Réttur aldur

Ég sem er fæddur 1950 er víst ekki nema 44 ára gamall.  Þessa skýringu fékk ég hjá konu einni í gær sem fædd er sama ár og ég.  Hún sagði;   "Ég er 44 ára fyrir utan VSK."

Verðlaun

Dale Carnegie á Íslandi hefur ákveðið að veita Þór Sigfússyni, forstjóra Sjóvár, leiðtogaverðlaun Dale Carnegie. Þetta er í annað sinn sem slík verðlaun eru veitt hér á landi en á síðasta ári fékk Gunnar Einarsson, bæjarstjóri í Garðabæ, verðlaunin.

Ég óska Þór til hamingju með þessi verðlaun.  Fyrir þá sem ekki vita þá er Þór bróðir Árna Sigfússonar bæjarstjóra í Reykjanesbæ.  En hann er ekkert verri fyrir það.

Þór fær leiðtogaverðlaun Dale Carnegie

Vinaleit

Milljónamæringurinn og raunveruleikaþáttastjarnan París Hilton er stjarnan í nýjum breskum raunveruleikaþætti. Markmiðið er ekki að binda enda á hungursneyð eða stuðla að heimsfriði, heldur er París að leita sér að nýjum vin eða BFF (e. best friend forever).

Ég hringdi í hana og sagðist vera að leita að konu, en hún skellti bara á.  Bölvaður dóni og ekki græt ég það þótt hún finni engan vin.  Enda er öruggt að hún finnur aldrei betri vin en mig.

París Hilton í vinaleit

Vinaboð

Vilhjálmur Þ. Vilhjálmsson, fyrrverandi borgarstjóri, segir að boð Hauks Leóssonar, fyrrverandi formanns Orkuveitu Reykjavíkur, í Miðfjarðará í ágúst í fyrra, hafi ekki verið neitt annað en vinarboð enda hafi þeir verið nánir vinir í meira en þrjátíu ár. Segir Vilhjálmur að boðið hafi ekki verið í nafni OR og því hafi hann ekki séð neitt athugavert við að þiggja boð vinar síns.

Það sem gerir Vilhjálm Þ. Vilhjálmsson að óhæfum stjórnmálamanni er það að hann vill vera vinur allra.  En það er einfaldlega ekki hægt í stjórnmálum.  Stjórnmál er vettvangur átaka og baráttu og þeir sem geta ekkert slíkt eiga ekkert erindi í stjórnmál.  Til að halda frið við alla verða menn oft að grípa til lyginnar og verða jafnvel tvísaga og þykjast ekki muna eitt né neitt.

Ekki trúi ég þeim orðum Vilhjálms að Haukur Leósson hafi greitt úr eigin vasa þessa laxveiðiferð.  Þetta hefur örugglega verið greitt af REI eða OR.

Vilhjálmur Þ.: Ekkert annað en vinarboð

Hraustlega gert

Danska fasteignatímaritið Erhvervsejendom segir á vefsíðu sinni í dag, að það hafi verið hraustlega gert hjá Landic Property, að yfirtaka Keops Development á ný þegar Stones Invest, sem keypti Keops af Landic í vor, réði ekki lengur við reksturinn.

Þetta var glæsilega gert því danska fyrirtækið réði ekkert við þennan rekstur og allt var að fara í vaskinn hjá þeim.  Því var ekkert um annað að ræða en yfirtaka reksturinn strax.

Hraustlega gert hjá Landic

Sorphirða

Starfsmenn Sorphirðunnar óttast að verið sé að fara úr öskunni í eldinn með því að einkavæða hluta eða alla sorphirðu í Reykjavík eins og meirihluti Borgarstjórnar Reykjavíkur vill. Það geti skilað sér í verri þjónustu og bakveikum starfsmönnum.

Já var það ekki, nú á að einkavæða sorphirðu í Reykjavík.  Það hefur verið upplýst að fjármál Reykjavíkurborgar sé slæm og nú verði að spara á öllum sviðum og það er byrjað á Sorphirðunni.  Þegar Hanna Birna sest í stól borgarstjóra á morgun verða FJÓRIR borgarfulltrúar á borgarstjóralaunum.  Ætli laun borgarstjóra séu ekki um tíföld laun starfsmanns hjá Sorphirðunni.  Þannig að launakostnaður borgarinnar vegna borgarstjóra eru á við laun 40 starfsmanna hjá Sorphirðunni.  Nú veit ég ekki hvað þeir starfsmenn eru margir en í Reykjavík er sorp losað á viku fresti, en þar sem sorphirða hefur verið boðin út er miðað við að losa sorp á 10 daga fresti, sem þýðir auðvitað minni þjónustu fyrir íbúa.  Ætli þessi þriggja daga munur sé ekki sparnaðurinn.

Af því ég er að skrifa um borgarmálefni vil ég leiðrétta sem ég sagði í grein í dag um að Óskar Bergsson ætlaði að fá Alfreð Þorsteinsson sem stjórnarformann Orkuveitunnar.  Það er ekki rétt heldur mun það vera Jón Sigurðsson fv. formaður Framsóknar og eru sjálfstæðismenn auðvitað búnir að samþykkja það.  Hinsvegar mun Jón ekki hafa enn gefið ákveðið svar ennþá, svo kannski verður það Alfreð Þorsteinsson að lokum.

