Starfsmenn fjármálafyrirtækja

Nýsköpunarmiðstöð Íslands (NMÍ), Samtök starfsmanna fjármálafyrirtækja (SSF) og Samtök atvinnulífsins (SA) hafa gert með sér samstarfssamning um eflingu atvinnusköpunar fyrir félagsmenn SSF. Samningurinn er gerður með stuðningi iðnaðarráðuneytis og félagsmálaráðuneytis.

Hvers vegna þar að gera eitthvað meira fyrir þennan hóp en aðra atvinnulausa í landinu.  Er kannski verið að hugsa um að búa til eitthvað sérstakt batterí sem tæki þetta fólk í vinnu á sömu launum og það hafði áður.

Stuðningur við starfsmenn fjármálafyrirtækja

Erlendur her

Samtök hernaðarandstæðinga segjast fagna orðum starfandi utanríkisráðherra um að heimsóknir breskra herþotna verði afþakkaðar á næstunni og hvetja íslensk stjórnvöld til að hætta alveg að bjóða hingað erlendum her.

Við getum nú ekki verið svo miklir dónar að bjóða ekki Rauða herinn velkominn ef Pútín vinur Íslands vill koma með hann.  Málið er einfalt Bretar eru ekki lengur vinir okkar og eiga ekkert erindi hingað en Rússar eru vinaþjóð sem á að vera velkominn hvenær sem er.

Vilja að hætt verði að bjóða erlendum her hingað

Jöfnunarsjóður

Kristján L. Möller samgönguráðherra sagði á fyrsta ársfundi Jöfnunarsjóðs sveitarfélaga í dag að samgönguráðuneytið væri að undirbúa aðgerðir vegna bágrar fjárhagsstöðu sveitarfélaga. Verður hraðað greiðslum úr Jöfnunarsjóði og flýtt 250 milljóna króna greiðslu til sveitarfélaga vegna samdráttar í aflamarki.

Hvernig tengist samdráttur í aflamarki þessu máli.  Mér vitanlega er ekki kunnugt um að nein útgerð sé til á vegum sveitarfélaga í landinu.  Hitt getur vel verið rétt að fjárhagur sveitarfélaga sé báborinn núna, en það er ekki vegna samdráttar í aflamarki.

Greiðslum úr Jöfnunarsjóði hraðað

Kauphöllin

Kauphöllin er furðulegt fyrirtæki.  Þar eru íslensku bankarnir skráðir á genginu núll.  Ég ætlaði að nota tækifærið og kaupa helling af hlutabréfum í bönunum á genginu 1 en var þá tilkynnt að þessi bréf væru ekki til sölu.  Nú væri það í höndum skilanefnda hvers banka hvað yrði selt.  Ef svo er þá spyr ég til hvers er verið að hafa bankanna á skrá í Kauphöllinni ef ekki má selja hlutabréf í þeim.

Samvinna

Fjallað var um fyrirtækið Virtual Lab, sem er að hluta til í eigu Íslendings, í dálkinum „Dageens succes" í danska blaðinu Jyske Vestkysten á þriðjudag. Í greininni segir að forsvarsmenn stórra olíu og gasvinnslufyrirtækja hafi sýnt áhuga á tölvustýrðu kennsluforriti sem fyrirtækið hafi hannað. Er það ætlað til þjálfunar starfsmann á hafi úti en hugmyndinni mun svipa til flughermis.

Er ekki ósköp eðlilegt að Danir styrki góð fyrirtæki þótt þau séu í eigu íslendings. 

Samvinna Íslendings og Dana vekur athygli

Hallarekstur

Halldór Halldórsson kynnti tillögu á fundi með fulltrúum sveitarfélaga fyrr í dag sem heimilar sveitarstjórnum að leggja fram fjárhagsáætlun fyrir næsta ár sem gerir ráð fyrir hallarekstri. Samkvæmt lögum er það bannað en vegna sérstakra aðstæðna þykir koma til greina að láta breyta lögunum.

Á nú að breyta lögum til að sveitarfélög geti verið með hallarekstur.  Hafa þau ekki verið rekin með halla í mörg ár.

Hallarekstur verði heimilaður

Sjálfstæðisbarátta

Björn Bjarnason, dómsmálaráðherra, sagði á málþingi lagadeildar Háskóla Íslands í dag, að ný sjálfstæðisbarátta væri óhjákvæmileg til að endurheimta og treysta fjárhagslegan styrk þjóðarinnar.

