Rússar

Rússar hafa dregið herlið sitt frá svokölluðum öryggissvæðum sem liggja við Georgíuhéruðin Suður-Ossetíu og Abkasíu, tveimur mánuðum eftir að stríð braust út milli Rússa og Georgíumanna. Átökin hleyptu illu blóði í samskipti Rússa og Vesturveldanna.

Þarna sést best hvað þetta er friðelskandi þjóð, enda bestu vinir Íslands.

Rússar yfirgefa öryggissvæði í Georgíu

Ást

Það er kannski til marks um breytta tíma að breskt kærustupar, sem kynntist nýverið á stefnumótasíðu á netinu, höfðu verið nágrannar í 17 ár. Rafræn ást parsins blómstrar í dag.

Mikið er gott að vita að enn er til hamingjusamt fólk í heiminum.

Voru nágrannar í 17 ár en ástin kviknaði á netinu

Ökuhraði

Brot 8 ökumanna voru mynduð á Mosavegi í Grafarvogi í dag. Fylgst var með ökutækjum sem var ekið Mosaveg í austurátt, við Vallengi. Á einni klukkustund, eftir hádegi, fóru 120 ökutæki þessa akstursleið og því óku nokkrir ökumenn, eða 7%, of hratt eða yfir afskiptahraða.

Hvað er að ske með íslendinga eru þeir orðnir hræddir við að aka of hratt.  Sennilegasta skýringin á þessu er sú að enginn þorir að taka áhættu á að fá sekt, því enginn á lengur peninga til að greiða eitt né neitt.

Fáir óku of hratt um Mosaveg

Danir

Danskir blaðamenn á Extrabladet stóðu í lopapeysum fyrir utan Magasin verslunarmiðstöðina í Kaupmannahöfn í morgun með söfnunarbauka með íslenska fánanum á og buðu vegfarendum að aðstoða íslensku þjóðina í þessari efnahagsnauð.

Er nú svo illa komið fyrir íslenskri þjóð að Danir eru farnir að betla peninga fyrir okkur.  Væri ekki best að stíga skrefið til fulls og biðja Dani að taka við okkur aftur.  Við getum ekki verið sjálfstæð þjóð lengur, þar sem við erum nánast gjaldþrota.

Söfnun fyrir Ísland

Bretar

Geir H. Haarde, forsætisráðherra, sagði á blaðamannafundi í Iðnó í dag, að ýmis samtöl hefðu átt sér stað í dag milli breskra og íslenskra embættismanna og einnig ráðherra um þá stöðu, sem komin er upp vegna Icesave innlánsreikninga Landsbankans í Bretlandi.

Til hvers er Geir að ræða við Breta um einhver lánavandræði.  Þau eru út um allan heim.  Hann Pútín reddar þessu öllu fyrir Ísland.

Rætt við Breta um stöðu Icesave

Hvernig gat þetta skeð?

Fyrir stuttu síðan var hér allt í blóma og bankarnir yfirfullir af peningum en á einni nóttu breyttist allt og bankarnir nánast gjaldþrota og eru nú þjóðnýttir hver eftir annan.  Við sem með okkar útrásarvíkinga áttum orðið hálfan heiminn og ekkert virtist geta stöðvað okkur.  Við kunnum allt best og keyptum fyrirtæki erlendis og á nokkrum dögum var rekstri þeirra snúið úr tapi í gróða.  Við sáum allstaðar tækifæri sem erlendir bjánar sáu ekki og nýttum þau.  En nú virðist að allt þetta hafi verið gert með óhóflegum lántökum og undirstaðan verðlausir pappírar fór þetta eins og það fór.  Íslensku bönkunum tókst að skuldsetja sig fyrir um 17 faldri þjóðarframleiðslu og í samræmi við það varð að greiða þessum hetjum gríðarleg laun.  Þegar lánin tóku að falla í gjaldaga töldu þessar hetjur sjálfsagt að íslenskur almenningur greiddi þau en ekki bankarnir, þeir voru búnir að gera sitt og vel það.  Þeir höfðu smalað almenningi inn í bankanna til að taka lán og báru auðvitað enga ábyrgð þótt ekki væri hægt að greiða af þeim lánum sem þeir höfðu tekið.

Getur verið að þessir snillingar hafi aldrei lært hvað orðið gjalddagi þýðir?

Símtöl

Ríkislögreglustjóra er kunnugt um að almenningi hér á landi hafi borist símtöl erlendis frá þar sem fólki er boðið að leggja fjármuni sína inn á bankareikninga í útlöndum. Ríkislögreglustjóri hvetur fólk til að vera á varðbergi berist því slík símtöl.

Er ekki best að þjóðnýta Símann og loka fyrir öll símtöl svo fólk sé ekki að blaðra einhverja vitleysu.  Efnahagsvandinn er mál okkar og Pútíns og öðrum kemur þetta bara ekkert við.

Varað við símtölum og boðum um bankaþjónustu

Dregnir til ábyrgðar

Femínistafélag Íslands krefst þess að valdhafar landsins dragi hlutaðeigandi til ábyrgðar vegna núverandi stöðu efnahagsmála. Þá segir félagið ljóst að þeir karlar sem hingað til hafi haldið um stjórnartaumana séu ekki hæfir til starfans.

Þetta styð ég heilshugar, alla karlmenn burt úr ríkisstjórn og öðrum stjórnum, nema þeir sem vilja fara í kynskiptiaðgerð.

Krefjast þess að menn verði dregnir til ábyrgðar

Er þetta rétt?

Ekki veit ég hvor það er satt eða logið, sem einn vinur minn var að segja mér um skilyrðin fyrir aðstoð Rússa.  Pútín mun hafa sett það skilyrði að Davíð Oddsson og Geir H. Haarde, lærðu báðir kommúnistaávarpið og gætu þulið það upp í gegnum síma viðstöðulaust.  Þegar á reyndi kunnu þeir þetta báðir.  Hafa þeir því í mörg ár verið kommúnistar dulbúnir sem sjálfstæðismenn.  Enda á öll sú þjóðnýting sem nú fer fram miklu skyldara við kommúnisma en kapítalisma.  Mun Hannes Hólmsteinn Gissurarson vera á leið til fundar við Pútín með upptökurnar frá þeim félögum og þá koma allir peningarnir.

Ætli þetta geti virkilega verið satt?

Fréttamenn

Erlendir fréttamenn streyma nú til landsins og hafa stjórnvöld komið upp sérstakri blaðamannamiðstöð fyrir þá í Miðbæjarskólanum við Tjörnina í Reykjavík.

Þetta er ósköp eðlilegt, því viðsnúningur hjá okkar þjóð er mikill.  Þeir sem við töldum vera vini okkar reyndust sigla undir fölsku flaggi.  En við vorum ekki lengi vinalaus því Pútín reyndist vera okkar eini vinur þegar á reyndi.

Erlendir fjölmiðlar streyma til landsins