Niðursveifla

Enn mun hægja á efnahagslegum umsvifum í ríkjum Efnahags- og framfarastofnunarinnar, OECD, samkvæmt nýrri mælingu á samsettum leiðandi hagvísum stofnunarinnar.

Hvar enda þessi ósköp, með nýrri heimskreppu kannski.  Nú þegar hafa margar fjölskyldur á Íslandi lent í miklum greiðsluerfiðleikum og er jafnvel að missa sín heimili.  Þetta hefur leitt til fjölda sjálfsmorða að undanförnu hjá fólki á besta aldri.  Á sama tíma hugsar ríkisstjórnin um það eitt að aðstoða bankana svo menn þar getið haldið sínum ofurlaunum og lúxus.

Enn mun hægja á efnahagsumsvifum

Stríð

Bandarísk stjórnvöld hafa aðvarað Rússa og sagt að átökin í Georgíu geti skaðað tvíhliða tengsl ríkjanna. Bandaríkin segja aðgerðir Rússa keyra úr hófi fram og hætta sé að því að átökin stigmagnist enn frekar.

Um hvað er eiginlega verið að berjast þarna í Georgíu, ég held að það væri eins og að hella olíu á eld ef Bandaríkin fari að blanda sér í þetta mál.

Bandaríkjamenn aðvara Rússa

Ásmundur fær ekki að fara á sjó

Nú hefur Ásmundur, trillukarl hér í Sandgerði verið færður til hafnar af Landhelgisgæslunni og í framhaldi innsiglaði lögreglan bát Ásmundar.  Mun hann eiga að mæta í yfirheyrslur á mánudag.  Hann segir sjálfur vera fegin að þeir hafi loksins tekið sig, því eftir því var hann að bíða og vonar að hann verði ákærður núna svo málarekstur geti hafist sem fyrst.  Þetta verður hið mesta vandræðamál fyrir stjórnvöld ef kemur nú önnur kæra til Mannréttindanefndar Sameinuðu Þjóðanna um brot á mannréttindum.  Þá held ég að við getum gleymt framboði okkar til Öryggisráðs Sameinuðu Þjóðanna.  Reyndar var sjávarútvegsráðherra eitthvað að reyna að klóra í bakkann með bréfaskriftum til nefndarinnar.  En kvótakerfinu hefur ekkert verið breytt eins og þessi nefnd var búin að benda á að þyrfti að gera og svo bætist þetta mál við.

Framkvæmdastjóri LÍÚ hefur verið að blása því upp að Ásmundur hafi átt hlut í útgerð og kvóta og selt það og því grætt mikið á sama kerfi og hann er að mótmæla nú.  Friðrik J. Arngrímsson framkvæmdastjóri LÍÚ veit vel að þetta er bara kjaftæði og rugl.  Það er alveg rétt að Ásmundur átti hlut í útgerðarfélaginu Festi hf. í Grindavík og átti það félag bátinn Þórshamar GK en þetta var á fyrstu árum kvótakerfisins og öllum sagt að það væri bara sett á til reynslu.  Þess vegna var aflakvóti skips aldrei verðlagður við kaup og sölu á skipum á þeim tíma.  Ég veit þetta af eigin reynslu því á þeim árum var ég bæði að kaupa og selja skip og aldrei var kvótinn reiknaður sem verðmæti enda stendur í lögum um stjórn fiskveiða að allur aflakvóti á Íslandsmiðum sé sameign íslensku þjóðarinnar og tímabundin afnotaréttur geti ALDREImyndað eignarrétt.  Það var svo ekki fyrr en 1991 sem frjálsa framsalið á kvóta var sett í lög og einnig heimild til að veðsetja hann þá byrjaði allt kvótabraskið og verðmyndun varð til á hverri fisktegund.  Þannig að Ásmundur hefur aldrei grætt á kvótasölu.  En svo lengi má hamra deigt járið að það bíti og hef ég orðið var við að margt fólk tekur orð Friðriks J. alvarlega og er farið að fullyrða í útvarpi að hann hafi grætt svo og svo mikið á kvótasölu.  Ég held að Friðrik J. Arngrímsson ætti að skammast sín fyrir að bera út lygar um heiðarlegan mann, þar sem ég efast um að Friðrik viti hvað heiðarleiki er.