Eins og ég var að skrifa um þá fellur það saman við þessi orð Björns og byrjunin er auðvitað að skipta um ríkisstjórn.

Ný sjálfstæðisbarátta óhjákvæmileg

Lóðir

Kostnaður Hafnarfjarðarbæjar vegna lóðaskila nemur 2,5 milljörðum króna. Lúðvík Geirsson, bæjarstjóri Hafnarfjarðarbæjar, segir ljóst að erfiður tími bíði sveitarfélaga í landinu.

Hverskonar rugl er þetta í bæjarstjóranum.  Þetta er enginn kostnaður þótt skilað sé inn lóðum.  Ég geri ráð fyrir að bærinn hafi á sínum tíma fengið greitt fyrir þessar lóðir og það eina sem er að gerast er að það er verið að endurgreiða þann kostnað, því fólk getur ekki staðið í húsbyggingum núna.  Það er eitthvað skrýtið bókhaldið hjá þeim þarna í Hafnarfirði og hvernig fær bæjarstjórinn það út að erfiðir tímar séu hjá sveitarfélögum landsins, þótt lóðum sé skilað í Hafnarfirði.

2,5 milljarða lóðakostnaður

Sökudólgar

Það er mikið um það rætt að við endurreisn fjármálalífsins eigi ekki að leita að einhverjum sökudólg til að kenna um ástandið.  Fyrst þurfi að koma hlutunum í lag síðan verði hægt að skoða hvort einhverjir séu sekir og til að skoða það mál ætlar dómsmálaráðherra að stofna nýtt embætti.  Það er mjög skiljanlegt að ríkisstjórnin tali á þessum nótum, því það hefur blasað við öllum hugsandi mönnum hver sökudólgurinn er.  En það er Ríkisstjórn Íslands sem hefur látið allt vaða áfram eftirlitslaust og öllum skýrslum um að hættuástand væri að skapast, var hent í ruslið.  Við komum okkar málum aldrei í lag nema að skipta um ríkisstjórn og það á að gera með kosningum strax.  Burt með þessa vitleysinga úr stjórnarráðinu.  Því fyrr því betra.  Sumir halda því fram að kosningar nú myndu auka á allt ruglið sem er í þjóðfélaginu.  En það er hinn mesti misskilningur, því nú þarf að taka til í þjóðfélaginu og þrífa upp skítinn og þá er best að byrja þar sem óreiðan er mest.  Kjósendur veittu þessu fólki umboð til að stýra þjóðarskútunni, en það umboð hefur verið misnotað á svo herfilegan hátt að það má ekki halda áfram.

Fífl og fábjánar

Það er nú meira hvað þeir menn sem eru núna að reyna að endurreisa íslenska fjármálakerfið, eru miklir fábjánar.  Allir eiga að spara og spara,  Það er maður að nafni Ingólfur, sem er með námskeið til að kenna fólki að spara og losna við yfirdrátt og greiðslukort.  Auðvitað kosta þessi námskeið peninga og til að létta okkur aumingjunum að greiða fyrir námskeiðin býður þessi maður greiðsludreifingu með kreditkortum.  Eitthvað finnst mér nú ekki stemma hjá þessum fjármálasnillingi.  Það á að kenna okkur að hætta að nota kreditkort en fyrst þarf að greiða manninum með kreditkorti.  Er ekki allt í lagi hjá þessum manni?

Til að auka sparnað hafa kortafyrtækin sett þak á hvað mikið má nota kortin og einhver snillingur bjó til formúlu til að finna rétta þakið fyrir hvern og einn.  Formúlan er einföld það eru teknir sl. tvö úttektartímabil og deilt í með tveimur, síðan er sú upphæð tvöfölduð og þá kemur út rétta þakið.  Ég ætla að setja hér upp tvö dæmi um hvernig þetta virkar;

1.  Sá sem hefur að undanförnu eytt  miklu með sínu korti t.d. einni milljón fær nú heimild upp á tvær milljónir.

2.  Sá sem hefur verið að spara og lítið notað kortið t.d. tíu þúsund fær heimild fyrir 20 þúsund.

Þannig að þeim sem hafa sparað er refsað en hinir verðlaunaðir fyrir eyðslu.  Er nema von að hér sé allt fjármálalíf í rúst.