Slæmar fréttir

Fregnir herma að eyðileggingin við upptök jarðskjálftans á Haítí sé jafnvel enn meiri en í höfuðborginni. Fréttaritarar BBC staðhæfa að í bænum Leogane, vestur af Port au Prince, sé um að litast eins og eftir heimsendi. Næstum öll hús séu ónýt. Á þeim slóðum starfar íslenska björgunarsveitin í dag.

Þetta er hrikalegt ástand og það virðist vera allt í rúst þarna.  Íslenska björgunarsveitin er ekki öfundsverð að starfa þarna eins og ástandið er.

Eins og eftir heimsendi

Haítí

Utanríkisráðherra, Össur Skarphéðinsson, hefur ákveðið að veita um sjö milljónum íslenskra króna til neyðaraðstoðar Matvælastofnunar Sameinuðu þjóðanna (WFP) á Haítí.

Þótt þetta sé ekki há fjárhæð er þetta þó viðleitni og margt smátt getur gert mikið gagn ef rétt er á málum haldið.

Íslensk stjórnvöld gefa 7 milljónir til Haítí

Spakmæli dagsins

Sannleikurinn er oft lyginni líkust

ef rétt er sagt frá og engu logið.

(Steinhissa maður)

Kína

Talsmenn Google hafa neitað þeim fréttum kínverskra fjölmiðla að leitarvélin ætli að hætta starfsemi sinni í Kína og loka vefsíðunni þar.

Kínverjar fara sínu fram hvað sem stjórnendur Google, segja og væru í litlum vandræðum að kaupa allt saman, sem tilheyrir Google.

Google ekki að loka í Kína

Valdamikill í íslensku viðskiptalífi

Nú haf allir hinna nýju banka stofnað eignarhaldsfélög til að halda utan um þær eignir, sem bankarnir hafa eignast og munu eignast.  Hjá Landsbanka Íslands er fyrrum yfirmaður í bankanum orðin forstjóri fyrir eignarhaldsfélags Landsbankans.  Eitt af þeim fyrirtækjum,sem Landsbankinn hefur yfirtekið er Húsasmiðjan hf.  Ekki er farið að huga að sölu á Húsmiðjunni hf. og er það fyrirtæki því rekið á ábyrgð Landsbankans.  Spilling og siðleysi er ekki neitt sem þessi nýi forstjóri kannast við að sé til,  Þegar kom að ráðningu nýs forstjóra fyrir Húsasmiðjunnar, ákvað hinn valdamikli bankamaður að ráða frænda sinn í það starf.  En sá maður hafði verið einn af æðstu stjórnendum hjá FL-Group.  Ekki vill bankamaðurinn valdamikli  kannast við neitt annað en að við ráðningu á forstjóra Húsasmiðjunnar, hafi frændsemin engu máli skipt.  Aðeins hæfni og góð þekki á viðskiptalífinu hafi skipt máli við þessa ráðningu.  Það varð þá reynsla að fyrri störf hjá FL-Group voru svona mikils metinn af hálfu fulltrúa Landsbankans.

Nú má ætla að mörg fleiri fyrirtæki lendi hjá þessu eignarhaldsfélagi Landsbankans og þá mun þessi forstjóri Eignarhaldsfélags bankans, deila og drottna yfir þeim fyrirtækjum og ákveða hverjir geti fengið að kaupa þau og hverjir ekki.

Ég hélt að allir fyrrum toppmenn hjá öllum gömlu bönkunum fengju ekki vinnu hjá nýju bönkunum, en svo virðist ekki vera.  Því þessir menn eru nú að troða sér í hverja stjórnunarstöðuna eftir aðra og ekki litið á það neinum neikvæðum augum þótt viðkomandi hafi átt þátt í að setja bankanna á hausinn.

Spillingin og klíkuskapurinn á áfram að gilda og virðist því að menn hafi ekkert lært af hruni bankanna,

Actavis

Íslenski samheitalyfjaframleiðandinn Actavis lýtur nú stjórn Deutsche Bank. Novator, eigandi Actavis, hefur þó ekki misst eignarhald á félaginu. Allar meginákvarðanir eru þó háðar samráði við bankann og jafnvel frumkvæði, en bankinn fjármagnaði yfirtöku Novators á félaginu árið 2007.

