Íslendingar hafðir að háði

Í grínfréttablaði, sem gefið er út um fréttir frá Wall Street í New York er gert mikið grín að Íslandi, en blaðamaðurinn segir þar;  "Ísland er gjaldþrota, krónan er ónýt, bankakerfið er óvirkt, fyrirtæki fara á hausinn í stórum stíl og atvinnuleysi er mikið landið nýtur hvergi trausts." 

Þetta er ekki fögur landkynning.  Svo eru menn að kenna hvalveiðum um að þær skemmi fyrir orðspori Íslands erlendis.  En ég spyr bara hvaða orðspori?

Ný framboð

„Efnahagshrunið í haust og vanhæfni stjórnvalda til að taka á því, varð til þess að leiða saman þann ólíka hóp sem stendur að Borgarahreyfingunni,“ sagði Herbert Sveinbjörnsson, formaður nýstofnaðrar Borgarahreyfingarinnar á kynningarfundi í dag. Hreyfingin hefur listabókstafinn O.

Ég fæ ekki betur séð en stefnumál þessarar hreyfingar sé nákvæmlega það sama og önnur samtök undir forustu Bjarna Harðarsonar ofl. eru með og hafa fengið listabókstafinn L.  Annars finnst mér svolítið broslegt við bæði þessi framboð að þau eru með á stefnuskrá sinni að verða lögð niður eftir að ákveðnum breytingum er náð.  Ætli það verði ekki það eina sem þessi framboð bæði afreka þ.e. að leggja sig sjálf niður.

Vilja gegnsætt réttlæti

Verktakar

Iðnaðarráðuneytið greiddi verktökum rúmlega 32 milljónir króna á 20 mánaða tímabili, frá miðjum maí 2007 til loka janúar 2009. Rúmur helmingur greiðslnanna eða tæpar 17 milljónir fóru til fjögurra aðila. Verkfræðistofan Efla hf. fékk rúmar fimm milljónir vegna vinnu við Drekasvæðið, Alþjóðaver Ráðgjöf ehf. fékk rúmar 4 milljónir, Netspor tæpar 4 milljónir og Capacent fékk greiddar tæplega 3,6 milljónir vegna ráðninga sex starfsmanna.

Þetta er í sjálfu sér ekki neitt óeðlilegt, nema að eitt þessara fyrirtækja Alþjóðaver Ráðgjöf ehf. er í eigu aðstoðarmanns Össurar, Kristjáns Guy Burgess en það fyrirtæki fékk 4 milljónir fyrir ráðgjöf.

Helmingur greiðslna til fjögurra verktaka

Djúpkarfi

Ráðgjafanefnd Alþjóðahafrannsóknaráðsins hefur komist að þeirri niðurstöðu að djúpkarfi við Ísland auk Grænlandshafs og nærliggjandi hafsvæða séu þrír líffræðilega aðgreindir stofnar. Leggur nefndin til að byggt verði á svæðastjórnun við úthlutun kvóta og að ein stjórnunareiningin verði veiðar í landgrunnshlíðum Íslands.

Þetta eru sem sagt þrír stofnar, en við höfum alltaf okkur trú um að veitt væri úr einum stofni.  Annars held ég að þetta sé sami stofninn og við erum að veiða í okkar landhelgi.  En þetta haf verið talinn sérstaklegur stofn og kallaður Djúpkarfi til að skipin fengju meiri karfakvóta.  Blekking eins og allt í þessu fáránlega kvótakerfi.

Þrír aðskildir stofnar djúpkarfa

Akstur

Um alllangt skeið hefur lögreglan á höfuðborgarsvæðinu fylgst með og mælt hraðakstur í Hvalfjarðargöngum. Þar hefur átt sér stað að dregið hefur úr hraðakstri og hlutfall brotlegra ökumanna er nú yfirleitt um 1%. Nokkra athygli vekur að ökumenn virðast flýta sér mikið á sunnudögum en þá er meðalhraði brotlegra ökumanna hærri en aðra daga, samkvæmt upplýsingum frá lögreglu.

Þetta er alveg stórmerkilegt, frídagur hjá flestum, nægur tími og enginn ástæða til að flýta sér.