Íslensk eymd

Íslenska eymdarvísitalan (e. misery index) mælist nú 16,7%. Er mælikvarðinn á eymdina fundinn út, með því að leggja saman verðbólgustigið upp á 13,6% og atvinnuleysi upp á 3,1%.

Flest er nú til ég hafði ekki hugmynd um að þessi vísitala væri til.  Við erum núna komin í hóp þjóða í Suður-Ameríku, en þar er eymd mest í Venesúela og fyrrum austantjalds þjóða.  Það skal tekið fram að Afríka var ekki tekinn með í þessari mælingu.

Ætli ríkisstjórn Íslands sé ekki stolt af þessum félagsskap.  Kannski fáum við nokkur atkvæði þarna við framboð okkar til Öryggisráðs Sameinuðu Þjóðanna.

Íslensk eymd mælist 16,7%

Stóra lánið ekki tekið

Sé tekið mið af stöðunni á alþjóðlegum lánsfjármörkuðum í dag er einfaldlega of dýrt fyrir íslenska ríkið að taka lán til að styrkja gjaldeyrisforðann. Þetta kemur fram í viðtali við Árna M. Mathiesen á fjármálavefnum Bloomberg.

Þetta er ekki rétt hjá Árna nema að hluta til.  Það yrði mjög dýrt að taka lánið.  En Árni sleppir að nefna að það vill enginn þjóð lána Íslandi peninga af þeirri einföldu ástæðu að efnahagsstjórn er hér í molum og ríkisstjórnin gerir ekki neitt.

Nú er ríkisstjórnin búin að láta Íbúðarlánasjóð lána bönkunum nokkra milljarð eða sem nemur allri þeirri upphæð sem bankarnir höfðu lánað til íbúðakaupa, sem þeir ætluðu sér að sitja einir að á sínum tíma og vildu að Íbúðarlánasjóður yrði lagður niður. 

Nú eru allir stóru bankarnir búnir að birta sín uppgjör fyrir fyrstu 6 mánuði þessa árs.  Allir skila þeir nokkurra milljarða hagnaði hver.  Hvernig ætlar ríkisstjórnin að réttlæta fyrir hinum almenna skattgreiðenda að þessi aðstoð við bankana hafi verið þörf.  Því allt sem ríkið eða stofnanir þess greiða, er að lokum greitt af skattgreiðendum þessa lands.  Á sama tíma eru bankastjórum greidd laun um 60-70 milljónir á mánuði eða upphæð sem tekur venjulegt fólk alla ævina að vinna fyrir.  Svo til að kóróna nú alla vitleysuna nýta tveir af stjórnendum Kaupþings sér stakan kaupréttarsamning á hlutabréfum sem færi þessum tveimur mönnum álíka tekjur og t.d. Blönduós hefur í tekjur á ári.  Kaupþing var í hópi þeirra banka sem ríkið er nýbúið að styrkja með fé skattborgara.  Hvernig halda stjórnvöld að fólki líði núna, sem er að miss sínar íbúðir vegna greiðsluerfiðleika og les svona fréttir og veit að þeirra skattar munu fara í að hjálpa þessum mönnum, sem með bruðli og flottræfilshætti voru komnir með allt niður um sig.  Það er nokkuð ljóst að núverandi stjórnarflokkar munu tapa miklu fylgi í næstu kosningum, sérstaklega Samfylkingin, sem hefur gefið það út að hún hugsi um þá sem minna mega sín í þjófélaginu. 

Þetta getur ekki gengið svona lengur.  Nú á að rjúfa þing og boða til kosninga svo hægt verði að fá í ríkisstjórn fólk með fullu viti. 

Of dýrt að efla gjaldeyrisforðann nú

Tæknilegt vandamál

Skuldatryggingaálagið á íslensku bankanna er of hátt vegna tæknilegra vandkvæða á markaðinum. Þetta er meginniðurstaða skýrslu sem Royal Bank of Scotland (RBS) hefur tekið saman um efnið.

Nú ef þetta er aðeins tæknilegt vandamál, þá ætti að vera auðvelt að laga það.