Vonandi fer þetta fyrirtæki ekki líka úr höndum íslenskra eigenda.  Nóg erum við búinn að missa samt í hendur erlendra aðila.  En Björólfur Thor á einhver tromp upp í erminni, sem hann á eftir aðspila út.

Actavis á forræði Deutsche Bank

Sjóvá

Fyrirtækjaráðgjöf Íslandsbanka hf. hefur verið falið að annast formlegt og opið söluferli á Sjóvá-Almennum tryggingum sem er í dag 90,7% í eigu SAT Eignarhaldsfélags og 9,3% í eigu Íslandsbanka.

Hverslags bull er þetta að segja að SAT Eignarhaldsfélags Íslandsbanka eigi 90,7% í Sjóvá og Íslandsbanki eigi 9,3%.  Þar sem Íslandsbanji á þetta eignarhaldsfélag 100% er ekki hægt að líta fram hjá því og ætti því að segja að Sjóvá sé í fullri eigu Íslandsbanka.  Nú þarf bara að finna rétta gæðinginn til að gefa Sjóvá.

Sjóvá til sölu

Rústabjörgun

Rústabjörgunarsveit íslensku alþjóðabjörgunarsveitarinnar á Haítí er tekin til starfa á ný eftir aðeins sex klst. hvíld. Að sögn Ólafs Loftssonar halda menn enn í vonina um að fólk sé á lífi enda geri byggingarlag húsanna geri það að verkum að það myndist oft holrúm þegar þau hrynji.

Þeir eru ekki öfundsverðir mennirnir, sem eru við björgunarstörf á Haítí.  Bæði er þarna mikill hiti og öll aðkoma ömurleg.

Menn halda enn í vonina

Mótmæli

Fjórir þingmenn hafa boðað komu sína á kröfufund samtakanna Nýtt Ísland og Hagsmunasamtaka heimilanna sem fram fer á Austurvelli kl. 15 í dag. Í morgun hafa nokkrir fulltrúar farið á milli þingmanna á höfuðborgarsvæðinu og vakið þá upp. Sjö þingmenn og ráðherrar hafa afboðað komu sínu.

Eru þingmenn og ráðherrar svona hræddir við að verja gjörðir sínar og þora ekki að vera neyddir til að svara fólki um hvað er fram undan.  En kannski vita þeir það ekki, en þá væri skömminni nær að viðurkenna sinn veika mátt.

Þingmenn vaktir upp

Einelti

Einelti er orð sem ætti helst aldrei að þurfa að nota.  En nú bregður svo við að ung stúlka, sem tók þátt í Söngvakeppni Sjónvarpsins, laugardaginn 6. janúar, hefur verið lögð í einelti.  Það skiptir engu máli hvor söngur hennar var fullkominn eða ekki.  Stúlkan, sem er aðeins 16 ára gömul gerði sitt besta og meira er ekki hægt að krefjast af einni manneskju.  Þarna var verið að keppa um lag en ekki flytjendur og þeir, sem voru óánægðir með þetta lag ættu frekar að beina spjótum sínum að höfundum lagsins, frekar en að leggja söngvarann í einelti.

Ég hef alltaf haldið að einelti væri bundið við börn, sem í sakleysi sínu vissu ekki hvað þau voru að gera.  En einelti í garð þessarar ungu söngkonu er fyrst og fremst bundið við fullorðið fólk og gætu haft þau áhrif að þessi 16 ára söngkona syngi ekki meir.  Þetta einelti hefur verið hér á netinu og þá undir dulnefni, því allir vita að þeir eru að gera rangt með sínum skrifum.  Eins hefur þjóðþekktur maður, Einar Bárðarson, notað útvarpstöð sína Kanann til árása á þessa ungu stúlku og aðrir apa á eftir.  Því mjög margir halda að Einar Bárðarson viti allt best og segi aðeins það sem er rétt. En Einar er ekki alvitur frekar en aðrir.  Nú ætti Einar Bárðarson að biðja þessa ungu söngkonu afsökunar á sínum orðum.  Ef hann gerir það ekki er hann meiri aumingi en ég hefði haldið.

Burt með allt einelti.