Hraðast ekið á sunnudögum

Húsasmiðjan

Viðamiklar breytingar standa nú yfir hjá verslunum Húsasmiðjunnar á höfuðborgarsvæðinu. Þær felast í að loka timbursölunni í Súðarvogi og verður starfsemi hennar flutt í verslun Húsasmiðjunnar í Grafarholti, auk þess sem timburráðgjöf verður einnig opnuð í versluninni í Skútuvogi.

Þetta er nú bara undafari gjaldþrots svo notuð sé hrein íslenska.

Timbursala Húsasmiðjunnar flyst í Grafarholt

Ríkisbankarnir

Þegar Íslandsbanki ákvað að taka að sér sölu á Árvakri hf. sem var orðin gjaldþrota var því lýst yfir að allt söluferlið yrði gegnsætt og engu leynt.  Þegar ekkert bólaði á upplýsingum frá bankanum varðandi þessa sölu sem kostaði 3 milljarða í afskriftum, þá skrifaði núverandi fjármálaráðherra Steingrímur J. Sigfússon, bankanum bréf og óskaði eftir að þessar upplýsingar yrðu birtar.  Bankinn sendi fyrst Steingrími svar við annarri fyrirspurn, þessu máli óviðkomandi og þegar Steingrímur ítrekaði fyrri beiðni sína, fékk hann það svar að Íslandsbanki hf. væri sjálfstæð stofnun og gæfi ekki upplýsingar um einstök viðskipti.  Eru stjórnendur þessa banka orðnir ruglaðir?  Halda þeir sig eiga bankann? Nú verður fróðlegt að fylgjast með viðbrögðum fjármálaráðherra.  Því það er mjög mikilvægt að þessar upplýsingar verði gerðar opinberar því eins og Vilhjálmur Egilsson, framkvæmdastjóri SA, segir geta þessi viðskipti verið fordæmisgefandi fyrir önnur fyrirtæki sem lenda í svipuðum vanda.

Seðlabankastjóri

"Pólitískur flokksforingi hitti útlendan pólitískan foringja á flokksfundi og bað hann vinsamlegast að útvega Íslendingum seðlabankastjóra. Útlendi stjórnmálaforinginn litaðist um í höfuðborg heimalandsins og fann fyrrverandi aðstoðarráðherra og náinn trúnaðarmann í forystu norska Jafnaðarmannaflokksins. Svo voru þessi pólitísku skilaboð send til Íslands. Bingó. Norðmaðurinn er settur seðlabankastjóri í Reykjavík. Hvað er ,,faglegt" við þetta?"

Það vita nú allir sem eitthvað hafa fylgst með er þessi norðmaður bara tímabundið Seðlabankastjóri á meðan verið er að auglýsa stöðuna.  Ég lít þannig á að það sé bara ágætt að erlendur maður gegni þessari stöðu núna tímabundið.  Því er ekki oft sagt;  "Glöggt er gests auga."  Það er aldrei að vita nema að hann komi með nýja sýn á íslenskt hagkerfi.

„Hvað er faglegt við þetta?"

Afsökunarbeiðnir

Eftir að Ásta Möller þingmaður Sjálfstæðisflokksins baðst opinberlega afsökunar á þeim mistökum sem hennar flokkur gerði í aðdraganda bankahrunsins, fer nú hver þingmaðurinn eftir annan í flokknum í ræðustól á Alþingi til að biðja íslenska þjóð afsökunar á því sama.  Nema formaður Sjálfstæðisflokksins Geir H. Haarde, sem telur sig ekki þurfa að biðjast afsökunar á einu né neinu.  Enda er hann að horfa til framtíðar en ekki fortíðar.

Sjálfstæðisflokkurinn

Sjálfstæðisflokkurinn hefur sett af stað nefnd sem kallast Endurreisnarnefnd flokksins og á að skoða hvað fór úrskeiðis hjá flokknum í aðdraganda bankahrunsins.  Fyrstu drög sem frá þessari nefnd komu voru mjög hörð gagnrýni á forustu og þingmenn flokksins.  Geir H. Haarde sagði að nefndin ætti að horfa til framtíðar en ekki fortíðar.  Nefndin getur auðvitað horft til framtíðar en hvernig á hún að geta komið með tillögur um eitthvað sem þarf að endurreisa í framtíðinni og laga hluti sem ekki hafa enn skeð.  Eða er það skoðun Geirs H. Haarde að það eigi að ganga að því sem vísu að sömu mistökin verði gerð í framtíðinni.  Þetta er þokkalegur boðskapur til kjósenda í næstu kosningum