Tónlistarhús

Sjómannafélag Íslands lýsir furðu sinni á því að halda eigi áfram smíði tónlistarhúss fyrir 15 milljarða á sama tíma og Landhelgisgæsla Íslands er hálflömuð vegna fjárskorts. Þetta kemur fram í ályktun frá stjórn Sjómannafélags Íslands.

Ég tek heilshugar undir þetta og má segja að þetta sé undarleg forgangsröðun.  Best væri að láta þetta tónlistarhús stand eins og það er í dag, sem minnisvarða um allar þá vitleysu sem hér var þegar stjórnendur Íslands héldu að Ísland væri ríkasta land í heimi.

Furða sig á framkvæmdum við tónlistarhús

Kosningar

Nú er hryllilegur tími framundan fyrir venjulegt fólk.  Þar á ég við öll prófkjörin og síðan kosningarnar.  Það má ekki skilja orð mín svo að ég sé á móti kosningum en allt sem er í kringum þær er óþolandi.  Fyrst byrja prófkjörin og þá fyllist hjá manni póstkassinn af bæklingum þar sem fólk er að lýsa eigin ágæti og maður hefur varla við að bera þetta drasl í ruslið, því auðvitað les þetta ekki nokkur maður.  Síðan koma kosningarnar og þá tekur nú ekki betra við.  Í stað bæklinga koma nú heilu blöðin frá flokkunum með kynningum á frambjóðendum og stefnu viðkomandi flokks.  Þessu verður maður síðan að drösla í ruslið, því það er sama með þetta og prófkjörsbæklinganna að enginn nennir að lesa þetta.  Ástæðan er sú að fólk veit af reynslunni að ekki er að marka eitt einast orð sem stendur í þessum blöðum.  Ég lít á þessar sendingar sem hreina móðgun og tel að verið sé að segja mér að ég sé hálfviti sem geti ekki ákveði sjálfur hvað ég ætli að kjósa og þurfi þess vegna aðstoð frá flokkunum.  Það mun víst verið búið að setja einhverjar reglur um hvað hver frambjóðandi má eyða í sitt prófkjör.  Þetta er misjafnt eftir kjördæmum og er hæðst í  Reykjavík er þar má hver frambjóðandi eyða kr: 7,5 milljónum.  Þetta eru nú þó nokkuð miklir peningar og einhverstaðar frá koma þeir.  Mér dettur í huga sagan af fv. sóknarpresti sem var á Bíldudal eitt sinn og fór seinna að vinna í kjötiðnaðarstöð SÍS á Kirkjusandi.  Þar átti eitt sinn leið um maður frá Bíldudal og þegar hann sá prestinn fyrrverandi fór hann til hans og spurði; "Eru þetta nú ekki talsverð viðbrigði frá því að vera sóknarprestur og fara að vinna hér erfiðisvinnu í frystiklefa."  Þá svaraði presturinn; "Ja það er nú bara svona í dag að peningarnir eru ekki lengur teknir upp úr skítnum."   Það sama mætti halda um suma frambjóðendur að hægt væri að tína peninganna upp úr skítnum.  Því enginn viðurkennir að fá styrk frá neinum aðila.

Úttekt

Bæjarfulltrúar S-lista Samfylkingar og óháðra og B-lista Framsóknarflokks í Sandgerðisbæ leggja það til fyrir bæjarstjórnarfund í dag að óháður sérfróður aðili verði fenginn til að gera úttekt á samningum Sandgerðisbæjar og Eignarhaldsfélagsins Fasteignar.

Þetta er alveg furðulegt bæði hér í Sandgerði, Reykjanesbæ og víðar að þetta Eignarhaldsfélag Fasteign á allar fasteignir sem eitt bæjarfélag þarf á að halda t.d. skóla, leikskóla, íþróttarmannvirki ofl.  Síðan verða bæjarfélögin að greiða stórar fjárhæðir í leigu á hverju ári og nú síðast þegar þetta félag var í fjárhagserfiðleikum, þá tóku sveitarfélögin lán hjá Lánasjóði Sveitarfélaga og lánuðu Fasteign.  Sem sagt er þetta svona;

Sveitarfélögin taka lán og lána Eignarhaldsfélaginu Fasteign sem notar peningana til að byggja fyrir sveitarfélögin og leigir þeim síðan.  Hver skilur svona hringavitleysu?  Væri ekki eðlilega að fyrst sveitarfélögin geta tekið lán að byggja bara sjálf sínar fasteignir og sleppa þessum millilið sem auðvitað fær einhverja þóknun fyrir.

Vilja úttekt á samningum Sandgerðisbæjar og Fasteignar

Bréf

Barack Obama, Bandaríkjaforseti, sendi Dmitrí Medvedev, forseta Rússlands, leynilegt bréf fyrir þremur vikum. Var sérstakur sendiboði látinn afhenda Rússlandsforseta bréfið sem fjallaði um kjarnorkuvæðingu Írans.

