Saklaus í fangelsi

Bandarískum karlmanni hefur verið sleppt úr fangelsi eftir að DNA-próf sýndi fram á hann hann væri saklaus. Hann var dæmdur í fangelsi árið 1974. Enginn hefur setið jafn lengi saklaus á bak við lás og slá og verið síðan sleppt.

Bandarískt réttarkerfi hefur aldrei verið merkilegt eins og þetta dæmi sannar.  En ætli maðurinn fái einhverjar bætur fyrir að hafa setið í 35 ár saklaus í fangelsi.

Sat saklaus í fangelsi í 35 ár

Erlendir ferðamenn

Alls höfðu 91% erlendra ferðamanna í Reykjavík góða eða frábæra reynslu af borginni á liðnu sumri. 94% aðspurðra sögðust einnig myndu mæla með Reykjavík við aðra.

Auðvitað er gott að vera erlendur ferðamaður í Reykjavík í dag.  Íslenska krónan í frjálsu falli og ferðamennirnir fá mikið fyrir sinn gjaldeyrir.

Ánægðir ferðamenn í Reykjavík

Endurreisn bankanna

Endurreisn íslensku viðskiptabankanna er formlega lokið, samkvæmt fréttatilkynningu frá fjármálaráðuneyti. Gengið hefur verið frá samningum, á milli íslenskra stjórnvalda og nýju bankanna, annars vegar, og skilanefnda hins vegar, um uppgjör vegna eigna sem færðar voru úr gömlu bönkunum í þá nýju.

Þá er því lokið að endurreisa bankanna.  Svo nú geta þeir farið aftur að lána vinum og kunningjum og farið síðan á hausinn aftur.

Vel að verki staðið.

Endurreisn bankanna lokið

Minni löggæsla

Stjórn Lögreglufélags Suðurlands segist óttast afleiðingar þess mikla niðurskurðar, sem boðaður sé á næsta ári og boðuð fækkun lögreglumanna í Árnessýslu úr 5 lögreglumönnum í 4 á vakt komi niður á starfsöryggi þeirra svo ekki sé talað um öryggi íbúa og gesta sýslunnar.

Það er full ástæða til að óttast þennan niðurskurð.  Því ef fram fer, sem horfir verður hér blóðug bylting innan fárra mánaða.  Það eru flestir Íslendingar búnir að fá upp í kok af yfirlýsingum stjórnvalda, sem ekkert er að marka og verður:

ALDREI NEITT AÐ MARKA.

Óttast áhrif niðurskurðar á löggæslu

Lyfjakostnaður

Greiðsluþátttaka sjúkratrygginga vegna ákveðinna öndunarfæralyfja breytist 1. janúar 2010. Breytingin felur í sér að ódýrustu innúðalyfin til meðferðar við astma og langvinnri lungnateppu verða með almenna greiðsluþátttöku sjúkratrygginga. Er markmiðið að spara 2-300 milljóna króna útgjöld sjúkratrygginga.

Þarna er verið að gera hóp af sjúklingum að tilraunadýrum, með því að nota aðeins ódýrustu lyfin við þeirra sjúkdómum.  Það er enginn vandi að spara í heilbrigðiskerfinu, með því að velta sífellt hærri kostnaði yfir á sjúklinganna.

Greiðsluþátttaka í öndunarlyfjum breytist

Lán frá ESB

Fjármálaráðuneytið og Seðlabankinn eru með í athugun hugsanlegt lán frá Evrópusambandinu, sem boðin hafa verið nokkrum ríkjum, sem sótt hafa um aðild að sambandinu, og öðrum nágrannaríkjum.

Við fáum ekkert lán frá ESB eða öðrum löndum fyrr en Icesave-málið er til lykta leitt og öruggar greiðslur tryggðar.

Því miður Össur.

Lán frá ESB í athugun

Minni losun

Svandís Svavarsdóttir umhverfisráðherra hélt í nótt ræðu fyrir Íslands hönd á loftslagsráðstefnu SÞ. Hún sagði að í samvinnu við ESB myndi Ísland vinna að markmiði um að minnka losun um allt að 30% til 2020, miðað við 1990, að því gefnu að metnaðarfullt alþjóðlegt samkomulag í loftslagsmálum náist.

Hvers konar andskotans kjaftæði er í umhverfisráðherra.  Hver hefur veitt henni umboð til að fullyrða svona út í loftið.  30% minni losun fyrir árið 2020 og það í samvinnu við ESB, sem ráðherrann vill ekkert með hafa.  Bara stórhvalir á Íslandsmiðum blása menguðum útblæstri út í umhverfið, sem er meira en fyrirhuguð lækkun umhverfisráðherra.  Við verðu því að byrja á að drepa þá alla til að vernda umhverfið.  Svona yfirlýsingar eru hreint bull út í loftið og skila engu.  Á þessari ráðstefnu var mikið rætt um græna orku, en hvað er græn orka?  Hefur einhver séð græna orku t.d. í rafmagnsleiðslum. Það er betra að sitja heima en mæta á svona ráðstefnu og segja eintómt innihaldslaust kjaftæði. 

GRÆN ORKA ER EKKI TIL.

Ísland minnki losun um 30%

Verðmerkingar

Fulltrúar Neytendastofu fóru nýverið í eftirlitsferð um Kringluna, Smáralind og miðbæinn til að kanna verðmerkingar í verslunum og gluggum þeirra. Reyndist verðmerkingum hafa hrakað í verslunarmiðstöðvunum og var verðmerkingum í sýningargluggum ábótavant víða í miðbænum.

Verðmerkingar á vöru er hlutur, sem hver kaupmaður verður að passa.  Það er alltof algengt að mikill munur sé á hilluverði og verði við kassann.  Oft er ákveðin vara auglýst á einhverju verði og tekið fram að ákveðin afsláttur sé við kassann 20-50% en fæstir athuga hvort sá afsláttur er í raun veittur.  Það er alltof algengt að fólk vill ekki fá afgreiðslustrimil úr kassanum og biður um að honum sé hent.  Það geta engir nema neytendur fylgst með því að verðmerkingar séu í lagi.

Verðmerkingum víða ábótavant

Spakmæli dagsins

Allir bankamenn voru heiðarlegir,

Þar til annað kom í ljós.

(Saksóknari)

Gjaldþrot

Þúsundir ferðamanna eru nú strandaglópar eftir að stærsta flugfélag Skotlands, Flyglobespan, varð gjaldrota. Systurfélag þess, Globespan, fór í kjölfarið í greiðslustöðvun og var öllum flugferðum þess aflýst og 800 manns misstu vinnuna.

Það er víðar en á Íslandi, sem fyrirtæki verða gjaldþrota í stórum stíl, með tilheyrandi afleiðingum.  Okkar stærsta flugfélag Icelandair er haldið gangandi vegna þess að ríkið er þar stærsti eigandinn.

Strandaglópar eftir gjaldþrot flugfélags