Tryggingaálagið tæknilegt vandamál

MMC-vottun

Ég skrifaði fyrir stuttu síðan um MMC-vottun á fiski.  MMC /Marin Sreward Consil) er nú orðin alþjóðlegur stimpill á fiskafurðum og á að tákna að viðkomandi fiskur sé veittur úr sjálfbærum fiskistofnum.  Í Morgunblaðinu í dag er mjög fróðlegt viðtal við Hilmu Sveinsdóttur sem er framkvæmdastjóri fyrirtækisins Ice-co, sem hefur sérhæft sig í að selja ferskan fisk til Sviss.  Í viðtalinu kemur fram að þegar hún fór að kanna þennan markað 1994 kom hún allstaðar að lokuðum dyrum.  Því eigendur verslana, sem selja ferskan fisk sögðust hafa prufað að eiga viðskipti við íslendinga, en ekki gengið vel.  Þeir sögðu að íslendingar höguðu seglum eftir vindi og sending sem átti að fara til þeirra var kannski send til USA ef hærra verð var þar á þeim tíma.  En Hilma gafst ekki upp og í nætum heilan áratug var hún að byggja upp viðskiptasambönd í Sviss.  2006 voru þrjár af stærstu verslunarkeðjum í Sviss, sem selja ferskan fisk komnar með 75% af markaðinum.  Ice-co seldi fyrir HB-Granda, Brim og fleiri smærri aðila.  Þegar mest var mun salan hafa verið um 2-3 þúsund tonn af þorski upp úr sjó.   Þessar verslunarkeðjur greiddu hæsta verðið en kröfðust í staðinn að afhending vörunnar yrði stöðug og jöfn allt árið og þeir vildu bara línuveiddan þorsk.  Bæði hafa Ice-co og verslunarkeðjurnar í Sviss verið að þrýsta á íslensk stjórnvöld og hafsmunaaðila að taka upp þessa vottun, en ekkert hefur gengið ennþá.  MMC-vottun er eini alþjólega vottun á fiski sem allir þekkja.  Nú hafa þessar þrjár verslunarkeðjur í Sviss tilkynnt Ice-co að þær muni ekki kaupa meiri fisk frá Íslandi, því þeir verði að geta sannfært sína viðskiptavini um að fiskurinn sé veiddur úr sjálfbærum stofnum og eina sem geti sannfært þá er að merkið MMC sé á vörunni.  Ég er hræddur við að fleiri eigi eftir að koma í kjölfarið og þá verður algert hrun á útflutningi á ferskum fiski, sem hefur verið sú grein í sjávarútvegi, sem mestum virðisauka hefur skilað til Íslands.

Sjávarútvegsráðherra hefur fullyrt að við værum með besta fiskveiðistjórnunarkerfi í heimi og þá vaknar sú spurning hvað er í veginum að taka upp MMC-vottun á fiski nú þegar.  Ég veit á hverju þetta mál stoppar.  En það er vegna þess að LÍÚ ofl. gátu sannfært ráðherrann um að betra væri að vera með sérstaka vottun fyrir Ísland og er víst verið að vinna að því máli núna.  Ef við verðum með aðra vottun en flestar þjóðir og merkjum okkar vöru með slíku merki þá munum við ekki fara aftur inn á ferskfiskmarkaðinn a.m.k. ekki til Sviss, þar sem hæsta verð er greitt.  Viðskiptavinirnir þekkja bara eitt merki sem er MMC og munu ekki líta á vöru sem merkt er á annan hátt.

Hvað vakir fyrir mönnum sem vilja vera með sér íslenska gæðavottun?.  Eru þeir í raun að senda þau skilaboð að fiskur á Íslandsmiðum sé ekki veiddur úr sjálfbærum stofnum?  Er það orðið álit LÍÚ að íslenska kvótakerfið sé stór gallað (Sem það reyndar er).  Ætlum við að fórna bestu tekjulind í sjávarútvegi vegna sérvisku nokkurra manna.

Einar Kristinn Guðfinnsson, sjávarútvegsráðherra nú verður þú að grípa inn í og ákveða að MMC-vottun verði komið á sem fyrst.  Sá skaði sem þegar hefur orðið verður ekki bættur en hægt væri að forða því að hann yrði meiri.