Til hvers er Obama að senda forseta Rússlands bréf?  Veit hann ekki að forsetinn ræður engu í Rússlandi heldur er það Pútín sem öllu ræður.  Forsetinn er aðeins leppur þar til Pútín má bjóða sig fram aftur sem forseti.

Obama sendi Medvedev leynilegt bréf

Bylgjan

Alla þessa viku eða næstu ætlar útvarpsstöðin Bylgjan að flytja eingöngu jákvæðar fréttir.  Þetta er gott framtak, því landsmenn eru búnir að fá yfir sig nóg af öllum þeim fréttum sem fjalla um vandræði og erfiðleika hjá fólki og fyrirtækjum. 

    Þeir eiga hrós skilið sem ráða ríkjum á Bylgjunni.

Vestmannaeyjar

Róbert Marshall, aðstoðarmaður Kristjáns L. Möller, samgönguráðherra, segir að engin ákvörðun liggi fyrir um endurskoðun ákvörðunar um skerta þjónustu á Vestmannaeyjaflugvelli. Árni Johnsen, þingmaður suðurkjördæmis segir ráðherra hafa lofað því hátíðlega að skerðingin yrði afturkölluð.

Þarna verður engin skerðing á þjónustu.  Ef Árni Johnsen er búinn að kreista loforð út úr samgönguráðherra, þá er víst að Árni fylgir því eftir hvað sem það kann að kosta og hvað aðferðum verður beitt.

Engin ákvörðun um endurskoðun lokunar í Eyjum

Sjúkrahúsið Vogur

36 ný tilfelli af lifrarbólgu C fundust á Sjúkrahúsinu Vogi á síðasta ári. Það er heldur minna en undanfarin ár. 1122 einstaklingar sem hafa sprautað sig í æð hafa komið á Sjúkrahúsið Vog á síðustu 5 árum. Gerð hafa verið skimunarpróf fyrir alnæmissmiti hjá nær öllum án þess að ný tilfelli af alnæmissmiti hafi fundist meðal þeirra.

Ekki veit ég hvort er verra að greinast með lifrabólgu C eða alnæmi.  Því báðir þessir sjúkdómar eru ólæknandi og dregur fólk til dauða.  Ætli það skipti þann sem er dauður nokkru máli með hvaða sjúkdóm hann greindist og orsakaði dauðann

36 greindir með lifrarbólgu en enginn með alnæmi á Vogi

Bush

Birt hefur verið skjal frá valdatíð George W. Bush Bandaríkjaforseta þar sem fram kemur að forsetinn hafi ótakmarkaða heimild til að framselja fanga til annarra ríkja án tillits til þess hvort hætta væri á að þeir yrðu pyntaðir.

Þetta þarf ekki að koma neinum á óvart.  Því það er með ólíkindum hvað þessi maður komst upp með.  Það er líka stór furðulegt að bandarískir kjósendur skildu á sínum tíma kjósa þennan vitleysing, sem forseta Bandaríkjanna.

Bush leit framhjá pyntingum

Lokaðir vegir

Vegna snjóflóða og snjóflóðahættu eru lokaðir vegirnir um Súðavíkurhlíð, Óshlíð og á Eyrarhlíð. Veður fer versnandi á norðanverðum Vestfjörðum og er mokstur víðast hvar í biðstöðu. Ekkert ferðaveður er og er fólk beðið um að vera ekki á ferðinni að nauðsynjalausu.

Þetta er nú það ástand sem Vestfirðingar ofl. á landsbyggðinni verða að búa við.  Eftir að ég flutti hingað í Sandgerði og gerði snjókomu heyrði ég oft fólk tala um hvernig færðin væri á heiðinni.  Ég áttaði mig ekki á því um hvaða heiði fólk var að tala um.  En það var þá Miðnesheiði, þótt ég sé búinn að búa hér í rúm 3 ár hef ég aldrei fundið neina heiði.  Miðnesheiðin er bara smá hæð ef maður miðar við það sem ég var vanur frá Vestfjörðum.

Vegir lokaðir vegna snjóflóða

Færri nemendur

Grunnskólanemendum fækkar frá síðasta skólaári en nemendur í grunnskólum á Íslandi voru 43.511 haustið 2008, auk þess sem 135 börn stunduðu nám í 5 ára bekk í 5 skólum. Grunnskólanemendum hefur fækkað um 330 frá síðastliðnu skólaári, eða 0,7%. Á sama tíma fjölgar starfsfólki við kennslu. Haustið 2008 voru 7.858 starfsmenn í grunnskólum á Íslandi og hafði þeim fjölgað um 232 frá hausti 2007 eða um 3,0%.

Samkvæmt þessu eru færri nemendur hjá hverjum kennara en áður var og því ætti kennslan að vera betri.

Færri nemendur en fleira starfsfólk