Ruslakarlar öskureiðir

Borgarstjórn

Enn einu sinni ætlar hinn sundurlyndi hópur sjálfstæðismanna í borgarstjórn Reykjavíkur, að reyna að halda sér í meirihluta með einum manni sem ekki nýtur stuðnings síns varamanns.  Þetta verður nákvæmlega sama staðan og var með Ólaf F. Magnússon.  Nú er það Óskar Bergsson sem tekur við og heldur sjálfstæðisflokknum í herkví.  Það verður sama hvað Óskar fer fram á að alltaf verða sjálfstæðismenn að hlýða.  Þótt Hanna Birna verði borgarstjóri er það Óskar sem öllu ræður og mun nota sér það.  Nú þegar er farið að heyrast að Óskar ætli  Alfreð Þorsteinssyni stjórnarformennsku í Orkuveitunni og fleira mun fylgja í kjölfarið og á meðan dalar fylgi D-dátanna stöðugt.

Ég get ómögulega skilið hvað sjálfstæðismenn ætla sér með þessu nýja samstarfi og þótt Hanna Birna berji sér á brjóst og segi; "Ég ætla að axla ábyrgðina á þessum meirihluta."  En hvernig ætlar hún að gera það?  Gísli Marteinn ætlar að flytja til Edinborgar og vera þar næstu 12-14 mánuði og skreppa heim til að sitja fundi hjá borginni og segir það taka um 30 mínútur að komast á milli.  Þetta er nú bara bull.  Ég á dóttur sem er við nám í Edinborg og til að komast í flug til Íslands þarf hún að aka til Glasgow og það eitt tekur meira en 30 mínútur og þá er eftir flugið heim sem er rúmar tvær klukkustundir.  Það er ekkert beint flug frá Edinborg til Íslands.   Ég veit ekki með hvaða faratæki Gísli Marteinn ætlar að fara þessa leið á 30 mínútum.  Enda skiptir sjálfsagt engu hvort hann situr fundi hjá borginni eða ekki, hann er algerlega áhrifalaus, því eins og áður sagði verður Reykjavíkurborg stjórnað af einum manni og hann heitir:

Óskar Bergsson

 

Synti nakinn

Norskir fjölmiðlar hafa skýrt frá því að dómsmálaráðherra Noregs, Knut Storberget hafi lagst nakinn til sunds í sjónum við Bjarnarey í Barentshafi skammt sunnan við norður heimsskautsbaug og sé nú meðlimur í félagsskap manna sem stundi slík sjóböð.

Ætlar Björn Bjarnason, dómsmálaráðherra ekki að taka upp þennan sið líka eins og norski kollegi hans?

Dómsmálaráðherra synti nakinn í Barentshafi

Heimsmet

Nú hefur ríkisstjórn þessa lands tekist að setja eitt heimsmet í flokki hinna svokölluðu siðaðra þjóða.  En hvergi hefur gjaldmiðill fallið eins mikið á einu ári og á Íslandi.  Ef við tökum heiminn allan þá erum við í sæti númer 3 fyrir ofan okkur eru Simbabve sem er í 1. sæti og Túrkmenistan í sæti nr. 2.  Ætlar svo þessi ríkisstjórn að segja okkur það að hér á landi sé allt í himnalægi.  NEI þessi ríkisstjórn gerir ekki eitt né neitt og mun ALDREI gera, enda segir Geir H. Haarde, forsætisráðherra, að best sé að gera ekki neitt.  Þetta muni lagast af sjálfu sér, í ítarlegu viðtali í Fréttablaðinu í morgun nefndi Geir eitt atriði sem þyrfti að skoða vel og framkvæma hið fyrsta en það var að einkavæða Íslandspóst.  Allt annað í viðtalinu var bara innantómt blaður, sem skipti engu máli.  Við skiptingu um meirihluta í borgarstjórn Reykjavíkur skipti Geir sér ekkert af þeim málum enda er hans mottó að best sé að gera aldrei neitt.  Það var aftur á móti Davíð Oddson sem sá um þau mál, þótt í fljótu bragði sé ekki hægt að koma auga á að það skipti Seðlabanka Íslands nokkru máli hverjir eru í meirihluta í Reykjavík hverju sinni.

Tekjuhátt fólk

„Það er eitt sem er eftirtektarvert. Fólk með háar tekjur og miklar eignir er að lenda í greiðsluerfiðleikum. Nokkur dæmi eru um að fólk með yfir eina milljón í tekjur á mánuði er í vandræðum með afborganir. Það er í takt við þá þróun sem hefur átt sér stað. Fjölskyldur hafa tekið stór lán til að fjármagna neyslu,“ segir Björgvin Guðjónsson, fjármálaráðgjafi hjá GH Ráðgjöf.

Þetta er eitthvað skrýtið, nema þetta fólk hafi keypt svo dýrar eignir að það ræður ekki lengur við afborganir af lánum vegna þeirra og eins og Björgvin segir hefur þetta fólk tekið há lán vegna neyslu.

Ég öryrkinn með mínar 130 þúsund króna útborgaðar bætur (eftir skatt) get þó haldið mínum lánum í skilum, sem reyndar eru ekki mörg.  Skuld vegna bifreiðakaupa og afborganir af íbúðinni minni.  Ég tek ekki lán vegna neyslu, er með fyrirframgreitt kreditkort og debetkort.  Börnin mín hafa stundum aðstoðað mig með peninga en það eru ekki lán, heldur hreinar gjafir.

Tekjuhátt fólk í greiðsluvanda