Segir af sér

Jón Þorsteinn Jónsson, stjórnarformaður Byrs, hefur tilkynnt stjórn Byrs, að hann sjái sig knúinn til að láta tímabundið af stjórnarstörfum fyrir sparisjóðinn fram að næsta aðalfundi hans. Við stjórnarformennsku Jóns Þorsteins tekur Jón Kristjánsson sem verið hefur varaformaður stjórnar Byrs. Í tilkynningu Jóns Þorsteins til stjórnar sparisjóðsins, segir um ástæðu þessarar ákvörðunar, að félög nátengd honum standi nú í samningum við lánardrottna.

Það er þó virðingarvert að Jón Þorsteinn skuli segja af sér þegar hætta er á hagsmunaárekstrum og mættu fleiri taka þetta sér til fyrirmyndar.  Það er allof mikið um að menn horfi framhjá svona hlutum og hugsi fyrst um eigin hag og einnig vina og kunningja.  Þetta sést best hvernig staðið var að sölu Árvakurs hf. og Senu.

Knúinn til að hætta sem stjórnarformaður Byrs

Aukning á fjölda kvenna á þjóðþingum

Samkvæmt nýrri könnun Alþjóðaþingmannasambandsins (IPU) situr nú metfjöldi kvenna á þingi eftir kosningar í 54 löndum árið 2008. Að meðaltali eiga konur 18,3% þingsæta í öllum deildum þinganna, sem er 60% aukning frá árinu 1995 þegar kvenþingmenn voru aðeins 11,3%.

Þetta er góð þróun og vonandi bæta konur enn sinn hlut á Alþingi í næstu kosningum.  Ef fleiri konur hefðu verið hér í ríkisstjórn 2008 að ég tali nú ekki um ef konur hefðu stjórnað bönkunum, hefði þessi efnahagskreppa ekki orðið eins alvarleg á Íslandi og raun varð á.  Það er margsannað að konur eru mun gætnari og ekki eins áhættusæknar og karlar.

Metfjöldi kvenna á þingi í heiminum

Hagræðing/Niðurskurður

„Það er stutt á milli hagræðingar og niðurskurðar" sagði Ögmundur Jónasson, heilbrigðisráðherra, á málþingi sem Félag um lýðheilsu boðaði til nú í hádeginu. Ekki líti allir þær aðgerðir sem grípa þarf til í heilbrigðismálum sömu augum og það sem einn hópur túlki sem niðurskurð sjái annar hópur sem hagræðingu.

Nú er ég sammála Ögmundi, því orðið hagræðin hefur verið ofnotað lengi hjá hinum ýmsu atvinnugreinum.

Stutt á milli hagræðingar og niðurskurðar

Einelti

Móðir drengs í Grunnskólanum í Sandgerði segir að á bloggsíðum mbl.is sé spjótum beint allharkalega að tveimur drengjum, sem réðust á þriðja drenginn í skólanum.

Því miður er of mikið um að dæmt sé harkalega hér á blogginu og það versta er þegar fólk skrifar ekki undir sínu rétta nafni.  Auðvitað getur ýmislegt gerst í skólum landsins en hver hefur rétt til að dæma aðra?  Vitandi ekki neitt um viðkomandi mál.

Óvægin ummæli á bloggi

Laun

Héraðsdómur Reykjavíkur hefur dæmt Frjálslynda flokkinn til að greiða Margréti Sverrisdóttur, fyrrverandi framkvæmdastjóra flokksins, 614 þúsund krónur en um er að ræða ógreidd laun.

Það er slæmt að ekki skuli hafa verið gert upp við Margréti á eðlilegan hátt og hún þurft að leita til dómstóla.  Þetta setur ljótan blett á Frjálslynda flokkinn.  Það voru mikil mistök að hleypa Jóni Magnússyni og Nýju Afli í Frjálslynda flokkinn, en það var aðalástæða þess að Margrét fór úr flokknum.  Hún flutti viðvörunarorð um þetta á síðasta landsfundi en á það var ekki hlustað.  Ef það hefði verið gert væri hún sjálfsagt enn í flokknum og þingmennirnir fleiri en nú eru.

