengið að kaupa sér vatn til neyslu.  En fátæktin er slík að margir hafa ekki efni á að kaupa vatnið og verða því að sætta sig við að notast við mengað vatn, sem safnað er saman af þökum húsa þegar rignir og veikjast vegna þess.  Það er talið að í hinum fátækari hluta heimsins deyi yfir 70 þúsund börn árlega fyrir 5 ára aldur vegna notkunar á menguðu vatni.  Nú hefur hinsvegar indverskur hugvitsmaður stofnað samtök til að berjast gegn þessari þróun og hefur hannað tæki, sem notar útfjólubláu geisla sólarinnar til að drepa alla sýkla í vatninu.  Þetta hefur nú víða verið sett upp í löndum Asíu og Afríku og þar sem slík tæki eru sett upp fá nú loksins hinir fátæku ókeypis vatn til notkunar.  En þessi samtök óttast mikið að hin stóru vatnsfyrirtæki stoppi þetta, þar sem þau hafa víða keypt öll vatnsréttindi í mörgum þessara landa.  Það var einnig sýnd mynd frá Bandaríkjunum af hjónum á veitingarstað, sem pöntuðu sér vatn í flöskum með matnum og síðan sást þjóninn fara út í bakgarð og láta þar kranavatn renna í flösku með áletrun að um ómengað vatn væri að ræða og bar síðan á borð fyrir hjónin.  Einnig var sýnd athyglisverð hringrás vatnsins hjá venjulegum Bandaríkjamanni.  Hann fer í sturtu í menguðu vatni, sem samt skaðar húðina, en vatn til að drekka kaupir hann á dýru verði í næstu verslun, síðan pissar hann þessu vatni í klósettið og það fer sömu leið og baðvatnið og sú leið er í gegnum hreinsikerfi þess vatnsfyrirtækis sem sér um vatnið á viðkomandi svæði og er síðan sett aftur inn í vatnskerfið og notað á ný.  Það eru allir möguleikar nýttir til að græða á.  Ekki nota þessi fyrirtæki geislatæknina til að hreinsa vatni, heldur nota síur til að tala mesta viðbjóðinn úr vatninu og er það því jafn mengað og áður.  Þessi geislahreinsitæki eru nokkuð dýr og því tíma þessi fyrirtæki ekki að nota þau.  Ég var á sínum tíma einn vetur verkstjóri í rækjuvinnslu á Brjánslæk á Barðaströnd.  Þar var allt vatn til verksmiðjunnar sótt langt upp í fjallshlíð og á því svæði gekk laus þó nokkuð af sauðfé á sumrin og skildu auðvitað eftir sig úrgang, sem með rigningarvatni rann í sama lækinn og vatnið var tekið úr.  Var því hótað að loka verksmiðjunni því að í vatnssýnum frá verksmiðjunni mældust alltaf saurgerlar, þótt að mikið síukerfi hafi verið á vatnsinntakinu.  Þá keypti eigandi verksmiðjunnar, Eiríkur Böðvarsson frá Ísafirði, eitt svona geislatæki til að hreinsa vatnið og þegar ég hafði sent fyrsta vatnssýnið í rannsókn var hringt í mig frá Rannsóknarstofu fiskiðnaðarins og spurt hvar í ósköpunum við fengjum þetta vatn, því þeir höfðu aldrei fengið áður vatn til skoðunar sem væri nánast eins og sótthreinsað, ekki ein einasta sýking væri í okkar vatni.  Fyrst einstaklingur sem rak litla rækjuverksmiðju nánast út í sveit gat keypt slíkt tæki ættu þessir milljarða vatnsrisar að geta það, en peningagræðgin er slík að þeir hafa engan áhuga.

Á Íslandi var mikið deilt um lög sem ríkisstjórn Sjálfstæðisflokks og Framsóknar lagði fram á þingi en þar var gert ráð fyrir að einkavæða vatnið á Íslandi og heimila að stofna eignarhaldsfélög til að kaupa vatnsréttindi og feta þar með í fótspor Bandaríkjanna og þessi umræða endaði þannig að lögin voru samþykkt.  En um leið og Samfylkingin kom í ríkisstjórn í stað Framsóknar beitti hún sér fyrir því að þessum lögum var breytt og er í dag ekki heimilt að stofna félög til að eignast vatnsréttindin á Íslandi og allir landsmenn hafa jafnan aðgang að ókeypis vatni.  Hinsvegar eru möguleikar Íslands miklir hvað varðar útflutning á fersku vatni og í dag erum við að flytja út mikið vatn í flöskum.  En þar sem hin stóru vatnsfyrirtæki heimsins hafa beitt blekkingum við sölu á hreinu vatni, er markaðssetning erfið því þessir risar ráða nær öllu og fólk er hætt að treysta því að vatn á flöskum sé ómengað.  Þannig að útflutningur á vatni verður alltaf frekar smár i sniðum, því ættum bið íslendingar að kaupa nokkur tankskip sem væru svona 300-500 þúsund að stærð og flytja vatnið þannig út og koma á svipuðu fyrirkomulagi og er með olíuna að þetta vatn væri selt hæstbjóðanda. Þá yrði hver farmur seldur á nokkra milljarða og á hverju ári gætum við náð okkur í mörg hundruð milljarða króna gjaldeyristekjur.Eftirfarandi er álit Sameinuðu Þjóðanna á vatni;

Einkavæðing á vatni er glæpur.

 

Prófkjör

Sigrún Stefánsdóttir, bæjarfulltrúi á Akureyri og sölu- og þjónustufulltrúi hjá ÍsAm á Norðurlandi býður sig fram í 2 sæti í prófkjöri Samfylkingarinnar sem fram fer 30. janúar 2010.

Hvað metnaðarleysi er þetta hjá þessari konu.  Hún ætti auðvitað að sækjast eftir 1. sætinu, nema að þar sé önnur kona fyrir.  En ef það er karl á hún auðvitað að berjast um 1. sæti listans og ná því.

En nú fer að hellast yfir prófkjörsbarátta hjá flestum flokkum um allt land með tilheyrandi kostnaði, sem fólk ræður auðvitað ekkert við að greiða og verður því að ganga um betlandi peninga hjá fyrirtækjum og stofnunum.

Sigrún býður sig fram hjá Samfylkingunni

Spakmæli dagsins

Við erum orðin,

mjög svöng.

(Alþingi)

Gömul kona

Norsk kona á sjötugsaldri er komin í mikil vandræði vegna hlutabréfa sem sonur hennar keypti í klámfyrirtækinu Private Media Group, en sonurinn fékk móður sína til að vera ábyrgðarmaður. Málið tengist verðbréfafyrirtæki Glitnis í Noregi sem fjármagnaði kaupin.

Slóð Glitnis í fjármálaheiminum skilur víða eftir sig mikil sár.  Meira að segja gömul kelling í Noregi er í stór vandræðum.  Það er þó huggun harmi gegn að þetta verður allt upplýst um ábyrgð hvers og eins í bankahruninu, eftir 80 ár og þá verða allar sakir löngu fyrndar og flestir þeirra sem ábyrgðina bera komnir til andskotans.

Þarf að greiða milljónatap sonar síns