Frjálslyndi flokkurinn greiði Margréti laun

Icelandair

Nú munu ríkisbankarnir þrír vera komnir með ráðandi hlut í Icelandair, því þeir hafa neyðst til að taka hlutabréf upp í skuldir.  Við erum sem sagt komin með ríkisflugfélag, ríkisbanka ofl.  Það er því að koma á daginn að Ragnar Reykás, sagði forðum að allt verður ríkisvætt.  Nú er bara eftir að stofna Ríkisflokkinn og banna alla aðra stjórnmálaflokka eins og Ragnar vildi.

Sena

Nú er búið að selja 2 fyrrum stjórnendum hjá gamla Glitnir fyrir tækið Senu, sem er dreifingaraðili fyrir erlenda, innlenda tónlist, tölvuleiki og á fjögur kvikmyndahús  Kaupandi er fyrirtækið Garðarshólmi, sem er í eigu Jóns Diðriks Jónssonar og Magnúsar Bjarnasonar, sem báðir voru yfirmenn hjá Gamla Glitnir.  Kaupverðið er kr. 500 milljónir og engar skuldir yfirteknar, sem mun þýða að um þrír milljarðar verða afskrifaðar, mest hjá Nýja Landsbankanum.  Svona mun þetta allt verða þegar bankarnir fara að selja fyrirtæki sem þeir hafa yfirtekið.  Vinir og kunningjar ganga fyrir og milljarðar tapast.

Stjórnendur reknir

Framkvæmdastjóri og fjármálastjóri hjá Ísfélagi Vestmannaeyja hf. hafa verið teknir.  Ástæðan er sú að þeir gerðu eins og svo margir stjórnendur í sjávarútvegi, að veðsetja veiðiheimildir og fá peninga til að braska með á hlutabréfamarkaði og kaupa gjaldeyrir og veðja á að krónan myndi styrkjast og ná þannig í hagnað.  Talið er að Ísfélagið hafi tapað nokkur hundruð milljónum á þessu.  Þetta er bara toppurinn á Ísjakanum, því mörg fyrirtæki í sjávarútvegi voru að spila þetta lottó.  En í stað þess að krónan styrktist þá hrundi gengi hennar á einni nóttu og við það eitt þurrkaðist út allt eigið fé margra sjávarútvegsfyrirtækja og gott betur.  Nú róa mörg þeirra lífróður til að forðast gjaldþrot.  Við eigum eftir að sjá fleiri svona dæmi koma upp á yfirborðið á næstu vikum og mánuðum.

Alvarleg staða

Steingrímur J. Sigfússon sjávarútvegs- og landbúnaðarráðherra sagði á Alþingi í morgun að fallandi afurðaverð og birgðasöfnun hefði mjög neikvæð áhrif á afkomu sjávarútvegsins um þessar mundir. Endurskoðunarskýrsla sem hann hefði undir höndum sýndi að staðan væri mjög alvarleg.

Hvar er nú allur hagnaðurinn og hagræðingin, sem kvótakerfið átti að skila.  Við höfum verið með það kerfi í 25 ár og samt er allt á hausnum og fiskistofnarnir í lámarki.  Svo fullyrða margir að ef t.d. handfæraveiðar væru frjálsar eins og Frjálslyndi flokkurinn, hefur lagt til, þá færi hálf þjóðinn í útgerð.  Miðað við þessa skýrslu ætti að vera óhætt að gefa allt frjálst.  Ákveða bara hámarksafla í hverri tegund, því ekki munu allir vilja fara út í þessa atvinnugrein sem sífellt er að tapa peningum.

Alvarleg staða sjávarútvegs

Morgunblaðið

Það var fljótt að breytast ýmis skrif blaðamanna Morgunblaðsins, þegar nokkrir kvótagreifar eignuðust blaðið.  Þannig ræðst Kolbrún Bergþórsdóttir með offorsi á Frjálslynda flokkinn með fullyrðingum sem ekki eru hafandi eftir.  En eins og flestir vita hefur Frjálslyndi flokkurinn verið harðastur í andstöðu sinni við núverandi fiskveiðistjórnunarkerfi.  Það er ekki amalegt fyrir talsmenn kvótans að hafa fengið Morgunblaðið nánast gefins frá ríkisbanka til að reka áróður sinn.  Ég er hræddur um að auðlindagjaldið sem Morgunblaðið barðist mikið fyrir á sínum tíma verð ekki lengur til umfjöllunar í þessu blaði.  Þetta er blað er svo kallað  "Blað allra landsmanna."  En er að breytast í blað allra kvótabraskara.